27-Aug-2024

ହରଭଙ୍ଗା(ଦେବବ୍ରତ ଦାଶ ଙ୍କ ରିପୋର୍ଟ):-ବୌଦ୍ଧ ବନଖଣ୍ଡ ମାଧପୁର ରେଞ୍ଜ ଡାକପଦର ଗ୍ରାମ ରେ ଚିତା ବାଘ ଆତଙ୍କ । ଗାଁ ମୁଣ୍ଡ ନିକଟ ଜଙ୍ଗଲ ରୁ ବଳଦ ଟାଣି ନେଇ ଖାଇଲା ବାଘ । ବାଘ ପାଦ ଚିହ୍ନ ଦେଖି ଲୋକେ ଛାନିଆ । ଡାକପଦର ଗାଁ ରେ ଭୟର ବାତାବରଣ । ଘଟଣା ସ୍ଥଳରେ ସ୍ଥିତି ଅନୁଧ୍ୟାନ କଲା ବନ ବିଭାଗ । ପଡ଼ୋଶୀ କନ୍ଧମାଳ କିମ୍ବା ନୟାଗଡ ଜଙ୍ଗଲ ରୁ ଚିତା ବାଘ ଟି ବୌଦ୍ଧ ବନଖଣ୍ଡ କୁ ଆସିଥିବା ସୂଚନା ଦେଲେ ମାଧପୁର ରେଞ୍ଜ ଅଧିକାରୀ । ସୂଚନାମୁତାବକ ଦୁଇ ଦିନ ତଳେ ବୌଦ୍ଧ ବନଖଣ୍ଡ ଅଧିନସ୍ଥ ମାଧପୁର ରେଞ ଅର୍ନ୍ତଗତ ତଳଗାଁ ଫରେଷ୍ଟ ସେକସନ ଡାକପଦର ଗ୍ରାମର ସନାତନ କହଁରଙ୍କ ଏକ ବଳଦ ମୁଣ୍ଡେଶ୍ୱର ସଂରକ୍ଷିତ ଜଙ୍ଗଲ ମଧ୍ୟକୁ ଚାରିବା ପାଇଁ ଯାଇଥିଲା । କିନ୍ତୁ ସେ ଦିନ ସନ୍ଧ୍ୟା ସମୟରେ ଆଉ ଘରକୁ ଆସିନଥିଲା । ତାପର ଦିନ ସନାତନ ବଳଦ କୁ ଜଙ୍ଗଲ ରେ ବହୁ ଖୋଜାଖୋଜି କରିଥିଲେ କିନ୍ତୁ ପାଇ ନଥିଲେ । ଦୁଇଦିନ ପରେ ଗ୍ରାମବାସୀ ଜଙ୍ଗଲ କୁ ଯାଇଥିବା ସମୟରେ ମୁଣ୍ଡେଶ୍ୱର ଜଙ୍ଗଲ ର କମ୍ପାଟମେଂଟ -୪ର ବଡବୁରୁଣୀ ଠାରେ ଏକ ବଳଦ ର ମୃତ ଦେହ ଦେଖିବା ସହ ନିକଟରେ ବାଘ ର ପାଦ ଚିହ୍ନ ମଧ୍ୟ ଦେଖିବା ପାଇଁ ପାଇଥିଲେ । ପରେ ଗ୍ରାମ କୁ ଆସି  ସନାତନ ଓ ବନବିଭାଗ କୁ ଖବର ଦେଇଥିଲେ । ଖବର ପାଇ ଘଟଣା ସ୍ଥଳରେ ଆଜି ମାଧପୁର ରେଞ ଅଫିସରଙ୍କ ନେତୃତ୍ୱରେ ତଳଗାଁ ଏକ ପାଞ୍ଚଜଣିଆ ଟିମ ଘଟଣାସ୍ଥଳରେ ପଂହଚି ସରଜମିନ ତଦନ୍ତ କରିଥିଲେ। ପ୍ରାଥମିକ ତଦନ୍ତରୁ ବଳଦିଟିକୁ ଚିତା ବାଘ ମାରି ଖାଇଥିବା ରେଞର ସୂଚନା ଦେଇଛନ୍ତି। କଳରାପତରିଆ ବାଘ ଚଳପ୍ରଚଳକୁ ନେଇ ଲୋକଙ୍କୁ ଜଙ୍ଗଲ ମଧ୍ୟକୁ ଯିବାକୁ ବନବିଭାଗ ବାରଣ କରିବା ସହ ସଚେତନ କରାଇଛି । ସେପଟେ ବାଘ ଟି ପଡୋଶୀ ନୟାଗଡ଼ କିମ୍ବା କନ୍ଧମାଳ ଜିଲ୍ଲାରୁ ଚାଲି ଆସିଥିବା କହିଛି ରେଞ୍ଜର । ଅନ୍ୟପଟେ ବାଘ ର ପାଦ ଚିହ୍ନ ଓ ବଳଦ ମାରି ଖାଇବା କଥା ଶୁଣି ଲୋକେ ଏବେ ଭୟବିତ ଅବସ୍ଥା ରେ ରହିଛନ୍ତି ।