30-Aug-2024

ଲୋଇସିଂହା, (ବିନୋଦ ଦୀପ) ଲୋଇସିଂହା ମହାବିଦ୍ୟାଳୟ ର ଜାତୀୟସେବା ଯୋଜନା ତରଫରୁ ସ୍ୱତନ୍ତ୍ର ଶିବିର ଉଦଘାଟିତ ହୋଇଯାଇଛି l କଲେଜ ଅଧ୍ୟକ୍ଷ ଶ୍ରୀ ଗୋବିନ୍ଦ ଚନ୍ଦ୍ର ସାହୁ ଙ୍କ ସଭାପତିତ୍ବ ରେ ଆଜିର ଏହି ଉଦ୍ଘାଟନୀ ଉତ୍ସବ ରେ ମୁଖ୍ୟଅତିଥି ଭାବରେ ଜାତୀୟ ସେବା ଯୋଜନା ର ପୂର୍ବତନ ଜିଲ୍ଲା ଅଧିକାରୀ ଶ୍ରୀ କାଁହୁଚରଣ ଦର୍ଜୀ ଯୋଗଦାନ କରି ଵୃକ୍ଷରୋପଣ ର ଉପକାରିତା ସମ୍ପର୍କରେ ଆଲୋଚନା କରିଥିଲେ l ସେହିପରି ମୁଖ୍ୟବକ୍ତା ଭାବେ ଇଂରାଜୀ ବିଭାଗ ବରିଷ୍ଠ ପ୍ରାଧ୍ୟାପକ ବିବେକାନନ୍ଦ ମିଶ୍ର ଯୋଗଦେଇ ବକ୍ତବ୍ୟ ପ୍ରଦାନ କରିଥିଲେ l ପ୍ରାଧ୍ୟାପକ ସନ୍ତୋଷ କୁମାର ଦାସ ପ୍ରାରମ୍ଭିକ ବକ୍ତବ୍ୟ ପ୍ରଦାନ କରିଥିବା ବେଳେ କାର୍ଯ୍ୟକ୍ରମ ଅଧିକାରୀ ତଥା ଓଡ଼ିଆ ବିଭାଗ ମୁଖ୍ୟ ଶ୍ରୀ ଜଗମୋହନ ଦର୍ଜୀ ସଂଯୋଜନା କରିଥିଲେ l ଆସନ୍ତା ୭ ଦିନ ଧରି ହେବାକୁ ଥିବା ଏହି ଶିବିର ରେ ବୃକ୍ଷରୋପଣ କାର୍ଯ୍ୟକ୍ରମ କରାଯିବା ସହ ମା ନାମରେ ଗଛଟିଏ ଲଗାଇବା ପାଇଁ ନିଷ୍ପତି ହୋଇଛି l ସ୍ଵାଗତିକା ମିଶ୍ର ସଂଗୀତ ଗାନ କରିଥିବା ବେଳେ  ଅମିତ ଭୁଏ ଧନ୍ୟବାଦ ଅର୍ପଣ କରିଥିଲେ l ଶେଷରେ ମୁସ୍କlନ ମେହେର, ସେବତୀ ନାୟକ, ସୁଶ୍ରୀତା ସେଠ୍, ଧରିତ୍ରୀ ପଧାନ, ଚୁମକିରାଣୀ ଭୋଇ ଓ ପ୍ରିୟଙ୍କା ଭୋଇ ଦ୍ୱାରା କ୍ଷୁଦ୍ର ନାଟକ ପରିବେଷଣ ହୋଇଥିଲା l