11-Feb-2025

ଅତାବିରା(ଆକାଶ ମିଶ୍ର): ଜାତୀୟ ରାଜପଥ (୫୩) ର ଅତାବିରା ଟେଲିକମ୍ ଅଫିସ ଛକରୁ ପାହାଡ଼ଶ୍ରୀଗିଡାକୁ ଯାଇଥିବା ଗ୍ରାମ୍ୟ ଉନ୍ନୟନ ରାସ୍ତାକୁ ବୀର ଜନାର୍ଦ୍ଦନ ସିଂ ମାର୍ଗ ନାମରେ ନାମିତ କରାଯାଇଛି।ଏହା ସହିତ ରାସ୍ତାର ମୁଖ୍ୟ ଦ୍ଵାର ଅତାବିରାରେ ବୀର ଜନାର୍ଦ୍ଦନ ସିଂ ମାର୍ଗ ତୋରଣ ନିର୍ମାଣ କରିବା ପାଇଁ ଅତାବିରା ନିର୍ବାଚନ ମଣ୍ଡଳୀ ବିଧାୟକ ନିହାର ରଞ୍ଜନ ମହାନନ୍ଦ ଶୁଭ ଶିଳାନ୍ୟାସ କରିଛନ୍ତି।ଏହି ଅବସରରେ ପାହାଡ଼ଶ୍ରୀଗିଡା ବୀର ଭୂମି ଜମିଦାରଙ୍କ ବାସ ଭବନରୁ ମଶାଲ ଶୋଭାଯାତ୍ରାର ଆୟୋଜନ କରଯାଇ ଜନାର୍ଦ୍ଦନ ସିଂଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରି ବିଡିଓ ରିପୁନାଥ ସୁନା ଓ ଥାନା ଅଧିକାରୀ ସୁକୁମାର ତ୍ରିପାଠୀଙ୍କ ପରିଚାଳନାରେ ଟୋପ,ସିଂହପାଲି, ଖଲିଆପାଲି,ଭାଲୁପାଲି ଗ୍ରାମ ଦେଇ ତହସିଲ ଅଫିସ ଛକରେ ଥିବା ବୀର ସୁରେନ୍ଦ୍ର ସାଏଙ୍କ ପ୍ରତିମୂର୍ତ୍ତି ସ୍ଥାନକୁ ପହଞ୍ଚି ଥିଲେ।ସୁରେନ୍ଦ୍ର ସାଏଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରି ଶିଳାନ୍ୟାସ ସ୍ଥାନରେ ପହଞ୍ଚି ଥିଲେ। ସ୍ଥାନୀୟ ଜନସାଧାରଣ ଓ ବିଜେପି ନେତା କର୍ମୀ ଉପସ୍ଥିତ ରହିଥିଲେ।