19-Feb-2025

 ମୟୂରଭଞ୍ଜ ଜିଲ୍ଲା ବାମନଘାଟୀ ଉପଖଣ୍ଡ ରାଇରଙ୍ଗପୁର ବ୍ଲକ ଭାଲୁବସା ଗ୍ରାମପଞ୍ଚାୟତ ନେଉତି ଠାରେ ବୀର ସିଦକାହ୍ନୁ (ଭିଏସକେ) କ୍ଲବ ଆନୁକୂଲ୍ଯରେ ୨୫ତମ ବାର୍ଷିକ ରଜତ ଜୟନ୍ତୀ ମହୋତ୍ସବ ଅନୁଷ୍ଠିତ ହୋଇଯାଇଛି I ଗତ ୧୬ ଓ ୧୭ ତାରିଖ ଫୁଟବଲ ଟୁର୍ଣ୍ଣାମେଣ୍ଟ ଆୟୋଜିତ ହୋଇଥିଲା ବେଳେ ୧୮ ତାରିଖ କ୍ରୀଡା ମଧ୍ଯରେ ବାଳକବାଳିକାମାନଙ୍କର ୨୦୦ ମିଟର ଦୌଡ, ୪୦୦ ମିଟର ଦୌଡ, ବୟସ୍କମାନଙ୍କର ୧୫୦୦ ମିଟର ଦୌଡ, ମହିଳାମାନଙ୍କର ମ୍ଯୁଜିକ ଚେୟାର, ଚକଲେଟ୍ ରେସ୍ ଓ କେନଡେଲ ରେସ୍ ପ୍ରତିଯୋଗିତା ହୋଇଥିଲା ବେଳେ ଆଦିବାସୀ ନୃତ୍ଯ ମଧ୍ଯରେ ବୁଢିଗାଳି , ଡ୍ରାମାଗାଳି ଓ ହୋନାଚ ପ୍ରତିଯୋଗିତା ହୋଇଥିଲା I  ଏଥିରେ ମୁଖ୍ଯ ଅତିଥି ଭାବେ ମୟୂରଭଞ୍ଜ ସାଂସଦ ନବଚରଣ ମାଝୀ, ସମ୍ମାନିତ ଅତିଥି ରୂପେ ଭାରତୀୟ ଜନତା ପାର୍ଟି ରାଜ୍ଯ ସମ୍ପାଦକ ନବୀନ କୁମାର ରାମ, ଭାଲୁବସା ଗ୍ରାମପଞ୍ଚାୟତ ସରପଞ୍ଚ ଯମୁନାମଣୀ ସିଂ, ମୁଖ୍ଯବକ୍ତା ସ୍ତମ୍ଭକାର ଲଳିତ  କୁମାର ମହାନ୍ତ , ସ୍ବତନ୍ତ୍ର ଅତିଥି ରୂପେ ସିଆରପିଏଫ୍ ବାଧ ବେସ୍ରା, ଏଲଆଇସି କାଳୀଚରଣ ମାଝୀ, ରେଲୱୈ ମଙ୍ଗଲ ହେମ୍ବ୍ରମ, ଏସ୍ଏସ୍ଆଇଟି ଉପାଧ୍ଯକ୍ଷ ଇଂଜିନିୟର ସତ୍ଯନାରାୟଣ ମାଝୀ, ଆତୁମାଝୀ ଶ୍ଯାମଚରଣ ଟୁଡୁ, ମାଝିଆରାମ ଟୁଡୁ ଓ  ଆତୁନାଏକେ ଭାଗମାତ ମାର୍ଣ୍ଡି ପ୍ରମୁଖ ଉପସ୍ଥିତ ରହି କ୍ରୀଡା ଓ ନୃତ୍ଯରେ କୃତୀ ପ୍ରତିଯୋଗୀଗଣଙ୍କୁ ଆକର୍ଷଣୀୟ ପୁରସ୍କାର ଦେଇ ପୁରସ୍କୃତ କରିଥିଲେ I ଉକ୍ତ ଅବସରରେ ମାନ୍ଯବର ସାଂସଦ ନବଚରଣ ମାଝୀ  ଆଦିବାସୀ ନୃତ୍ଯରେ ଆନନ୍ଦରେ ମସଗୁଲ ହୋଇଯାଇ ଥିଲେ I  ଉକ୍ତ ପାରମ୍ପରିକ ଗତାନୁଗତିକ ରଜତଜୟନ୍ତୀ ସମାରୋହରେ ଭିଏସକେ କ୍ଲବର ସଭାପତି ସୁନ୍ଦର ମୋହନ ଟୁଡୁ, ଉପସଭାପତି ସୁରେନ୍ଦ୍ର ହେମ୍ବ୍ରମ, କାର୍ଯ୍ଯକାରୀ ସଭାପତି ରାମକୃଷ୍ଣ ବେଶ୍ରା, ସମ୍ପାଦକ  ଧାନ ହାଁସଦା, ସହସମ୍ପାଦକ ପରେଶ ଚନ୍ଦ୍ର ସୋରେନ, କାର୍ଯ୍ଯକାରୀ ସମ୍ପାଦକ ସୁନୀଲ କୁମାର ହେମ୍ବ୍ରମ ତଥା କାର୍ଯ୍ଯକାରୀ ସଦସ୍ଯଗଣ ପରିଚାଳନାରେ ସାହାଯ୍ଯ ଓ ସହଯୋଗ କରିଥିଲେ I ଏଥିରେ ସ୍ଥାନୀୟ ତଥା ଦୂରଦୁରାନ୍ତର ରୁ ଲୋକମାନଙ୍କର ପ୍ରବଳଭିଡ ପରିଲକ୍ଷିତ ହୋଇଥିଲା I  ରାଇରଙ୍ଗପୁର ରୁ ଶ୍ଯାମଳେନ୍ଦୁ ପରିଡାଙ୍କ ରିପୋର୍ଟ