05-Sep-2024

ବରଗଡ଼(ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲା ବିଜେପୁର ପ୍ରକୃତି ବିହାର ସ୍ଥିତ ରେଡିଏନ୍ସ ଶିକ୍ଷାନୁଷ୍ଠାନରେ ନିଆରା ଢଙ୍ଗରେ ଗୁରୁଦିବସ ପାଳନ  ହୋଇଯାଇଛି । ରେଡିଏନ୍ସ ଅନୁଷ୍ଠାନ ଜଣେ ମହାନ ଶିକ୍ଷାବିତ ତଥା ସମାଜର ଆଦର୍ଶ ଗୁରୁଙ୍କ ମହାନ ଆତ୍ମାକୁ ନେଇ ଗଢିଉଠିଛି। ସେହି ମହାନ୍ ଶିକ୍ଷାବିତଙ୍କ ସୁଯୋଗ୍ୟ ପୁତ୍ର ତଥା ଚେୟାରମେନ ଶ୍ରୀଯୁକ୍ତ ଅଜିତ କୁମାର ମେହେର ନିଜେ ତାଙ୍କ ସମସ୍ତ ଗୁରୁଙ୍କର ପାଦ ପୂଜା କରିଥିଲେ । ଏହି ଅବସରରେ ଚେୟାରମେନ ମେହେରଙ୍କ ପ୍ରଥମ ଗୁରୁ ତାଙ୍କ ମାଆ ଶ୍ରୀମତୀ କସ୍ତୁରୀ ମେହେର (୭୦)ଓ ଗୁରୁ ଶ୍ରୀମତୀ ଡୋଳାବତୀ ବାରିକ (୯୨), ଶ୍ରୀଯୁକ୍ତ ମୀନକେତନ ପଧାନ

(୮୨),ଶ୍ରୀଯୁକ୍ତ ତ୍ରିଲୋଚନ ମେହେର(୭୯), ଶ୍ରୀଯୁକ୍ତ ସ୍ଵାଧୀନ ସାହୁ (୬୫),ଶ୍ରୀଯୁକ୍ତ ପ୍ରଫୁଲ୍ଲ ନାୟକ (୬୫), ଶ୍ରୀମତୀ ପ୍ରତିମା ଗୁରୁ (୬୪) ଉପସ୍ଥିତ ଥିଲେ। ତାଙ୍କ ପାଦ ଧୈାତ କରି ଗୁରୁଙ୍କୁ ଭକ୍ତିପୂତ ଆରାଧନା କରିଥିଲେ । ପରବର୍ତ୍ତୀ ସମୟରେ ରେଡିଏନ୍ସ ଅନୁଷ୍ଠାନର ସମସ୍ତ ଛାତ୍ରଛାତ୍ରୀ ନିଆରା ଢଙ୍ଗରେ ଗୁରୁମାନଙ୍କୁ ଭକ୍ତି ସହକାରେ ଆରାଧନା କରିଥିଲେ। ଛାତ୍ରଛାତ୍ରୀ ମାନଙ୍କ ଦ୍ୱାରା ଏକ ସଭାର ଆୟୋଜନ ହୋଇଥିଲା। ଏହି ସଭାରେ ରେଡିଏନ୍ସ ପରିବାର ଚେୟାରମେନ ଶ୍ରୀଯୁକ୍ତ ଅଜିତ କୁମାର ମେହେର,ଅଧ୍ୟକ୍ଷ ଶ୍ରୀଯୁକ୍ତ ଘନଶ୍ୟାମ ମେହେର, ଅନୁଷ୍ଠାନର  ଏକାଡେମିକ୍ ଡାଇରେକ୍ଟର ଗୋବିନ୍ଦ ମେହେର, ଆଡମିନିଷ୍ଟ୍ରେଟିଭ୍ ଡାଇରେକ୍ଟର ନେତ୍ରମଣୀ ମେହେର, ଉପାଧ୍ୟକ୍ଷ ସଞ୍ଜୟ ବାରିକ,ସ୍କୁଲର ଅଧ୍ୟକ୍ଷା ଶ୍ରୀମତୀ ମୋହିନୀ ମେହେର,ସମସ୍ତ ଅଧ୍ୟାପକ ଅଧ୍ୟାପିକା, ଶିକ୍ଷକ ଶିକ୍ଷୟତ୍ରୀ, ଛାତ୍ର ଛାତ୍ରୀ ତଥା ଅନୁଷ୍ଠାନର ସମସ୍ତ କର୍ମଚାରୀ ଉପସ୍ଥିତ ଥିଲେ।ଉକ୍ତ ସଭାରେ ଚେୟାରମେନ ଶ୍ରୀ ମେହେର ଗୁରୁଭକ୍ତି ଓ ଗୁରୁଙ୍କ ଭୂମିକା ଉପରେ ଆଲୋଚନା କରିଥଲେ। ସମସ୍ତ ଗୁରୁଜନ ନୈତିକ ଓ ଆଧ୍ୟାତ୍ମିକ ଶିକ୍ଷାକୁ ଗୁରୁତ୍ଵ ଦେଲେ ଛାତ୍ରଛାତ୍ରୀ ମାନେ ଆହୁରି ଗୁଣବତ୍ତା ସୃଷ୍ଟିହେବ  ବୋଲି ମତ ଦେଇଥିଲେ। ଏହି ଦିବସରେ ରେଡିଏନ୍ସ ପରିସରରେ ଗୁରୁ ମାନଙ୍କର ଉପସ୍ଥିତିକୁ ଦେଖି ସତେ ସେହି ରାମାୟଣର ବ୍ରହ୍ମର୍ଷି ରାଜର୍ଶ୍ରି ମାନଙ୍କର ଭେଟ ମନେ ପଡ଼ୁଥିଲା। ଏକାଡେମିକ୍ ଡାଇରେକ୍ଟର ଗୋବିନ୍ଦ ମେହେର ଗୁରୁଙ୍କର ବାଣୀ ଶିଷ୍ୟମାନଙ୍କୁ ଶକ୍ତି ଓ ପ୍ରେରଣା ଦେଇଥାଏ ବୋଲି ମତ ଦେଇଥିବା ବେଳେ ଉପାଧ୍ୟକ୍ଷ ଶ୍ରୀ

ବାରିକ ଗୁରୁଶିଷ୍ୟ ପରମ୍ପରା ପ୍ରାଚୀନ କାଳରୁ ବର୍ତ୍ତମାନ ପର୍ଯ୍ୟନ୍ତ ବର୍ଣ୍ଣନା କରିଥିଲେ। ସ୍କୁଲର ଅଧ୍ୟକ୍ଷା ଶ୍ରୀମତୀ ମେହେର ଗୁରୁ କୁଶଳୀ କାରିଗରୀ ସଦୃଶ୍ୟ ଅନେକ ସୁନ୍ଦର ମୂର୍ତ୍ତି ବା ଉତ୍ତମ ଛାତ୍ରଛାତ୍ରୀ ଗଢ଼ୁ ଥିବାର ଆଲୋଚନା କରି ଗୁରୁ ସାକ୍ଷାତେ ଈଶ୍ୱର ବୋଲି ମତ ରଖିଥିଲେ।ଶିକ୍ଷକ ଆଶିଷ କୁମ୍ଭାର ଗୁରୁ ବନ୍ଦନାରୁ ସଭା ଆରମ୍ଭ କରିଥିଲେ ଓ ଛାତ୍ର ଯୁଧିଷ୍ଠିର ବୁଡେକ ସଂଯୋଜନା କରିଥିବା ବେଳେ ଅର୍ମାନ ଭୋଇ ଧନ୍ୟବାଦ୍ ଦେଇଥିଲେ। ଛାତ୍ରୀ ମାନଙ୍କ ଦ୍ଵାରା ଗୁରୁ ବନ୍ଦନା ସଙ୍ଗୀତ ଗାନ ହୋଇଥଲା।ଏହି ନିଆରା ପରମ୍ପରାକୁ ଛାତ୍ରଛାତ୍ରୀ ମାନଙ୍କ ଉତ୍ସାହକୁ ଆଡମିନିଷ୍ଟ୍ରେଟିଭ୍ ଡାଇରେକ୍ଟର ନେତ୍ରମଣୀ ମେହେର ଧନ୍ୟବାଦ୍ ଦେଇଥିଲେ।