15-Feb-2025

ଆଜି ସୋନପୁର ଜିଲ୍ଲାର ଅଗ୍ରଣୀ ସ୍ଵେଚ୍ଛାସେବୀ ଅନୁଷ୍ଠାନ ଗ୍ରାମଉତଥାନ୍ ର ଯୁବ ବିକାଶ କାର୍ଯ୍ୟକ୍ରମ ଦ୍ଵାରା ଦୁଇଟି ସଙ୍ଗୀତ ମୁକ୍ତିଲାଭ  ହୋଇଛି । ଏହି ସଙ୍ଗୀତକୁ ଉମାଦେବୀ ଉଚ୍ଚ ମାଧ୍ଯମିକ ବିଦ୍ୟାଳୟ, କାଦୋଦର ର ଯୁବକ ଯୁବତୀ ମାନେ “ଆମେ ଭାରତୀୟ” ଓ ଜୟକୃଷ୍ଣ ଉଚ୍ଚ ମାଧ୍ଯମିକ ବିଦ୍ୟାଳୟ, ଦମାମୁଣ୍ଡାର ଯୁବକ ଯୁବତୀ ମାନେ “ଆମେରେ ଭାରତ ମାତାର ସନ୍ତାନ” ଗୀତକୁ ଗାଇଥିଲେ । ଏହି ସଙ୍ଗୀତ ମୁକ୍ତିଲାଭ କାର୍ଯ୍ୟକ୍ରମରେ ମୁଖ୍ୟ ଅତିଥି ପ୍ରସିଦ୍ଧ ନାଟ୍ୟକାର ଗଦାଧର ବାରିକ, ସମ୍ମାନିତ ଅତିଥି ପୂର୍ବତନ ସେନା ନିରୀକ୍ଷକ, ଅଲ ଇଣ୍ଡିଆ ରେଡିଓ ଆର୍ଟିସ୍ଟ ଓ ସଙ୍ଗୀତ ବିଷାରଦ କୃଷ୍ଣଚନ୍ଦ୍ର

ସିନ୍ଦୀରିଆ, ଗ୍ରାମଉତଥାନ୍ ର ପ୍ରତିଷ୍ଠାତା ଓ କାର୍ଯ୍ୟ ନିର୍ବାହୀ ଅଧିକାରୀ ପ୍ରତାପ କୁମାର ପ୍ରଧାନ, ଜୟକୃଷ୍ଣ ଉଚ୍ଚ ମାଧ୍ଯମିକ ବିଦ୍ୟାଳୟର ଅଧ୍ୟକ୍ଷା ପ୍ରିୟମ୍ବଦା ନାୟକ, ଯୋଗାଳୟ ସହ-ସମ୍ପାଦକ ଆର୍ତ୍ତତ୍ରାଣ ବାବୁ, ପାରାୟଣ ଓ ଭଜନ ଗାୟିକା ଦେବସ୍ମିତା ମହାପାତ୍ର, ସଙ୍ଗୀତ ନିର୍ଦ୍ଦେଶକ ଶ୍ରୀବଲ୍ଲଭ ପ୍ରସାଦ ନାୟକ ଯୋଗ ଦେଇ ଥିଲେ । ଗ୍ରାମଉତଥାନ୍ ର ଶିକ୍ଷା ଓ ଭାବନାତ୍ମକ ପରିଚାଳିକା ଲୋପାମୁଦ୍ରା ବଳ କାର୍ଯ୍ୟକ୍ରମକୁ ପରିଚାଳନା କରିଥିଲେ । ମୁଖ୍ୟ ପରିଚାଳନା ଅଧିକାରୀ ସ୍ଵର୍ଣ୍ଣରୂପା ମିଶ୍ର ଓ ଯୁବ ସଂଯୋଜକ କ୍ଷିରେନ୍ଦ୍ର ରଣା  ଗ୍ରାମ ଉତଥାନ୍ ର କାର୍ଯ୍ୟକ୍ରମ ବିଷୟରେ ଆଲୋଚନା କରି ଥିଲେ । ଯୁବକ ଯୁବତୀ ମାନେ ନିଜର ଅନୁଭବ, ଶିକ୍ଷା ଓ ନିଜ ଜୀବନରେ ଗୋଟିଏ ବଡ ପରିବର୍ତ୍ତନ ବିଷୟରେ

କହିଥିଲେ ଓ ଉଭୟ ଉଚ୍ଚ ମାଧ୍ଯମିକ ବିଦ୍ୟାଳୟର ଅଧ୍ୟାପକମାନେ ସୁଶାନ୍ତ କୁମାର ଦେହୁରୀ, ସଚିତାନନ୍ଦ କର୍ଣ୍ଣ, ଝସକେତନ ପ୍ରଧାନ, ସୁର ସରଗମ  ଷ୍ଟୂଡିଓ କଣ୍ଟାମାଳର ସୁଶାନ୍ତ କୁମାର ଷାଣ୍ଢ, ଶିବ କମ୍ପ ସଙ୍ଗୀତ ଓ କଳା କିପରି  ଯୁବକ ଯୁବତୀ ମାନଙ୍କର ଉନ୍ନତି ହୋଇ ପାରିବ ସେ ବିଷୟରେ କହିଥିଲେ। ତାପରେ ଦୁଇଟି ସଙ୍ଗୀତକୁ ଅତିଥି ମାନଙ୍କ ଦ୍ଵାରା ମୁକ୍ତିଲାଭ କରାଯାଇଥିଲା ଓ ପରିବେଷଣ କରାଯାଇଥିଲା । ଲୋକପ୍ରିୟ ଯାଦୁଗର ତଥା ଅଧ୍ୟାପକ ଉଦ୍ଧବ ପଧାନ ବିଭିନ୍ନ ପ୍ରକାର ଯାଦୁ ଦେଖାଇ ସମସ୍ତଙ୍କ ମନମୁଗ୍ଧ କରିଥିଲେ । ଶେଷରେ ଯୁବ ସଂଯୋଜକ ରଶ୍ମିତା ପଧାନ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ଓ ଅନିତା କ୍ଷେତି ସହଯୋଗ କରିଥିଲେ ।