30-Aug-2024

ବଲାଙ୍ଗୀର(ପ୍ରେରଣା ଖବର): ଷ୍ଟେଟ୍ ୟୁନିଅନ୍ ଅଫ ଜର୍ଣ୍ଣାଲିଷ୍ଟ (ଏସ୍ ୟୁ ଜେ) ବଲାଙ୍ଗୀର ଶାଖା ପକ୍ଷରୁ ୭ଦଫା ଦାବିପତ୍ର ବଲାଙ୍ଗୀର ଜିଲ୍ଲାପାଳଙ୍କୁ ପ୍ରଦାନ କରାଯାଇଛି l ସାମ୍ବାଦିକ ସୁରକ୍ଷା ଆଇନ ପ୍ରଣୟନ, କାର୍ଯ୍ୟରତ ସାମ୍ବାଦିକ ମାନଙ୍କୁ ପେନସନ ଓ ଭତ୍ତା ପ୍ରଦାନ,ସାମ୍ବାଦିକଙ୍କ ମୃତ୍ୟୁ ହେଲେ ତାଙ୍କ ପରିବାରକୁ ମୃତ୍ୟୁକାଳୀନ ସହାୟତା ୨୫ ଲକ୍ଷ ଟଂକା ପ୍ରଦାନ, ଗୋପବନ୍ଧୁ ସ୍ୱାସ୍ଥ୍ୟ ବୀମା ଯୋଜନାରେ ୬୦ ବର୍ଷ ବୟସରୁ ଉର୍ଦ୍ଧ୍ୱ ସାମ୍ବାଦିକଙ୍କୁ ସାମିଲ କରିବା, ଏହି ଯୋଜନାରେ ସାମ୍ବାଦିକଙ୍କ ବାପାମାଆଙ୍କୁ ଅନ୍ତର୍ଭୁକ୍ତ କରିବା ତଥା ସ୍ୱାସ୍ଥ୍ୟ ବୀମାର ଆକାରକୁ ୫ ଲକ୍ଷ ପରିବର୍ତ୍ତେ ୨୦ ଲକ୍ଷ ଟଙ୍କାକୁ  ବୃଦ୍ଧି କରିବା, ଭୁବନେଶ୍ବରରେ ସାମ୍ବାଦିକଙ୍କ ସାମୟିକ ରହଣୀ ପାଇଁ ୧୦୦ ଶଯ୍ୟାବିଶିଷ୍ଟ ଗେଷ୍ଟହାଉସ୍ ନିର୍ମାଣ ଆଦି ବିଭିନ୍ନ ଦାବି ନେଇ ଆଜି ସମଗ୍ର ଓଡ଼ିଶାର ବିଭିନ୍ନ ଜିଲ୍ଲାରେ ଏହି ଦାବିପତ୍ର ସମ୍ପୃକ୍ତ ଜିଲ୍ଲାପାଳ ମାନଙ୍କୁ ପ୍ରଦାନ କରାଯାଇଛି l ବଲାଙ୍ଗୀରରେ ଜିଲ୍ଲାପାଳଙ୍କ ଅନୁପସ୍ଥିତିରେ ଅତିରିକ୍ତ ଜିଲ୍ଲାପାଳ ବିଜୟlନନ୍ଦ ସେଠୀ ଦାବିପତ୍ର

ଗ୍ରହଣ କରିଥିଲେ l ଏସ୍ ୟୁ ଜେ ର ଜିଲ୍ଲା ସଭାପତି ବରିଷ୍ଠ ସାମ୍ବାଦିକ ଗୋପବନ୍ଧୁ ସତପଥୀଙ୍କ ନେତୃତ୍ଵରେ ସଂଘର ସଦସ୍ୟ ମାନେ ଏହି ଦାବିପତ୍ର ପ୍ରଦାନ ବେଳେ ଉପସ୍ଥିତ ଥିଲେ l ଦାବିପତ୍ର ପ୍ରଦାନ ସମୟରେ ଅନ୍ୟମାନଙ୍କ ମଧ୍ୟରେ ସଂଘର  ରାଜ୍ୟ ସମ୍ପାଦକ ମହେନ୍ଦ୍ର ଦର୍ଜି, ଜିଲ୍ଲା ସାଧାରଣ ସମ୍ପାଦକ ଶରତ କୁମାର ମହାକୁଡ, ସମ୍ପାଦକ ରଘୁ ନନ୍ଦନ ସିଂହଙ୍କ ସମେତ ନିରୋଜ ମିଶ୍ର, ଜୟପ୍ରକାଶ ମଟାରୀ, ଚିତ୍ରସେନ ବେହେରା, ନିରୋଜ ମିଶ୍ର ପ୍ରମୁଖ ଉପସ୍ଥିତ ଥିଲେ l