30-Aug-2024

ଲୋଇସିଂହା, (ପ୍ରେରଣା ଖବର) ଦେଶ ସ୍ବାଧୀନ ହେବାର ୭୮ ବର୍ଷ ବିତି ଯାଇଥିଲେ ମଧ୍ୟ ଲୋକେ ଆଜିବି ନିଜର ମୌଳିକ ଅଧିକାର ରୁ ବଞ୍ଚିତ l ରାସ୍ତା ନାହଁ, ପିଇବା ପାଣି ର ଅଭାବ, ଡାକ୍ତର ଖାନା ଅଛି ହେଲେ ଡାକ୍ତର ନାହିଁ l ଆମ୍ଭେ ଏମିତି ଏକ ଦୃଶ୍ୟ ଦେଖାଇବୁ ଆପଣ ଦେଖିଲେ ବିଶ୍ୱାସ କରିବେ ନାହିଁ l ଲୋଇସିଂହା ବ୍ଲକ କୁସଂଗ ପଞ୍ଚାୟତ ଅନ୍ତର୍ଗତ ପିପିଲି ନାମରେ ଏକ ଗ୍ରାମ l ହେଲେ ସେଠାକୁ ଯିବାକୁ ହେଲେ ପାଖରେ ଥିବା ବଘାପାଲି ଠାରେ ଥିବା ଆର୍ ଡି ରୋଡ ରୁ ଆଉ ଭଲ ରାସ୍ତା ନାହିଁ l ବାଘାପାଲି ରୁ ଯିବାକୁ ହେଲେ ମାଟି ରାସ୍ତାଦେଇ ଯିବାକୁ ହେବ l ପ୍ରକୃତ ରେ ଦର୍ଶକ ବନ୍ଧୁ ସେଠାକୁ ଯିବାକୁ ହେଲେ ବାଇକ ରେ ଯାଇହେବ ନାହିଁ l ଗ୍ରାମକୁ ଯିବାକୁ ହେଲେ ୨ କିଲୋମିଟର ଚାଲିକି ଯିବାକୁ ପଡୁଛି l ରାସ୍ତା ରେ ଆଁଠୁଏ ଲେଖାଏଁ ଗାତ ଓ ଗାତ ରେ ପାଣି ଭର୍ତ୍ତି l କେଉଁଠି ଆଣ୍ଠୁଏ ଲେଖାଏଁ କାଦୁଅ ଯାହା କି ଚାଲି କି ଯାଇ ହେଉନାହିଁ l ଟିକିଏ ବର୍ଷା ହେବା ମାତ୍ରେ ଛାତ୍ରଛାତ୍ରୀ କୁସଂଗ ଶିଶୁ ମନ୍ଦିର ପାଠପଢି ଯାଇ ପାରୁ ନାହାନ୍ତି l ଦୁଇ ଚକିଆ ଯିବାର ଦୂରର କଥା ଚାରି ଚକିଆ ବା ଯିବ କେମିତି। ଦୀର୍ଘ 78 ବର୍ଷ ଧରି ଗ୍ରାମବାସୀ ସରପଞ୍ଚ ଠୁ ନେଇ ବ୍ଲକ୍ ପ୍ରଶାସନ, ଜିଲ୍ଲା ପ୍ରଶାସନ, ଜିଲ୍ଲା ପରିଷଦ, ବିଧାୟକ, ମନ୍ତ୍ରୀ ସମସ୍ତଙ୍କୁ ଗୁହାରି କରି ଆସୁଛନ୍ତି ହେଲେ ଏଥିପ୍ରତି କେହିବି କର୍ଣ୍ଣପାତ କରୁ ନାହାନ୍ତି l ନିର୍ବାଚନ ଆସିଲେ ମାଳ ମାଳ ନେତା ମନ୍ତ୍ରୀ କିନ୍ତୁ ସବୁ ପାଣିର ଫଟକା l ଏଥି ପ୍ରଶ୍ନ ଉଠୁଚି ଯେ ଗ୍ରାମବାସି ଙ୍କର ଦୋଷ କଣ l କାହିଁକି ଗ୍ରାମବାସୀ ଙ୍କ ସମସ୍ୟା ଆଜି ଯାଏ ଦୂର ହୋଇପାରି ନାହିଁ l ବର୍ଷା ଦିନ ହେଲେ ଗ୍ରାମକୁ ଯାନବାହାନ ଆସି ପାରୁନାହିଁ। ରୋଗୀଙ୍କୁ ଡାକ୍ତର ଖାନା ନେବାକୁ ହେଲେ ଖଟିଆରେ ରୋଗୀ ବୁହା ହେଉଛି l ପିଲା ଅନ୍ୟତ୍ର ପାଠ ପଢ଼ି ଯାଇପାରୁ ନାହାଁନ୍ତି l ସତରେ କଣ ଅଭିସକ୍ତ ଏମାନଙ୍କର ଜୀବନ l ଏ ବିଷୟରେ ଅବଗତ ହେବା ପାଇଁ ସ୍ଥାନୀୟ ସରପଞ୍ଚ କୁ ଯୋଗାଯୋଗ କରାଗଲା ହେଲେ ଫୋନ କଲ୍ ଗ୍ରହଣ କଲେନାହିଁ l ପରେ ଗ୍ରାମର ୱର୍ଡମେମ୍ବର କୁ ଭେଟି ତାଙ୍କର ପ୍ରତିକ୍ରିୟା ନିଆଗଲା l ତାଙ୍କ ପ୍ରତିକ୍ରିୟା ରୁ ସ୍ପଷ୍ଟ ହେଉଛି ଯେ ସରପଞ୍ଚ ଓ ୱାର୍ଡ଼ମେମ୍ବର ଙ୍କ ଭିତରେ ମଧୁଚନ୍ଦ୍ରିକା ରହିଛି l ଶେଷରେ ଲୋଇସିଂହା ଗୋଷ୍ଠୀ ଉନ୍ନୟନ ଅଧିକାରୀ ଙ୍କୁ ଫୋନ ଜରିଆରେ ଯୋଗାଯୋଗ କରାଯିବାରୁ ପ୍ରୋଜେକ୍ଟ ପ୍ରପୋଜାଲ ଟା ପଠାଯାଇଛି ଆପ୍ରୁଭ ହୋଇ ଆସିଲେ କରାଯିବ ବୋଲି ସ୍ପଷ୍ଟୀକରଣ ଦେଲେ l ଖବର ସଂଗ୍ରହ ବେଳକୁ ବହୁସଂଖ୍ୟାରେ ଗ୍ରାମବାସି ଉପସ୍ଥିତ ଥିଲେ l ବିଶେଷ କରି ଗ୍ରାମର ଶ୍ରିପ ପଧାନ, ସତ୍ୟ ବିଶ୍ଵାଳ, ଅକୁର ପଧାନ, ପାର୍ଚା ସାହୁ, ସୁନ୍ଦର୍ ପଧାନ ପ୍ରଭୃତି ବହୁ ସଂଖ୍ୟାରେ ଆସି ଅଭିଯୋଗ କରିଥିଲେ l ବର୍ତ୍ତମାନ ରାସ୍ତା ର ଅବସ୍ଥା ଅତି ଶୋଚନୀୟ ଏଣୁ ପ୍ରଶାସନ ଏ ଦିଗରେ ଉଚିତ ପଦକ୍ଷେପ ନେବାପାଇଁ ଲୋକେ ଦାବୀ କରିଛନ୍ତି l