28-Aug-2024

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ଼ ରାଣା ପ୍ରତାପ ସ୍କୁଲ ପରିସର ବୁଧବାର ବ୍ଲକ ସ୍ତରୀୟ ବିଜ୍ଞାନ ନାଟକ ପ୍ରତିଯୋଗିତା  ଅନୁଷ୍ଟିତ ହୋଇ ଯାଇଛି । ଅତିରିକ୍ତ ବ୍ଲକ ଶିକ୍ଷା ଅଧିକାରୀ ରଞ୍ଜନ ଦଣ୍ଡସେନା ଙ୍କ ପ୍ରତ୍ୟକ୍ଷ ତତ୍ବାବଧାନରେ ଅନୁଷ୍ଟିତ
ଏହି ପ୍ରତିଯୋଗିତା ରେ ରାଣା ପ୍ରତାପ ସ୍କୁଲ ପ୍ରଥମ ସ୍ଥାନ ସରକାରୀ ବାଳିକା ଉଚ୍ଚ ବିଦ୍ୟାଳୟ ଦ୍ବିତୀୟ ସ୍ଥାନ ଓ ଜର୍ଜ ହାଇସ୍କୁଲ ତୃତୀୟ ସ୍ଥାନ ଅଧିକାର କରି ପୁରସ୍କୃତ ହୋଇଥିଲେ । ବିଦ୍ୟାଳୟ ର ପ୍ରଧାନ ଶିକ୍ଷକ ସୂଦୀପ କୁମାର ରଥ ଙ୍କ ଅଧ୍ୟକ୍ଷତା ରେ ପ୍ରତିଯୋଗିତା ର ଉଦଯାପନୀ ଉତ୍ସବରେ ରେ ମୁଖ୍ୟ ଅତିଥି ଭାବେ ଜର୍ଜ ଉଚ୍ଚ ବିଦ୍ୟାଳୟ ର ପ୍ରଧାନ ଶିକ୍ଷକ ଶାଶ୍ଵତୀ ଦାଶ ଯୋଗ ଦେଇ ସୃଜନଶୀଳ ଚିନ୍ତା ର ପ୍ରତି ଫଳନ ନାଟକ ରେ ହିଁ ପ୍ରତି ଫଳିତ ହୋଇ ଥାଏ ବୋଲି ଉଲ୍ଲେଖ କରିବା ସହ  ଛାତ୍ର ଛାତ୍ରୀ ଙ୍କ ମନରେ ବୈଜ୍ଞାନିକ ମନୋଭାବ ଜାଗ୍ରତ କରିବା ପାଇଁ ବିଜ୍ଞାନ ନାଟକ ଏକ ପ୍ରକୃଷ୍ଟ ମାଧ୍ୟମ ବୋଲି ଅଭିହିତ କରିଥିଲେ ।ସମ୍ମାନିତ ଅତିଥି ସରକାରୀ ବାଳିକା ଉଚ୍ଚ ବିଦ୍ୟାଳୟ ର ପ୍ରଧାନ ଶିକ୍ଷୟିତ୍ରୀ 
ଶାନ୍ତି ସୁନା ,ଏ ବି ଇ ଓ ରଞ୍ଜନ ଦଣ୍ଡସେନା ,ସି ଆର୍ ସି ସି ,ପାର୍ବତୀ ସାହୁ  ପ୍ରମୁଖ  ଯୋଗ ଦେଇ ପ୍ରତିଯୋଗୀ ମାନଙ୍କୁ ଉତ୍ସାହିତ କରି ପୁରସ୍କୃତ  କରିଥିଲେ । ବିଚାରକ ଭାବେ ଶିକ୍ଷକ ପ୍ରମୋଦ ମହାପାତ୍ର
ଅରବିନ୍ଦ ଗୁପ୍ତା ପ୍ରମୁଖ ଯୋଗ ଦେଇ 
ନାଟକ ଗୁଡ଼ିକର ମୂଲ୍ୟାଙ୍କନ କରିଥିଲେ । ଏହି ଅବସର ରେ ରାଣା ପ୍ରତାପ ସ୍କୁଲ ଛାତ୍ର ଛାତ୍ରୀ ଙ୍କ ଦ୍ଵାରା ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଟିତ ହୋଇଥିବା ବେଳେ ଛାତ୍ରୀ ଶାଳୀନି ସା ଧନ୍ୟବାଦ୍ ଅର୍ପଣ କରିଥିଲେ ।