26-Aug-2024

ବଲାଙ୍ଗୀର(ପ୍ରେରଣା ଖବର):  ପୂର୍ବାହ୍ନରେ ଦେଓଗାଁ ସାଲେପାଲି ସ୍ଥିତ ବୃଦ୍ଧାଶ୍ରମରେ ମାନସିକ ଭାରସାମ୍ୟ ହରାଇ ଥିବା ଅସହାୟ ଦ୍ଵାରୁର ଦେହାନ୍ତ ହୋଇଛି।ଶାନ୍ତ ସ୍ଵଭାବର ଦ୍ଵାରୁ ପିଲାଟି ଦିନରୁ ବାପ ଛେଉଣ୍ଡ ଥିବାବେଳେ ପିଲାଟି ଅବସ୍ଥାରୁ ମା'କୁ ହରାଇ ଅସହାୟ ହୋଇପଡି ଅନ୍ୟମାନଙ୍କ ଘରକାମ କରି ଚଳୁଥିଲା।ଏକ ଦୁର୍ଘଟଣାରେ ତା ମୁଣ୍ଡରେ ଗାଡ଼ି ଚଢି ଯିବା ପରେ ସେ ମାନସିକ ଭାରସାମ୍ୟ ହରାଇବସିଥିଲା।ବହୁ ଦୁସ୍ତ ଅବସ୍ଥାରେ ରାସ୍ତା କଡରେ ପଡ଼ିଥିବା ଖବର ପାଇ ବଲାଙ୍ଗୀରର ଅଗ୍ରଣୀ ମାହେଶ୍ୱରୀ ସ୍ବେଚ୍ଛାସେବୀ ସଂଗଠନର ସ୍ଵେଚ୍ଛାସେବୀ ମାନେ ଉଦ୍ଧାର କରି ଚିକିତ୍ସା କରାଯିବା ସହ ଦେଓଗାଁ ସାଲେପାଲି ସ୍ଥିତ ବୃଦ୍ଧା ଶ୍ରମରେ ରହିବାର ବ୍ୟବସ୍ଥା କରାଇଥିଲେ।ଆଜି ଦେହାନ୍ତ ଖବର ପାଇବା ପରେ ମାହେଶ୍ୱରୀ ସଂଗଠନ କେତେ ଜଣ ସ୍ଵେଚ୍ଛାସେବୀ ପହଞ୍ଚି ବୃଦ୍ଧା ଶ୍ରମର କର୍ମଚାରୀଙ୍କ ସହ ମିଶି ଅନ୍ତିମ ସଂସ୍କାର କରିଥିଲେ। ଦ୍ଵାରୁର ଦେହାନ୍ତ ଖବର ପ୍ରସାରଣ ପରେ ସାମାଜିକ ଗଣମାଧ୍ୟମରେ ବଲାଙ୍ଗୀର ର ଅନେକ ଲୋକ ଶ୍ରଦ୍ଧାଞ୍ଜଳି ଜଣାଇଛନ୍ତି ବୋଲି ସଙ୍ଗଠନ ର ପରିଚାଳନା ନିର୍ଦ୍ଦେଶକ ଅଙ୍କୁଶ କୁମାର ପାଣ୍ଡିଆ ସୂଚନା ଦେଇଛନ୍ତି।