08-Mar-2025

କଣ୍ଟାମାଳ(ଜୟ କୁମାର ମହାରଣା): ନାରୀ ଆମ ସମାଜ ଗଠନରେ ଏକ ମୁଖ୍ୟ ଭୂମିକା ଗ୍ରହଣ କରନ୍ତି କିନ୍ତୁ ଆମ ସମାଜରେ ସେମାନେ ହିଁ ଅବହେଳିତ । ସେଥିପାଇଁ  ସମାଜରେ ମହିଳା ମାନେ ଅସୁରକ୍ଷିତ। ସମାଜର ଅଭିବୃଦ୍ଧି ପାଇଁ ମହିଳା ସୁରକ୍ଷା ଓ ସଚେତନତା ଏକମାତ୍ର ଉପାୟ ଏହି ଆକାଂକ୍ଷା କୁ ଆଖି ଆଗରେ ରଖି ରେଆର ଅନୁଷ୍ଠାନ ଦ୍ଵାରା ପରିଚାଳିତ କଣ୍ଟାମାଳ ସ୍ଥିତ   ଡେ କେଆର ଥେରାପି ସେଣ୍ଟର ପ୍ରାଙ୍ଗଣରେ ଆନ୍ତର୍ଜାତୀୟ ମହିଳା ଦିବସ ପାଳନ କରାଯାଇ ଥିଲା। ଏହି କାର୍ଯ୍ୟକ୍ରମ ଟି ସାମାଜିକ ସୁରକ୍ଷା ଓ ଭିନ୍ନକ୍ଷମ ଶଶକ୍ତିକରଣ ବିଭାଗ, ଓଡ଼ିଶା ସରକାରଙ୍କ ସହାୟତାରେ ଆୟୋଜିତ ହୋଇଥିଲା। ଏହି କାର୍ଯ୍ୟକ୍ରମରେ ସେଣ୍ଟରର ଭିନ୍ନକ୍ଷମ ଛାତ୍ର ଛାତ୍ରୀ ଓ ସେମାନଙ୍କ ଅଭିଭାବକମାନେ ଯୋଗ ଦାନ କରିବା ସହିତ ସ୍ଵତନ୍ତ୍ର ପ୍ରଶିକ୍ଷିକା ବୀଣାପାଣି ଲୁହା ଅତିଥି ଓ ଅଭିଭାବକ ମାନଙ୍କୁ ସ୍ଵାଗତ ଜଣାଇ କାର୍ଯ୍ୟକ୍ରମର ଶୁଭାରମ୍ଭ ଅବଂ ପରିଚାଳନା କରି ଥିଲେ। କାର୍ଯ୍ୟକ୍ରମରେ ପାୟଲ ବାଇ ଅଗ୍ରୱାଲ, ସନ୍ତୋଷ ଅଗ୍ରୱାଲ ଓ ସୁଦାମ ଗାଇଗରିଆ ଅତିଥି ଭାବେ ଅଂଶ ଗ୍ରହଣ କରି ଥିଲେ।ସୋମନାଥ ସାହୁଆନ୍ତର୍ଜାତୀୟ ମହିଳା ଦିବସର ଥିମ୍ "ସମସ୍ତ ମହିଳା ଏବଂ ବାଳିକାଙ୍କ ପାଇଁ: ଅଧିକାର। ସମାନତାସଶକ୍ତିକରଣ"ବାବଦରେ ବିବରଣୀ ପ୍ରଦାନ କରିଥିଲେ। ରେଆର ର ଖାଉଟି ପରାମର୍ଶ ଦାତା ସୁଦାମ ଗାଈଗରିଆ ଆଗାମୀ ପିଢ଼ି ର ମହିଳା ମାନଙ୍କୁ ସଶକ୍ତିକରଣ କରିବା ଓ ସେମାନଙ୍କ ଅଧିକାର ସହ ପି.ସି.ପି.ଏଁ. ଡି ଟି ଆକ୍ଟ ଓ ଡାହାଣୀ ବିରୋଧୀ ଆକ୍ଟ ଇତ୍ୟାଦି ବିଷୟରେ କହିଥିଲେ । ଏହାପରେ ବୀଣାପାଣି ଲୁହା ମହିଳା ମାନଙ୍କ ଶାରୀରିକ ଓ ମାନସିକ ସ୍ବାସ୍ଥ୍ୟ କିପରି ଠିକ ରେ ରହିବା ଏବଂ କିଛି ସାଧାରଣ ଶାରୀରିକ ବ୍ୟାଧି ଯଥା ପି.ସି.ଓ.ଡି, ଋତୁସ୍ରାବ ଜନିତ ଅନିୟମିତତା, ମେଦବହୁଲତା, ଥାଇରଏଡ ଇତ୍ୟାଦି ଉପରେ ଆଲୋକପାତ କରିଥିଲେ। ଏହା ପରେ ରେଆର୍ ର ସମସ୍ତ କର୍ମକର୍ତ୍ତା ମାନଙ୍କ ଦ୍ଵାରା ଏକ ସଚେତନତା ନାଟକ "ସଂଘର୍ଷ" ପରିବେଷଣ କରିଥିଲେ ଓ କମିନା ନାୟକ ଏକ ସଙ୍ଗୀତ ପ୍ରସ୍ତୁତ କରି ଥିଲେ। ସଭା ଶେଷରେ ସୋମନାଥ ସାହୁ ଧନ୍ୟବାଦ୍ ଦେଇ ଥିଲେ  l ଏହି କାର୍ଯ୍ୟକ୍ରମରେ ସମୀର ପଟେଲ, ମମତା କୁମ୍ଭାର, ଟିକେଚନ ରଣା, ସୁପ୍ରଭା ଯାନି ଓ ଚୌଧୁରୀ ବାରିକ ଆଦି ସାହାଯ୍ୟ କରିଥିଲେ।