06-Sep-2024

ଭୁବନେଶ୍ବର: ଗଣେଶ ପୂଜା ଅବସରରେ ଅନନ୍ୟା ପ୍ରଡ଼କସନ ର ଦ୍ଵିତୀୟ ଅବଦାନ ଅପରାହ୍ନର ସୂର୍ଯ୍ୟ ଭୁବନେଶ୍ୱର ସ୍ଥିତ ସ୍ତୁତି ପ୍ରେକ୍ଷାଳୟ ରେ ମୁକ୍ତିଲାଭ କରିଛି l ଏହି ଚଳଚ୍ଚିତ୍ର ର ନିର୍ମାତା ତଥା ନିର୍ଦ୍ଦେଶକ ଶ୍ରୀଯୁକ୍ତ ଅଜୟ କୁମାର ମହାନ୍ତି ଅଛନ୍ତି ବଳିଷ୍ଠ ନିର୍ଦ୍ଦେଶନା ରେ ବିମୁଗ୍ଧ ହୋଇଛନ୍ତି ସିନେ ଦର୍ଶକ l ଓଡିଶା ରୁ ସମ୍ପୂର୍ଣ୍ଣ ଭାବରେ ଲୋପ ପାଇଥିବା ମୁଣ୍ଡପୋତା କେଳା ଙ୍କ ଜୀବନ ଶୈଳୀ କୁ ଅତି ଚମତ୍କାର ଭାବରେ ଉପସ୍ଥାପନ କରିବାକୁ ଶ୍ରୀ ମହାନ୍ତି ବହୁ ପରିଶ୍ରମ କରିଥିଲେ l ତିନି ପିଢୀ ର କାହାଣୀ ଚଳଚ୍ଚିତ୍ର ରେ ବହୁତ ଜଣାଶୁଣା ଅଭିନେତା ତଥା ଅଭିନେତ୍ରୀ ମାନେ ସୁନ୍ଦର ତଥା ବାସ୍ତବ ଅଭିନୟ ସମସ୍ତ ଦର୍ଶକଙ୍କୁ ମୁଗ୍ଧ କରିଛନ୍ତି l ପ୍ରଥମ ଥର ପାଇଁ ଦର୍ଶକ ମୁଣ୍ଡ ପୋତା କେଳା ଭଳି ଏକ ମୌଳିକ ତଥା ନିଆରା ବିଷୟକୁ ବଡ଼ ପରଦାରେ ଦେଖିବାକୁ ପାଇଛନ୍ତି l ନିଜେ ନିର୍ମାତା, ନିର୍ଦ୍ଦେଶକ ଏହାର ଚିତ୍ରନାଟ୍ୟ ଓ କାହାଣୀ ପ୍ରସ୍ତୁତ କରିଛନ୍ତି l ଶ୍ରୀ ମହେନ୍ଦ୍ର ଆଚାର୍ଯ୍ୟ ଏହାର ସଙ୍ଗୀତ ନିର୍ଦ୍ଦେଶନା ଦେଇଛନ୍ତି ଓ ଶ୍ରୀ ଅଜିତ ଦାସ ଚିତ୍ରତ୍ତୋଳନ ଦାୟିତ୍ୱ ରେ ଅଛନ୍ତି l ଏଥିରେ ଜୟା ସ୍ୱାମୀ, ପ୍ରମୋଦ ରାଉତ, କଳିଙ୍ଗ ଦାସ, ମୁନମୁନ ଖୁଣ୍ଟିଆ, ସୁସନ୍ଧ୍ୟା, ଜାନକୀ ନାଥ ମିଶ୍ର, ଅଜୟ ମହାନ୍ତି, ରାହୁଲ ବିନ୍ଧାଣୀ ପ୍ରମୁଖ ଅଭିନୟ କରିଛନ୍ତି l ଦର୍ଶକମାନେ ଅପରାହ୍ନର ସୂର୍ଯ୍ୟ ଚଳଚ୍ଚିତ୍ର କୁ ଆଜି ପ୍ରେକ୍ଷାଳୟ ରେ ଭରପୁର ଉପଭୋଗ କରିଛନ୍ତି l ଏହି ଚଳଚ୍ଚିତ୍ର ରୁ ଦର୍ଶକ ମନୋରଞ୍ଜନ ସହିତ ଅନେକ ଶିକ୍ଷା ପାଇବେ ବୋଲି ନିର୍ମାତା ମତ ଦେଇଥିଲେ l