15-Feb-2025

କଣ୍ଟାମାଳ(ଜୟ କୁମାର ମହାରଣା): ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ ସ୍ତରୀୟ ଷ୍ଟାଡିଅମ ପାଇଁ ପଳସାଗୋରାନିକଟସ୍ଥ ବେତ୍ରା ପଡ଼ା କ୍ରିକେଟ ପଡିଆ ଠାରେ ବ୍ଲକ ସ୍ତରୀୟ ଷ୍ଟାଡିଅମ କରାଯିବାକୁ କଣ୍ଟାମାଳ ବିଡ଼ିଓ ସାମି ଜୟଶ୍ରୀ ରେଡି, କଣ୍ଟାମାଳ ଅତିରିକ୍ତ ତହସିଲଦାରଧନଞ୍ଜୟ ସାହୁ ଜାଗା ପରିଦର୍ଶନ କରିଥିଲେ l ପରିଦର୍ଶନ ସମୟରେ ବିଦ୍ୟୁତ ବିଭାଗର ଏସଡିଓ, ଟାଟା ଇଲେକ୍ଟ୍ରି ବିଭାଗ ର ବରିଷ୍ଠ ଅଧିକାରୀ, ଓ ସମାଜ ସେବି ଶିତିକଣ୍ଠ ମିଶ୍ର ଉପସ୍ଥିତ ରହି ଜାଗା ଦେଖିବାରେ ସହଯୋଗ କରିଥିଲେ l ସେହିପରି ଗତକାଲି ବୌଦ୍ଧ ଜିଲ୍ଲାପାଳ ସୁବ୍ରତ କୁମାର ପଣ୍ଡା କଣ୍ଟାମାଳ ବ୍ଲକର ଅନେକ ପ୍ରକଳ୍ପ ପରିଦର୍ଶନ କରିଛନ୍ତି | ଜିଲ୍ଲାପାଳ ଶ୍ରୀ ପଣ୍ଡା ପ୍ରଥମେ କଣ୍ଟାମାଳ ଠାରେ ଥିବା ବ୍ଲକ ସ୍ତରୀୟ ଷ୍ଟାଡିଅମପାଇଁ ଜାଗା ପରିଦର୍ଶନ କରିଥିଲେ | ପରେ ଶିମିଳି ପଦର ପଞ୍ଚାୟତ ଅନ୍ତର୍ଗତ ଲୋକାପଡା ଠାରେ ଥିବା ମେଗା ପାନୀୟ ଜଳ ପ୍ରକଳ୍ପ ବୁଲି ଦେଖିଥିଲେ | ଜିଲ୍ଲାପାଳ ଶ୍ରୀ ପଣ୍ଡା ଖଟଖଟିଆ, ମନମୁଣ୍ଡl ମଣ୍ଡି ପରିଦର୍ଶନ କରିବା ସହ ସମସ୍ୟା ସମ୍ପର୍କରେ ଚାଷୀଙ୍କ ସହ ଆଲୋଚନା କରିଥିଲେ | ଏହି ପରିଦର୍ଶନ ସମୟରେ ଜିଲ୍ଲାପାଳ ଶ୍ରୀ ପଣ୍ଡାଙ୍କ ସହିତ ଉପଜିଲ୍ଲାପାଳ ପ୍ରବୀଣ କୁମାର ବାଣୁଆ, ଅତିରିକ୍ତ ଜିଲ୍ଲାପାଳ ଅନିରୁଦ୍ଧ ପ୍ରଧାନ, କଣ୍ଟାମାଳ ବିଡ଼ିଓ ସାମି ଜୟଶ୍ରୀ ରେଡ୍ଡୀ, ଅତିରିକ୍ତ ତହସିଲଦାର ଧନଞ୍ଜୟ ସାହୁ , ସହକାରୀ ଯନ୍ତ୍ରୀ ଜୟ ମହନ୍ତଙ୍କ ସମେତ ଅନେକ ବ୍ଲକ କର୍ମଚାରୀ ଉପସ୍ଥିତ ଥିଲେ |