27-Nov-2024

ବଲାଙ୍ଗୀର (ଦେବାଶିଷ ବହିଦାର): ସରକାରୀ ମହିଳା ମହାବିଦ୍ୟାଳୟର ପ୍ରେକ୍ଷାଳୟରେ  ନେହେରୁ ଯୁବକେନ୍ଦ୍ର ବଲାଙ୍ଗିର ଶାଖା, ଜାତୀୟ ସେବା ଯୋଜନା, ଜାତୀୟ ସମର ଶିକ୍ଷାର୍ଥୀ ବାହିନୀ, ସରକାରୀ ମହିଳା ମହାବିଦ୍ୟାଳୟର ମିଳିତ ଆନୁକୂଲ୍ୟରେ  ସମ୍ବିଧାନ ଦିବସ ପାଳିତ ହୋଇଯାଇଛି I ଉକ୍ତ କାର୍ଯ୍ୟକ୍ରମରେ ମହାବିଦ୍ୟାଳୟର ଅଧ୍ୟକ୍ଷ ଡ଼ଃ ଅରବିନ୍ଦ କୁମାର ଓଝା, ଡ଼ଃ ସଦାଶିବ ମଲ୍ଲିକ, ବିଭୂତିଭୂଷଣ ସାହୁ, ଏନ୍ ଏସ୍ ଏସ୍ କାର୍ଯ୍ୟକ୍ରମ

ଅଧିକାରିଣୀ ଡ଼ଃ ମିନତୀ ଦେବତା ପ୍ରମୁଖ ମଞ୍ଚାସୀନ ରହି ସମ୍ବିଧାନ ଦିବସର ମହତ୍ତ୍ୱ ଉପରେ ନିଜର ବକ୍ତବ୍ୟ ପ୍ରଦାନ କରିଥିଲେ I କାର୍ଯ୍ୟକ୍ରମକୁ ସଂଯୋଜନା କରିଥିଲେ ଅଧ୍ୟାପକ ଡ଼ଃ ରାଜେଶ କୁମାର କର୍ଣ୍ଣ I ଏହି କାର୍ଯ୍ୟକ୍ରମ ଅବସରରେ ମହାବିଦ୍ୟାଳୟର ଅଧ୍ୟାପକ ଅଧ୍ୟାପିକାମାନେ ଯଥା ଡ଼ଃ ଅନୁରାଧା ମିଶ୍ର, ଅକ୍ଷୟ କୁମାର ସେଠ୍, ଦେବଦତ୍ତ ପାଣିଗ୍ରାହୀ  ପ୍ରମୁଖ ସମ୍ବିଧାନ ଦିବସର ମହତ୍ତ୍ୱ ଉପରେ ନିଜର ମତବ୍ୟକ୍ତ କରିଥିଲେ I ଏହି ଅବସରରେ ଚିତ୍ରାଙ୍କନ ଏବଂ ପ୍ରବନ୍ଧ ପ୍ରତିଯୋଗିତା ଛାତ୍ରୀମାନଙ୍କ ମଧ୍ୟରେ ଅନୁଷ୍ଠିତ ହୋଇଯାଇଥିଲା I ଚିତ୍ରାଙ୍କନରେ ଯଥାକ୍ରମେ ଶ୍ରଦ୍ଧାଞ୍ଜଳି ବେହେରା, ସିମ୍ରନ୍‌  ଦଳେଇ ଏବଂବର୍ଷା ଗହିର ପ୍ରଥମ ଦ୍ବିତୀୟ, ତୃତୀୟ ସ୍ଥାନ ଅଧିକାର କରିଥିଲେ I ସେହିପରି ପ୍ରବନ୍ଧ ଲିଖନରେ ପ୍ରଥମ

ସ୍ଥାନ କ୍ଷିତିସୁତା ପ୍ରଧାନ, ଦ୍ଵିତୀୟ ସ୍ଥାନ ଶକ୍ତିଶା ଚୌଧୁରୀ ଏବଂ ତୃତୀୟ ସ୍ଥାନ ଉଭୟ ସ୍ୱସ୍ତିକା ତ୍ରିପାଠୀ ଓ ଗାୟତ୍ରୀ ଦାଶ ଅଧିକାର କରିଥିଲେ I ଆରମ୍ଭରେ ସମ୍ବିଧାନର ପ୍ରସ୍ତାବନା ପାଠ କରାଯାଇଥିଲା ।  କାର୍ଯ୍ୟକ୍ରମର ଶେଷରେ ଧନ୍ୟବାଦ ଅର୍ପଣ କରିଥିଲେ ଅଧ୍ଯାପିକା ସୁଚେତା ଦୋରା। ବହୁ ସଂଖ୍ଯାରେ ଛାତ୍ରୀ ତଥା ଅଧ୍ୟାପକ ଅଧ୍ୟାପିକାମାନେ କାର୍ଯ୍ୟକ୍ରମରେ ଉପସ୍ଥିତ ରହିଥିଲେ। ଶେଷରେ ଜାତୀୟସଂଗୀତ ଗାନ କରାଯାଇଥିଲା।