05-Sep-2024

ବରଗଡ଼/ପଦ୍ମପୁର:(ନିରଞ୍ଜନ ତ୍ରିପାଠୀ)- ବରଗଡ଼ ଜିଲ୍ଲା ପଦ୍ମପୁର ଉପଖଣ୍ଡ ଅନ୍ତର୍ଗତ କେ.ଆର୍.ପି.ଉଚ୍ଚ ବିଦ୍ୟାଳୟ, ବାଜେନମୁଣ୍ଡା ପରିସର ମଧ୍ୟରେ ପ୍ରଧାନ ଶିକ୍ଷକ ଶ୍ରୀଯୁକ୍ତ ପ୍ରଜାପତି ବାରିକଙ୍କ ସଭାପତିତ୍ବରେ ଗୁରୁଦିବସ ସହିତ ଅବସର ପ୍ରାପ୍ତ ଶିକ୍ଷକ ଦ୍ବୟଙ୍କ ବିଦାୟ ସମ୍ବର୍ଧନା ଉତ୍ସବ ପାଳିତ ହୋଇଯାଇଛି। ସର୍ବ ପ୍ରଥମେ ଅତିଥି ମାନଙ୍କଦ୍ୱରା ଦୀପ ପ୍ରଜ୍ଜ୍ୱଳନ ସହିତ ଡ . ସର୍ବପଲ୍ଲୀ ରାଧାକ୍ରିଷ୍ଣନଙ୍କ ଫଟୋ ଚିତ୍ରରେ ପୁଷ୍ପମାଲ୍ୟ ଅର୍ପଣ କରି ସଭା କାର୍ଯ୍ଯ ଆରମ୍ଭ ହୋଇଥିଲା। ସହକାରୀ ଶିକ୍ଷକ ନବୀନ ଚନ୍ଦ୍ର ମେହେର ସଭା ପରିଚାଳନା କରିଥିବାବେଳେ ସ୍ଥାନୀୟ ପ୍ରଧାନ ଶିକ୍ଷକ ଶ୍ରୀଯୁକ୍ତ ପ୍ରଜାପତି ବାରିକ ଅତିଥି ପରିଚୟ ଓ ସ୍ଵାଗତ ଭାଷଣ ପ୍ରଦାନ କରିଥିଲେ। ବରିଷ୍ଠ ଶିକ୍ଷକ ପୂର୍ଣ୍ଣ ଚନ୍ଦ୍ର ମେହେର ଗୁରୁଙ୍କ ମହିମା ଓ ଗୁରୁ ଶିଷ୍ୟ ପରମ୍ପରା ଉପରେ ବକ୍ତବ୍ୟ ରଖିଥିଲେ। ଉକ୍ତ ଉତ୍ସବରେ ସମ୍ମାନିତ ଅତିଥି ଭାବରେ ଅବସର ପ୍ରାପ୍ତ ଶିକ୍ଷକ ଶ୍ରୀଯୁକ୍ତ ଜୟଦେବ ବେହେରା ଓ ଶ୍ରୀଯୁକ୍ତ ବିଦ୍ୟାଧର ସାହା, ସହକାରୀ ଶିକ୍ଷକ ଚନ୍ଦ୍ରଶେଖର ବାରିକ, ବିଜ୍ଞାନ ଶିକ୍ଷକ ବୁଦ୍ଧଦେବ ବଡଗୁଛିଆ,ମୁକେଶ ବଗର୍ତ୍ତି, ହିନ୍ଦୀ ଶିକ୍ଷକ ପ୍ରସନ୍ନ କୁମାର ମେହେର, ଖେଳ ଶିକ୍ଷକ ଜ୍ଞାନ ଚାନ୍ଦ ଲୋହର୍,କିରାଣୀ ପ୍ରେମାନନ୍ଦ ବାରିକ ମଞ୍ଚାଶିଲ ଥିଲେ । ଛାତ୍ରୀ ପୁଜା ସୁନା, କାୟଲ ବାଙ୍କ,ସୁନନ୍ଦା ସୁନା,ସୀମା ସୁନା  ବକୃତା ରଖିଥିବା ବେଳେ ବର୍ଷା କୁମ୍ଭାର,ଝୁମି ସୁନା,ସଙ୍ଗୀତ ପୂର୍ବକ ଗୁରୁ ବନ୍ଦନା କରିଥିଲେ । ସମ୍ମାନିତ ଅତିଥି ଦ୍ବୟ ଛାତ୍ର ଛାତ୍ରୀ ମାନଙ୍କୁ ଗୁରୁଦିବସ ପାଳନର ତାତ୍ପର୍ଯ୍ୟ,ଗୁରୁଙ୍କୁ ଭଗଵାନ ସ୍ୱରୂପ ସମ୍ମାନ ପ୍ରଦାନ ଓ ଉଚିତ୍ ମାର୍ଗ ଦର୍ଶକ ଆଦି ଉଦବୋଧନ ଶୈଳୀରେ ପରାମର୍ଶ ଦେଇଥିଲେ।ଏହାପରେ ଅବସର ପ୍ରାପ୍ତ ପ୍ରଧାନ ଶିକ୍ଷକ ଦ୍ବୟ ଶ୍ରୀଯୁକ୍ତ ଜୟଦେବ ବେହେରା ଓ ବିଦ୍ୟାଧର ସହାଙ୍କୁ ପ୍ରଧାନ ଶିକ୍ଷକ ଶ୍ରୀଯୁକ୍ତ ପ୍ରଜାପତି ବାରିକ ଓ ସହକାରୀ ଶିକ୍ଷକ ଚନ୍ଦ୍ରଶେଖର ବାରିକ ଉତ୍ତରୀୟ ଓ ହିନ୍ଦୀ ଶିକ୍ଷକ ପ୍ରସନ୍ନ କୁମାର ମେହେର ମାନପତ୍ର ପଠନ ପୂର୍ବକ ପ୍ରଧାନ କରିଥିଲେ । ବୁଦ୍ଧଦେବ ବଡଗୁଛିଆ ଧନ୍ୟବାଦ ଅର୍ପଣ କରିଥିଲେ । ସଭା ଶେଷରେ ଛାତ୍ର ଛାତ୍ରୀଗଣ ଏକ ସୁନ୍ଦର ଉପହାର ଗୁରୁଜନଙ୍କୁ ପ୍ରଦାନ କରି ଗୁରୁପୁଜନ କରିଥିଲେ ।