05-Jan-2025

ଅତାବିରା(ଆକାଶ ମିଶ୍ର): ଭୁବନେଶ୍ୱର ସ୍ଥିତ ବହାଇ ଭବନ,ୟୁନିଟ-୮ ରେ " ମୁଁ ଓଡ଼ିଆ  ମୋ ଭାଷା ଓଡ଼ିଆ ସାହିତ୍ୟ  ସଂସଦ, ଭଦ୍ରକ ପକ୍ଷରୁ ଆୟୋଜିତ  ପ୍ରଥମ ବାର୍ଷିକ ରାଜ୍ୟସ୍ତରୀୟ ସାରସ୍ଵତ ସମାରୋହ  ପକ୍ଷରୁ ବରଗଡ ଜିଲ୍ଲା  ଅତାବିରା ବ୍ଲକ୍  ପଞ୍ଚାୟତ ଉଚ୍ଚବିଦ୍ୟାଳୟ , ଟୋପ ର ବିଜ୍ଞାନ ଶିକ୍ଷୟତ୍ରୀ , କବୟିତ୍ରୀ ଅନୁସୂୟା ଦେବତା ଓ ଆଇନଜୀବୀ ତଥା କବି ଦିବ୍ୟ କିଶୋର ମିଶ୍ରଙ୍କୁ  ସାରସ୍ଵତ ସମ୍ମାନରେ  ସମ୍ବର୍ଦ୍ଧିତ  କରାଯାଇଛି।  ଏହି   ସମାରୋହର ପ୍ରଥମ ପର୍ଯ୍ୟାୟ ରେ  ସଂସଦ ର  ଉପଦେଷ୍ଟା ,ଭଞ୍ଜ ସାହିତ୍ୟ ଗବେଷକ , ବନିପୁତ୍ର କୁଳମଣି  ବାରିକ ଙ୍କ ପୌରୋହିତ୍ୟ ତଥା କବୟିତ୍ରୀ ଅନୁସୂୟା ଦେବତା ଓ ସ୍ନେହ ମିଶ୍ରଙ୍କ ସଂଯୋଜନା କ୍ରମେ କବିତା ପାଠ ସମାରୋହ ଅନୁଷ୍ଠିତ ହୋଇଥିଲା । ଏହାର ଦ୍ଵିତୀୟ ପର୍ଯ୍ୟାୟରେ ଆଲୋଚନାଚକ୍ର, ପୁସ୍ତକ ଉନ୍ମୋଚନ ଓ ସମ୍ବର୍ଦ୍ଧନା  କାର୍ଯ୍ୟକ୍ରମ ହୋଇଥିଲା ।ସଂସଦର ପ୍ରତିଷ୍ଠାତା ସମ୍ପାଦକ ପ୍ରହଲ୍ଲାଦ ସାହୁଙ୍କ ସଭାପତିତ୍ବରେ ଆୟୋଜିତ ଏହି ସମ୍ବର୍ଦ୍ଧନା ସଭାରେ  ନୋଡାଲ ଅଫିସର ,ବିଦ୍ୟାଳୟ  ଓ ଗଣ

ଶିକ୍ଷା ବିଭାଗ ଓଡ଼ିଶା ସରକାର ଡଃ  ସୂର୍ଯ୍ୟ ପ୍ରକାଶ ମୁଖ୍ୟ ଅତିଥି ଭାବରେ ଯୋଗ ଦେଇଥିବା ବେଳେ  ବିଶିଷ୍ଟ ଓଡ଼ିଆ ଓ ଇଂରାଜୀ କବି ତଥା ପଲ୍ଲୀ କବି ନନ୍ଦକିଶୋର  ବଳଙ୍କ ପୌତ୍ର  ଇଞ୍ଜିନିୟର ସୁଶାନ୍ତ କିଶୋର ବଳ ମୁଖ୍ୟ ବକ୍ତା ଭାବେ ଯୋଗ ଦେଇଥିଲେ ।ଶିକ୍ଷକ ତଥା ଶିଶୁ ସାହିତ୍ୟିକ ଦେବୀପ୍ରସାଦ ନାଏକ ମଞ୍ଚ ପରିଚାଳନା କରିଥିଲେ । ଏହି ସମାରୋହରେ  ଓଡ଼ିଶାର ବିଭିନ୍ନ ପ୍ରାନ୍ତରୁ  ଶତାଧିକ କବି ଓ କବୟିତ୍ରୀ  ଏଥିରେ ଉପସ୍ଥିତ ରହି କବିତା ପାଠ କରିଥିଲେ। ବିଶିଷ୍ଟ କବି ଓ ଗାଳ୍ପିକ  ତଥା ସମାଜସେବୀ ଜୟରାମ ସାହୁ  ଧନ୍ୟବାଦ୍ ଅର୍ପଣ କରିଥିଲେ ।ଏହି ଅବସରରେ ସଂସଦର ବାର୍ଷିକ ପତ୍ରିକା ଉନ୍ମୋଚନ ହୋଇଥିଲା ।