28-Aug-2024

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲା ସଙ୍କୀର୍ତ୍ତନ ପରିଷଦ ଏକ ଅଭିନବ ଉପାୟ ରେ ଅଶ୍ଳିଳ ଓ ଦ୍ବିଅର୍ଥ ବୋଧକ ସଙ୍କୀର୍ତ୍ତନ ପରିବେଷଣ ବନ୍ଦ କରିବାକୁ ବୁଧବାର ଜିଲ୍ଲା ପ୍ରଶାସନ ପାଖରେ ଦାବି ଜଣାଇଛି । ପରିଷଦ ର କାର୍ଯ୍ୟକାରୀ ସଭାପତି ପ୍ରମୋଦ ଦାଶ ଓ ସମ୍ପାଦକ ପଣ୍ଡିତ ଜୟ ଦେବ ପଣ୍ଡା ଙ୍କ ନେତୃତ୍ବ ରେ ବରଗଡ଼ ଜିଲ୍ଲା ର ୧୨ ଗୋଟି ବ୍ଲକ ର ବିଭିନ୍ନ ସଙ୍କୀର୍ତ୍ତନ ମଣ୍ଡଳୀ ର ସଦସ୍ୟ ଏକତ୍ରିତ ହୋଇ ଗାନ୍ଧୀ ଛକ ରୁ ପାରମ୍ପରିକ ସଙ୍କୀର୍ତ୍ତନ  ରେ ଖୋଳ କରତାଳ ଓ ହରି ନାମ ସଙ୍କୀର୍ତ୍ତନ ଧ୍ବନି ରେ  ଜିଲ୍ଲାପାଳ ଙ୍କ କାର୍ଯ୍ୟାଳୟ ଅଭିମୁଖେ ଶୋଭାଯାତ୍ରା ରେ ବାହାରିଥିଲେ । ଜିଲ୍ଲାପାଳ ଆଦିତ୍ୟ ଗୋୟଲ୍  ଙ୍କ କାର୍ଯ୍ୟାଳୟ ସମ୍ମୁଖ ରେ ଆରମ୍ଭ ହୋଇଥିଲା ନାମ ସଙ୍କୀର୍ତ୍ତନ । ତେବେ କିଛି ସମୟ ପାଇଁ ଜିଲ୍ଲାପାଳ ଙ୍କ କାର୍ଯ୍ୟାଳୟ ପରିସର ନାମ ସଙ୍କୀର୍ତ୍ତନ ରେ ପ୍ରକମ୍ପିତ ହୋଇଥିଲା ।ପରେ ପରେ  ଜିଲ୍ଲାପାଳ ଙ୍କୁ ଭେଟି ସମ୍ପ୍ରତି ଭାବଭକ୍ତି ର ସଙ୍କୀର୍ତ୍ତନ କିପରି ଅପସଂସ୍କୃତି ଆଡ଼କୁ ଯାଉଛି ଓ ଦିନକୁ ଦିନ ଅଶ୍ଲିଳତା ବଢ଼ି ବଡି ଚାଲିଛି ସେ ବିଷୟ ରେ ଦୃଷ୍ଟି ଆକର୍ଷଣ କରାଯିବା ସହ ତୁରନ୍ତ ଜିଲ୍ଲା ରେ ଏଭଳି ସଙ୍କୀର୍ତ୍ତନ ପରିବେଷଣ ଉପରେ ରୋକ ଲଗାଇବା ସହ ବନ୍ଦ କରିବାକୁ ଦାବି କରି ଏକ ସ୍ମାରକ ପତ୍ର ପ୍ରଦାନ କରାଯାଇଥିଲା । ତେବେ ଜିଲ୍ଲାପାଳ ସଙ୍କୀର୍ତ୍ତନ ପରିଷଦ ର ଦାବି ପତ୍ର ଗ୍ରହଣ କରିବା ସହ ଆବଶ୍ୟକ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଦୃଢ଼ ପ୍ରତିଶ୍ରୁତି ପ୍ରଦାନ କରିଥିଲେ ।ପରିଷଦ ର ଉପଦେଷ୍ଟା ତଥା ବରିଷ୍ଠ ସଦସ୍ୟ ଓ ବ୍ଲକ  ସଂଯୋଜକ ମାନଙ୍କ ମଧ୍ୟରେ ଲଳିତ ମୋହନ ପଣ୍ଡା,ରାମ ଚନ୍ଦ୍ର ସାହୁ ,ନିଲ ଦେବତା, ମିନ କେତନ ମେହେର,ଗୌର ସାହୁ,ମନୋଜ ଖମାରୀ ,ଶିବ ନାରାୟଣ ଭୋଇ ,ଗୋରା ଚାନ୍ଦ ସାହୁ, ସୌମୀତ୍ରୀ ଦାସ ,ଥଣ୍ଡା ରାମ ପଟେଲ,ତାରାଚାନ୍ଦ୍ ପଟେଲ,ହେମ ସାଗର ପଟେଲ ନାରାୟଣ ବାବା ପ୍ରମୁଖ ଏହି କାର୍ଯ୍ୟକ୍ରମ ରେ ସକ୍ରିୟ ଅଂଶ ଗ୍ରହଣ କରିଥିଲେ