06-Sep-2024

ଅମ୍ବାଭୋନା(ବରଗଡ଼): ଶୁକ୍ରବାର ଦିନ ଅମ୍ବାଭୋନା ବ୍ଳକ ଅନ୍ତର୍ଗତ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ  ଦ୍ବାରୀରେ ବିଦ୍ୟାଳୟର ପ୍ରଧାନଶିକ୍ଷକ ବଶିଷ୍ଠ ସାହୁଙ୍କ ଅଧ୍ୟକ୍ଷତାରେ
ବିଦ୍ୟାଳୟ ସବୁଜ ସୁନ୍ଦର ଅଭିଯାନ ଦିବସ ପାଳିତ ହୋଇଯାଇଛି । ସହକାରୀ ଶିକ୍ଷକ ସରୋଜ କୁମାର ସାହୁ ଉଦ୍ଦେଶ୍ୟ ପ୍ରଦାନ କରିଥିଲେ । ପ୍ରଧାନ ଶିକ୍ଷକ ଛାତ୍ରଛାତ୍ରୀଙ୍କୁ ବିଦ୍ୟାଳୟରେ ପଲିଥିନ ଓ ପ୍ଲାଷ୍ଟିକ ବ୍ୟବହାର ନ କରିବା ପାଇଁ ବୁଝାଇଥିଲେ ।  ବିଜ୍ଞାନ ଶିକ୍ଷୟିତ୍ରୀ ସୁରେଶ୍ଵରୀ ସେଠ୍ ପଲିଥିନ ଆମର ପରିବେଶକୁ କିପରି ପ୍ରଭାବିତ କରୁଛି ସେ ବିଷୟରେ ବୁଝାଇ ଥିଲେ । ସ୍ବାଧିନ କୁମାର ସାହୁ ଓ ନିବେଦିତା ବିଶ୍ଵାଳ ଛାତ୍ରଛତ୍ରୀମାନଙ୍କୁ ନେଇ ଏକ ଚିତ୍ରାଙ୍କନ ଓ ସ୍ଲୋଗାନ ପ୍ରତିଯୋଗୀତା ଆୟୋଜନ କରିଥିଲେ । ସହକାରୀ ଶିକ୍ଷକ ସ୍ବାଧିନ କୁମାର ସାହୁ ଜଳ ସଂରକ୍ଷଣ,ପଲିଥିନ ବର୍ଜନ, ବୃକ୍ଷ ଆମର ବନ୍ଧୁ ଓ ପନିପରିବା ବଗିଚା ବିଷୟରେ ଛାତ୍ରଛାତ୍ରୀଙ୍କୁ  ବୁଝାଇ ଥିଲେ । ବିଦ୍ୟାଳୟ ପରିଚାଳନା କମିଟି ଚେୟାରମେନ ଶ୍ରୀଯୁକ୍ତ ଭାଗିରଥି ଡନସନା କୃତୀ ପ୍ରତିଯୋଗୀଙ୍କୁ ପୁରସ୍କାର ପ୍ରଦାନ କରିଥିଲେ ।ଚିତ୍ରାଙ୍କନ ପ୍ରତିଯୋଗିତାରେ ପ୍ରଥମ ପ୍ରୀତି

ସାହୁ ସପ୍ତମ ଶ୍ରେଣୀ, ଆୟିଶା ନାଏକ ସପ୍ତମ ଶ୍ରେଣୀ ଦ୍ଵିତୀୟ ଓ ଦୀପିକା ବାଗ ସପ୍ତମ ଶ୍ରେଣୀ ତୃତୀୟ  ସ୍ଥାନ ଅଧିକାର କରିଥିବାବେଳେ ସ୍ଲୋଗାନ ରେ ଗୌରୀ କର୍ଷାଲ ଅଷ୍ଟମ ଶ୍ରେଣୀ ପ୍ରଥମ,ପ୍ରୀତି ସାହୁ ସପ୍ତମ ଶ୍ରେଣୀ ଦ୍ବିତୀୟ, ଅର୍ଚ୍ଚିତା ଭୋଇ ଅଷ୍ଟମ ଶ୍ରେଣୀ ତୃତୀୟ ସ୍ଥାନ ଅଧିକାର କରି ଚେୟାରମେନ ଶ୍ରୀଯୁକ୍ତ ଭାଗିରଥି ଡ଼ନସନାଙ୍କ ହାତରୁ ପୁରସ୍କୃତ ହୋଇଥିଲେ । ବିଦ୍ୟାଳୟର  ସମସ୍ତ ଶିକ୍ଷକ ଶିକ୍ଷୟିତ୍ରୀ୍, ନମିତା ବଢେଇ, ପଲ୍ଲଵୀ ବଢେଇ,ବିନୋଦ ପ୍ରଧାନ, କ୍ଷେତ୍ରମୋହନ ରଣା,ସମସ୍ତ ଛାତ୍ରୀ ଛାତ୍ରୀ ସହଯୋଗ କରିଥିଲେ ।  ଶେଷରେ ବରିଷ୍ଠ ଶିକ୍ଷକ ମଙ୍ଗଳୁ ମୁଣ୍ଡଚୁଳିଆ ଧନ୍ୟବାଦ ଅର୍ପଣ କରିଥିଲେ ।