29-Aug-2024

ହରଭଙ୍ଗା(ଦେବବ୍ରତ ଦାଶ ଙ୍କ ରିପୋର୍ଟ )ମଣିଷ ନୁହେଁ ଭାଲୁ ସହ ମୁହାଁମୁହିଁ । ପ୍ରାୟ ୨୦ ମିନିଟ ଧରି ଚାଲିଥିଲା ଭାଲୁ ମଣିଷ ସଙ୍ଘର୍ଷ । ଭାଲୁ ସହ ସଂଘର୍ଷ କରି ଭାଲୁ ମୁହଁରୁ ଅଳ୍ପକେ ବର୍ତିଲେ ଯୁବକ । ଭାଲୁ କାମୁଡ଼ାରେ ଗୁରୁତର ହୋଇ ହସ୍ପିଟାଲରେ ଭର୍ତ୍ତି । ଯୁବକ ଜଣକ ହେଲେ ବୌଦ୍ଧ ଜିଲ୍ଲା କୁସଙ୍ଗ ବନ୍ୟପ୍ରାଣୀ ରେଞ୍ଜ ଅତଳସରା ଗ୍ରାମର ପଦ୍ମ ଚରଣ ନାୟକ । ସକାଳୁ ବିଲରେ କାମ କରୁଥିବା ବେଳେ ଜଙ୍ଗଲ ରୁ ଭାଲୁ ଆସି କରିଥିଲା ଆକ୍ରମଣ । ଗୁରୁତର ଅବସ୍ଥା ରେ ହରଭଙ୍ଗା ଚିକିତ୍ସାକେନ୍ଦ୍ର ରେ ଭର୍ତ୍ତି । ସୂଚନା ମୁତାବକ ବୌଦ୍ଧ ଜିଲ୍ଲା କୁସଙ୍ଗ ବନ୍ୟପ୍ରାଣୀ ରେଞ୍ଜ ଅତଳସରା ଗ୍ରାମର ପଦ୍ମ ଚରଣ ନାୟକ ସକାଳୁ ସକାଳୁ ବିଲରେ କାମ କରିବା ପାଇଁ ଯାଇଥିଲେ । କାମ କରୁ ଥିବା ସମୟରେ ତାଙ୍କ ପଟକୁ ଏକାବେଳେ ୩ଟି ଭାଲୁ ଜଙ୍ଗଲ ରୁ ମାଡି ଆସିଥିଲେ । ଏହା ଦେଖି ପଦ୍ମ ଜୀବନ ବଞ୍ଚାଇବା ପାଇଁ ଦୌଡ଼ି ଥିଲେ କିନ୍ତୁ ପଛପଟୁ ଗୋଟିଏ ଭାଲୁ ତାଙ୍କ ଉପରୁ ଝାମ୍ପ ମାରିଥିଲା । ଫଳରେ ପଦ୍ମ ତଳେ ପଡି ଯାଇ ପାଟି କରିଥିଲେ କିନ୍ତୁ କେହି ପାଖରେ ନଥିଲେ । ତେଣୁ ପଦ୍ମ ନିଜେ ତଳୁ ଟେକା ଓ ହାତରେ

ଧରିଥିବା କୋଡ଼ିରେ ଭଲ ଉପରକୁ ଆକ୍ରମଣ କରିଥିଲେ । ଏଭଳି ଜୀବନ ବଞ୍ଚାଇବା ପାଇଁ ପ୍ରାୟ ୨୦ ମିନିଟ ଧରି ସଂଘର୍ଷ ଚାଲିଥିଲା । ପରେ ଭାଲୁ ଦଳ ହାରମାନି ଜଙ୍ଗଲ କୁ ପଳେଇ ଥିଲେ । କିନ୍ତୁ ସଂଘର୍ଷ ରେ ପଦ୍ମ ଙ୍କ ହାତ ଓ ଗୋଡ ଗଭୀର ଆଘାତ ଲାଗିଥିବା ବେଳେ ଗୁରୁତର ଅବସ୍ଥାରେ ତାଙ୍କୁ ପରିବାର ଲୋକେ ହରଭଙ୍ଗା ମେଡ଼ିକାଲ ଭର୍ତ୍ତି କରିଥିଲେ । । ଏବେ ତାଙ୍କ ପ୍ରାଥମିକ ଚିକିତ୍ସା ଦିଆଯାଇ ବୌଦ୍ଧ ମୁଖ୍ୟ ଚିକିତ୍ସାଳୟ କୁ ସ୍ଥାନାନ୍ତର କରାଯାଇଛି । ଏଭଳି ପଦ୍ମ ଙ୍କ ସାହାସିକତା କୁ ନେଇ ସାରା ଅଞ୍ଚଳ ରେ ଚର୍ଚ୍ଚାର ବିଷୟ ପାଲଟିଛି ।