08-Mar-2025

କୁଚିଣ୍ଡା(ସିଲୁ ସୁନାନୀ): ସମ୍ବଲପୁର ଜିଲ୍ଲା କୁଚିଣ୍ଡା ବ୍ଳକ ଅନ୍ତର୍ଗତ ଯାଦବ ଭବନ ଠାରେ ଶନିବାର ବିଶ୍ୱ ମହିଳା ଦିବସ ପାଳିତ ହୋଇଯାଇଛି।କୁଚିଣ୍ଡା ନଗର ମହିଳା ମୋର୍ଚ୍ଚା ପକ୍ଷରୁ ଆୟୋଜିତ କାର୍ଯ୍ୟକ୍ରମରେ ମହିଳା ମୋର୍ଚ୍ଚା ସଭାନେତ୍ରୀ କୁଞ୍ଜଲତା ନାଏକ ସଭାପତିତ୍ବ କରିଥିଲେ। ଏହି କାର୍ଯ୍ୟକ୍ରମରେ ବରିଷ୍ଠ ଆଇନଜିବୀ ଶୈଳେନ୍ଦ୍ର କୁମାର ନାୟକ ମୁଖ୍ୟ ଅତିଥି ଭାବରେ ଯୋଗଦେଇଥିଲେ । ସମ୍ବଲପୁର ଜିଲ୍ଲା ଭାଜପା ସମ୍ପାଦକ ବିଭୁତିକଲ୍ୟାଣ ପଟେଲ ମୁଖ୍ୟ ବକ୍ତା,ନଗର ମଣ୍ଡଳ ସଭାପତି ପ୍ରାଣବନ୍ଧୁ ନାଥ,ରାଜ୍ୟ ମହିଳା ମୋର୍ଚ୍ଚା ଉପସଭା ନେତ୍ରୀ ଅନୁପମା ନାୟକ,ଏମପି ପ୍ରତିନିଧି ଅରୁଣ ଅଗ୍ରୱାଲ, ଶୁଶିଳ ଅଗ୍ରୱାଲ, ଆଇନଜିବୀ କୁମାରେଶ ଦଶଭାୟା,ଯୁଧିଷ୍ଠିର ମାଝି ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇ ଥିଲେ।

ଅତିଥିମାନେ ତାଙ୍କ ବକ୍ତବ୍ଯରେ କହିଥିଲେ ,ମହିଳା ଅଧିକାର, ସାମାଜିକ ଓ ଅର୍ଥନୈତିକ ବିକାଶ ଦିଗରେ ମହିଳାଙ୍କ ଯୋଗଦାନ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଅଟେ।ତେଣୁ ମହିଳାମାନେ ସଚେତନ ହୋଇ ବିକଶିତ ରାଷ୍ଟ୍ର ଗଠନରେ ଭାଗିଦାରି ହେବାକୁ ପରାମର୍ଶ ଦେଇଥିଲେ।ଏଥିରେ କୁଚିଣ୍ଡା ଏନଏସିର ବିଭିନ୍ନ ୱାର୍ଡରୁ ପାଞ୍ଚଶହରୁ ଉର୍ଦ୍ଧ୍ବ ମହିଳା ଯୋଗଦେଇ ଥିଲେ।ମହିଳା ଦିବସ ଅବସରରେ ମିସ ଓଡିଶା ଲିପସା କୁମୁରା ଓ ମହିଳା ଓପିଏଲ କ୍ରିକେଟ ଖେଳାଳୀ ରଶ୍ମିତା ନାଏକଙ୍କୁ ଅତିଥିମାନେ ସମ୍ବର୍ଦ୍ଧିତ କରିଥିଲେ।ମହିଳା ନେତ୍ରୀ ସୁନୈନା ବେହେରା ଧନ୍ୟବାଦ ଅର୍ପଣ କରିଥିଲେ।କାର୍ଯ୍ୟକ୍ରମ ପରିଚାଳନାରେ ସୌଦାମିନୀ ଛତ୍ରିଆ,ମଞ୍ଜୁକ୍ତା ପରିଡା, ଅନିତା ଛତ୍ରିଆ,ରୂପାଲି ପାଣି,ଗାୟତ୍ରୀ ଚାଲାନ,ସଙ୍ଗିତା ଦାସ, ପୁଷ୍ପାଞ୍ଜଳୀ ପଟେଲ, ଶ୍ରୀକାନ୍ତ ଦ୍ୱିବେଦୀ,ବାବୁଲୁ ଖଣ୍ଡା ପ୍ରମୁଖ ସହଯୋଗ କରିଥିବାବେଳେ, ଶେଷରେ ମହିଳା ମାନଙ୍କ ଦ୍ଵାରା ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।