29-Aug-2024

ମୁରିବାହାଲ (ପ୍ରେରଣା ଖବର)
 ବଲାଙ୍ଗିର ଜିଲ୍ଲା ମୁରିବାହାଲ ବ୍ଲକ ଲେବଡା ପାଟଣେଶ୍ବରୀ ସରକାରୀ ଉଚ୍ଚ ମାଧ୍ଯମିକ ବିଦ୍ୟାଳୟ  ଖେଳ ପଡିଆ ରେ ତିନିଦିନ ଧରି ଚାଲିଥିବା ୧୭ ବର୍ଷରୁ କମ୍ ଉଭୟ ବାଳକ ଓ ବାଳିକା ବିଭାଗ ର ଜିଲ୍ଲା ସ୍ତରୀୟ ଫୁଟବଲ ପ୍ରତିଯୋଗିତା ବୁଧବାର ଉଦଘାଟିତ ହୋଇଯାଇଛି। ଏହି କାର୍ଯ୍ୟକ୍ରମ ରେ ମୁରିବାହାଲ ବ୍ଲକ ଗୋଷ୍ଠି ଶିକ୍ଷା ଅଧିକାରୀ ଶାନ୍ତୁନୁ କୁମାର ପଢିହାରୀ ଙ୍କ ସଭାପଚିତ୍ବରେ ଅନୁଷ୍ଠିତ ଉଦଘାଟନୀ ସମାରୋହରେ ଜିଲ୍ଲା କ୍ରୀଡା ଅଧିକାରୀ ପରାଶର ବାଗ ମୂଖ୍ଯ ଅତିଥି, ଲେବଡା ଉଚ୍ଚ ମାଧ୍ଯମିକ ବିଦ୍ୟାଳୟ ର ଅଧ୍ଯକ୍ଷ କିଶୋର ଚନ୍ଦ୍ର ପଣ୍ଡା, ପୂର୍ବତନ ପ୍ରାଧାନ ଶିକ୍ଷକ ରଞ୍ଜିତ ସାହୁ, ପୂର୍ବତନ ଜିଲ୍ଲା ଶାରିରୀକ ଶିକ୍ଷା ଅଧିକାରୀ ଅନ୍ତର୍ଯ୍ୟାମୀ ବିଶ୍ବାଲ ସମ୍ନାନିତ ଅତିଥି ରୂପେ ଯୋଗ ଦେଇଥିଲେ। ଖେଳ  ଶିକ୍ଷକ ହେମନ୍ତ କୁମାର ପ୍ରାଧାନ ମଞ ପରିଚାଳନା କରିଥିବା ବେଳେ ଜିଲ୍ଲା ଶାରିରୀକ ଶିକ୍ଷା ଅଧିକାରୀ ପ୍ରଦୀପ କୁମାର ପାତ୍ର ରିପୋର୍ଟ ଉପସ୍ଥାପନ କରିଥିଲେ। ମୂଖ୍ଯ ଅତିଥି ଙ୍କ ଦ୍ବାରା କ୍ରୀଡା ପତାକା ଉତ୍ତୋଳନ କରାଯାଇ ଥିବା ବେଳେ ଶପଥ ପାଠ ଅନୁଷ୍ଠିତ ହୋଇଥିଲା। ଲେବଡା ଉଚ୍ଚ ମାଧ୍ଯମିକ ବିଦ୍ୟାଳୟ ର ଛାତ୍ରୀ ମାନଙ୍କ ଦ୍ବାରା ସ୍ବାଗତ ସଂଗୀତ ସହ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ହୋଇଥିଲା। ଏହି ପ୍ରତିଯୋଗିତା ରେ ସମଗ୍ର ଜିଲ୍ଲା ର ୧୪ ଟି ବ୍ଲକ ରୁ ବାଳକ ବିଭାଗ ରେ ୧୪ ଟି ଦଳର ୨୧୦ ଜଣ ପ୍ରତିଯୋଗୀ ଅଂଶ ଗ୍ରହଣ କରିଥିବା ବେଳେ ବାଳିକା ବିଭାଗ ର ୯ ଟି ବ୍ଲକ ରୁ ୯ଟି ଦଳ ପାଇଁ ୧୩୫ ଜଣ ଛାତ୍ରୀ ଅଂଶ ଗ୍ରହଣ କରିଥିଲେ।ଗୁରୁବାର ଦିନ ଫାଇନାଲ ଖେଳ ଅନୁଷ୍ଠିତ ହେବାର ସୂଚନା ମିଳିଛି। ୨୬ ଜଣ ଖେଳ ଶିକ୍ଷକ ଏହି ପ୍ରତିଯୋଗିତା କୁ ପରିଚାଳନା କରୁଛନ୍ତି। କାର୍ଯ୍ୟକ୍ରମ ରେ ବ୍ଲକ ର ସମସ୍ତ ଉଚ୍ଚ ବିଦ୍ଯାଳୟ ର ପ୍ରାଧାନ ଶିକ୍ଷକ, ଜିଲ୍ଲା ତଥା ବ୍ଲକ ର ସମସ୍ତ ଖେଳ ଶିକ୍ଷକଙ୍କ ସହ ପ୍ରାଥମିକ ବିଦ୍ୟାଳୟ ର ଖେଳ ଶିକ୍ଷକ ମାନେ ଯୋଗ ଦେଇଥିବା ବେଳେ ବ୍ଲକ ଖେଳ ଶିକ୍ଷକ ସଂଘର ସଂପାଦକ କୁବେରଲାଲ ବେହେରା ଧନ୍ଯବାଦ ଅର୍ପଣ କରିଥିଲେ।