26-Nov-2024

ତୁରେକେଲା (ପୁର୍ଣ୍ଣ ଶଶୀ ଶେଖର ରାଓ)ସାରା ରାଜ୍ୟରେ ଦାଦନ ପ୍ରବଣ ଜିଲ୍ଲା ଭାବେ ବେଶ ପରିଚିତ ରହିଛି ବଲାଙ୍ଗିର ଜିଲ୍ଲା । ଏହି ଜିଲ୍ଲାର ହଜାର ହଜାର ଲୋକ ଭିଟାମାଟି ଛାଡ଼ି ବାହାର ରାଜ୍ୟ କୁ ଦାଦନ ଖଟିବାକୁ ଯାଉଥିବା ବେଳେ ତାକୁ ରୋକ୍ ଲଗାଇବା ପାଇଁ ବିଫଳ ରହୁଛନ୍ତି ପ୍ରଶାସନ। ଦୀର୍ଘ ୨୫ ବର୍ଷ ସରକାର ବେଳେ ଯେପରି ଥିଲା ସରକାର ବଦଳି ହେବାପରେ ମଧ୍ୟ ସେହି ପରିସ୍ଥିତି ଦେଖିବାକୁ ମିଳୁଛି। ଚଳିତବର୍ଷ ଦାଦନ ରୋକିବାକୁ ନୂଆ ସରକାର କୁଆଡେ ଟାକ୍ସଫୋର୍ସ ଗଠନ କରିଥିବାର ଘୋଷଣା କରିଥିଲେ କିନ୍ତୁ ସେହି ଟାକ୍ସଫୋର୍ସ କେଉଁଠି କାର୍ଯ୍ୟକାରୀ ହେଉଛି ଜନସାଧାରଣଙ୍କୁ ଅଜଣା । ପ୍ରତିବର୍ଷ ଭଳି ଚଳିତ ବର୍ଷ ମଧ୍ୟ ହଜାର ହଜାର ଲୋକ ଭିଟାମାଟି ଛାଡ଼ି ବାହାର ରାଜ୍ୟ କୁ ଦାଦନ ଖଟିବାକୁ ଯାଉଥିବା ବେଳେ ନିରବଦ୍ରଷ୍ଟା ସାଜିଛନ୍ତି ପୋଲିସ ପ୍ରଶାସନ। ଅପରପକ୍ଷରେ ଅନ୍ୟ ବର୍ଷ ଭଳି ଦାଦନ ଶ୍ରମିକ ଉଦ୍ଧାର ହେଉନଥିବା ଦେଖିବାକୁ ମିଳୁଛି।କାଁ ଭାଁ ଛୋଟ ଛୋଟ ସର୍ଦ୍ଦାର ଓ ଦଲାଲ୍ କୁ ଧରି ନିଜର କର୍ତ୍ତବ୍ୟ ସମ୍ପାଦନ କରୁଥିବା ବୁଦ୍ଧିଜୀବିମହଳରେ ଚର୍ଚ୍ଚା ହେଉଛି। ବଲାଙ୍ଗିର ଜିଲ୍ଲା  ଦାଦନ ଗଡ଼ ର ରାଜଧାନୀ କୁହାଯାଉଥିବା କଣ୍ଟାବାଞ୍ଜି ପୋଲିସ ଉପରେ ଗୁରୁତ୍ବପୂର୍ଣ୍ଣ ଭୂମିକା ରହୁଥିବା ବେଳେ ଚଳିତ ବର୍ଷ କଣ୍ଟାବାଞ୍ଜି ପୋଲିସ ଧରୁନଥିବା ଯୋଗୁଁ ସନ୍ଦେହ ସୃଷ୍ଟି କରୁଛି। ବଲାଙ୍ଗିର ଜିଲ୍ଲାର ଲାଠୋର, ତୁରେକେଲା, କଣ୍ଟାବାଞ୍ଜି ତିନୋଟି ରେଲୱେ ଷ୍ଟେସନ ମଣିଷ ବେପାର ର ମୁଖ୍ୟ ପେଣ୍ଠସ୍ଥଳୀ ପାଳଟିଥିବା ବେଳେ ମୁରିବାହାଲ ଓ ଟିଟିଲାଗଡ଼ ରେଲୱେ ଷ୍ଟେସନ ରେ କିଛି ଅଂଶ ରହିଥାଏ। ଶୁଣିବାକୁ ମିଳେ ଯେ କଣ୍ଟାବାଞ୍ଜି, ତୁରେକେଲା,ଲାଠୋର ରେଲୱେ ଷ୍ଟେସନ ଦଲାଲ୍ କବ୍ଜାରେ ରହିଛି। ସେହି ଦଲାଲକୁ ଧରିଲେ ଯାଇ ସର୍ଦ୍ଦାର ମାନେ ଦାଦନ ଶ୍ରମିକ ଚାଲାଣ କରିପାରିବେ ନଚେତ୍ ସେମାନଙ୍କୁ ପୋଲିସ ଧରିବ । ଚଳିତ ବର୍ଷ କଣ୍ଟାବାଞ୍ଜି ପୋଲିସ ଧିମେଇ ଯାଇଥିବା ବେଳେ ତୁରେକେଲା ପୋଲିସ ସଜାଗ ରହି ଅନେକ ଦାଦନ ଶ୍ରମିକ ଉଦ୍ଧାର କରିବାରେ ସମର୍ଥ ହେଉଛି।
ସୂଚନା ଅନୁସାରେ ବଲାଙ୍ଗିର ଜିଲ୍ଲା ବେଲପଡା ଥାନା ତଅଁଲା ଗାଁ ର ସର୍ଦ୍ଦାର ମାଧବ ଷାଣ୍ଢ (୨୫) ଓ ସହଯୋଗୀ ତୁରେକେଲା ଥାନା ଲର୍କି ଗାଁ ର ଧନେଶ୍ଵର ନାଗ (୪୦) ଗତକାଲି ରାତିରେ ବଲାଙ୍ଗିର ଅଞ୍ଚଳର ଭୁତିଆରବାହାଲ,ଶିବତଲା,କୁଡାସିଙ୍ଗା ଗାଁ ର ୭ ଜଣ ପୁରୁଷ ୮ ଜଣ ମହିଳା ଓ ୨ ଜଣ ଶିଶୁ ଶ୍ରମିକ ଙ୍କୁ ବେଆଇନ ଚାଲାଣ କରୁଥିବା ବେଳେ ତୁରେକେଲା ପୋଲିସ ଦ୍ବାରା ଧରାପଡ଼ିଥିଲେ। ମାଧବ ଓ ଧନେଶ୍ୱର ର ନାଁ ତୁରେକେଲା କେଶ୍ ନମ୍ବର ୩୬୫ ତା.୨୬.୧୧.୨୪ ୟୁ ଏସ ୩୧୮(୨)/୧୪୩/୧୪୬/୩(୫) ବି ଏନ୍ ଏସ ମାମଲା ରୁଜୁ କରି ଆଜି କୋର୍ଟ ଚାଲାଣ କରାଯାଇଛି ବୋଲି ତୁରେକେଲା ଥାନା ଅଧିକାରୀ ରମାକାନ୍ତ ସାହୁ ସୂଚନା ଦେଇଛନ୍ତି। ବଲାଙ୍ଗିର ଜିଲ୍ଲାରେ ଏକ ମାତ୍ର ପୋଲିସ ଅଧିକାରୀ ଯିଏକି ରମାକାନ୍ତ ସାହୁ ସଦାସର୍ବଦା ଭଲ କାମ କରି ଚର୍ଚ୍ଚାରେ ରହିଛନ୍ତି। ଖପ୍ରାଖୋଲ ଥାନା ଅଧିକାରୀ ଥିବା ସମୟରେ ଅଞ୍ଚଳରେ କରେକ୍ସ ର ପତନ କରିଦେଇଥିବା ବେଳେ ବିଭିନ୍ନ ବେଆଇନ କାର୍ଯ୍ୟକଳାପ କୁ ହଟାଇ ଦେଇଥିଲେ। ଠିକ୍ ସେହିପରି ତୁରେକେଲା ଥାନା ଅଞ୍ଚଳରେ ମଧ୍ୟ ଉତ୍ତମ କାର୍ଯ୍ୟ କରୁଥିବା ଦେଖିବାକୁ ମିଳିଛି।

ବଲାଙ୍ଗିର ଜିଲ୍ଲାରେ ପେଟପାଟଣା ପାଇଁ କୌଣସି କଳକାରଖାନା ନାହିଁ ୬ ମାସ ଚାଷ କରି ୬ ମାସ ବସିରହିବାକୁ ପଡେ । ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କ ମହାତ୍ମାଗାନ୍ଧୀ କର୍ମ ନିଯୁକ୍ତି ଯୋଜନାରେ ଗରିବ ଲୋକଙ୍କୁ କାର୍ଯ୍ୟ ଯୋଗାଇ ଦେବା ପାଇଁ ସରକାର କୋଟି କୋଟି ଟଙ୍କା ଖର୍ଚ୍ଚ କରୁଛନ୍ତି ସତ କିନ୍ତୁ ସ୍ଥାନୀୟ ପ୍ରଶାସନିକ ଅଧିକାରୀ ମାନେ ମିଳିମିଶି ହରିଲୁଟ କରିଚାଲିଛନ୍ତି ଯାହାଫଳରେ ଲୋକେ ଦାଦନ ଖଟି ଯିବା ପାଇଁ ବାଧ୍ୟ ହେଉଛନ୍ତି। ମନରେଗା ଯୋଜନାରେ କାମ କରି ଲୋକେ ନିଜ ପାଉଣା ପାଇବାକୁ ଅଫିସ ଅଫିସ ଧାଉଁ ଥିବା ବେଳେ ଟିକିଏ ଉଚ୍ଚ ସ୍ବରରେ କହିଦେଲେ ଅଧିକାରୀ ବାବାଙ୍କୁ କଷ୍ଟ ହେଉଛି ଏବଂ ପୋଲିସ ରେ ଏତଲା ଦିଆଯାଉଛି ତାହେଲେ ଶ୍ରମିକ କରିବେ କ'ଣ? ଯଦି କୌଣସି ସାମ୍ବାଦିକ ଉକ୍ତ ଖବର ସଂଗ୍ରହ କରିବା ପାଇଁ ଯାଏ ତାହେଲେ ସେ ମଧ୍ୟ ମିଛ କେଶ୍ ରେ ଛନ୍ଦି ହୋଇଯାଇଥାଏ। ପ୍ରଶାସନ ର ଦ୍ବୀମୁହାଁ ନୀତି ପାଇଁ ବୋଧହୁଏ ଦାଦନ ଶ୍ରମିକ ଚାଲାଣ ବନ୍ଦ ହୋଇପାରୁନାହିଁ ବୋଲି ଜନସାଧାରଣରେ ମତପ୍ରକାଶ ପାଇଛି।