09-Mar-2025

ବରଗଡ଼:(ନିରଞ୍ଜନ ତ୍ରିପାଠୀ)-ରାଉରକେଲା ବୀର୍ଷା ମୁଣ୍ଡା ଷ୍ଟାଡିୟମ ସନ୍ତରଣ ଗାର ଠାରେ ସପ୍ତମ ଜାତୀୟ ମାଷ୍ଟର ସନ୍ତରଣ ପ୍ରତିଯୋଗୀତା ଗତ ୮ ମାର୍ଚ୍ଚରେ ଅନୁଷ୍ଠିତ ହୋଇଥିଲା।ସେଥିରେ ବରଗଡ଼ ସହରା଼ପାଲି ଗ୍ରାମ, ଆମ୍ବେଦକର ନଗର ପଡା ଅଡ଼ଗାଁ ଗ୍ରାମପଞ୍ଚାୟତର ଦିବ୍ୟାଙ୍ଗ ଯୁବ ପ୍ରତିଭା  ତରଣୀ ସୁନା ଓ ବରଗଡ଼ ବାନ୍ଦୁଟିକ୍ରାର  ଦିବ୍ୟାଙ୍ଗ ଯୁବ ସୁଇମର ସୁମନ୍ତ ପଧାନ ଅଂଶ ଗ୍ରହଣ କରି ଉଭୟେ ସ୍ବର୍ଣ୍ଣ ପଦକ ଲାଭ କରି ଆମ ରାଜ୍ୟ ତଥା ଜିଲ୍ଲା ପାଇଁ ଗର୍ବ ଆଣିଛନ୍ତି। ଦେଶର  ବିଭିନ୍ନ ରାଜ୍ୟର  ସାଧାରଣ ବର୍ଗର ପ୍ରତିଯୋଗୀ ମାନଙ୍କ ସହ ଅଂଶ ଗ୍ରହଣ କରି ତରଣୀ ସୁନା ୧୦୦ ମିଟର ବ୍ୟାକ ଷ୍ଟୋଜରେ ସ୍ବର୍ଣ୍ଣ, ୫୦ ମିଟର ବ୍ୟାକ ଷ୍ଟୋଜରେ ସ୍ବର୍ଣ୍ଣ ଓ ଫ୍ରିଷ୍ଟାଇଲ  ପ୍ରତିଯୋଗୀତା ରେ କାଂସ୍ୟ ପଦକ ହାସଲ କରି ଗୌରବ ଆଣିଛନ୍ତି। ପ୍ରକାଶ ଥାଉକି ତରଣୀ ସୁନା ଓଡିଶା ହୁଇଲଚେୟାର କ୍ରିକେଟ ଦଳର ଜଣେ ପ୍ରତିଭା ସମ୍ପର୍ଣ୍ଣ ଖେଳାଳୀ ଅଟନ୍ତି। ଆମ ଜିଲ୍ଲାର ଦିବ୍ୟାଙ୍ଗ ଭାଇ ମାନେ ହୁଇଲଚେୟାର କ୍ରିକେଟରେ ଭାଗ ନେବା ପୂର୍ବକ ଆମ ଜିଲ୍ଲାର ଗୌରବ ବୃଦ୍ଧି କରିବା ସକାଶେ ଆହ୍ୱାନ ଜଣାଇ ଥିଲେ। ଅନ୍ୟ ତମ ଦିବ୍ୟାଙ୍ଗ ସୁଇମର ସୁମନ୍ତ ପଧାନ ୫୦ ମିଟର ବ୍ୟାକଷ୍ଟୋଜ  ରେ ସ୍ବର୍ଣ୍ଣ ପଦକ ଓ ଫ୍ରିଷ୍ଟାଇଲ ପ୍ରତିଯୋଗୀତାରେ ମଧ୍ୟ ସ୍ବର୍ଣ୍ଣ ପଦକ ହାସଲ କରି ଏକ ରେକର୍ଡ ସୃଷ୍ଟି କରି ଅନ୍ୟମାନଙ୍କ ପାଇଁ ଉଦାହରଣ ସୃଷ୍ଟି କରିପାଇଛନ୍ତି। ଏହି ଜାତୀୟ ସନ୍ତରଣ ପ୍ରତିଯୋଗୀତାରେ ଦେଶର ବହୁରାଜ୍ୟରୁ ବହୁସଂଖ୍ୟରେ ସୁଇମର ମାନେ ଅଂଶଗ୍ରହଣ କରିଥିଲେ। ସେହିପରି ଆଉ ଜଣେ ଦିବ୍ୟାଙ୍ଗ ଯୁବ କ୍ରୀଡ଼ାବିତ ସାନ ମେହେର ସୁନ୍ଦରଗଡ଼ ସ୍ପୋର୍ଟସ ହଷ୍ଟେଲ ଗ୍ରାଉଣ୍ଡରେ ଜାତୀୟ ତୀରନ୍ଦାଜ  ପ୍ରତିଯୋଗୀତାରେ ମଧ୍ୟ ଅଂଶ ଗ୍ରହଣ କରି ଆମ ପାଇଁ ଗୌରବ ଆଣିଛନ୍ତି।ଭାରତ ସରକାର ଓ ଆମ ରାଜ୍ୟ ସରକାର ଉଭୟ କ୍ରୀଡ଼ାବିତଙ୍କୁ ସମସ୍ତ ପ୍ରକାର ସହଯୋଗ ପ୍ରଦାନ କଲେ ଆଗାମୀ ଦିନରେ ଦେଶ ତଥା ରାଜ୍ୟ ପାଇଁ ଆହୁରି ଉତ୍ସାହିତ ହୋଇ ଖେଲିବେ ବୋଲି ଆଶାପୋଷଣ କରିଥିଲେ। ଆଜି ସକାଳ 10 ଟା ସମୟ ରେ ସ୍ଥାନୀୟ ବାପୁଜୀ ସ୍ୱତନ୍ତ୍ର ଦିବ୍ୟାଙ୍ଗ ବିଦ୍ୟାଳୟ ଠାରେ ବରଗଡ଼ ବଧିର ବିଦ୍ୟାଳୟର ପ୍ରଧାନ ଶିକ୍ଷକ କିଶୋର ଚନ୍ଦ୍ର ସାହୁ ଓ ଏଚିଭର୍ସ ହେଲପିଙ୍ଗ ଫାଉଣ୍ଡେସନ ର ସଭାପତି ଯୁବ ସମାଜସେବୀ ଦିବାକର ମାଝୀ ,ବରଗଡ଼ ତଳିପଡ଼ାର କନକ ପ୍ରଧାନ   ଙ୍କ ସମେତ ବିଦ୍ୟାଳୟର କର୍ମଚାରୀ କାମଦେବ ବେହେରା, ବିକାଶ ଷଡ଼ଙ୍ଗୀ , ବିଜୟା ପଧାନ ପ୍ରମୁଖ ସମ୍ବର୍ଦ୍ଧନା କାର୍ଯ୍ୟକ୍ରମ ରେ ଅଂଶ ଗ୍ରହଣ କରିଥିଲେ। ବିଦ୍ୟାଳୟ ଓ ଫାଉଣ୍ଡେସନ ପକ୍ଷରୁ  ତିନି ପ୍ରତିଭାଙ୍କୁ  ଫୁଲଚନ୍ଦନ, ପୁଷ୍ପଗୁଚ୍ଛ ସହ ଅଙ୍ଗବସ୍ତ୍ର ପ୍ରଦାନ   କରାଯାଇ ସମ୍ବର୍ଦ୍ଧନା ପ୍ରଦାନ କରାଯାଇଥିଲା।