25-Aug-2024

ନାକଟିଦେଉଳ (କନ୍ଦର୍ପ ବେହେରା )ମାତୃଭାଷା ମଧୁମୟ ହେଲେ ମାଟି ଏବଂ ଭାଷା ମଧୁମୟ ହେବ ବୋଲି ମଧୁବନ ସାହିତ୍ୟ ସଂସ୍କୃତି ସଂସଦ,ନାକଟିଦେଉଳ ଆନୁକୁଲ୍ୟ ରେ ଅନୁଷ୍ଠିତ ସ୍ବଭାବ କବି ଗଙ୍ଗାଧର ମେହେର ଜୟନ୍ତୀ ଓ ବାର୍ଷିକ ସାହିତ୍ୟ ଆସର ରେ ମୁଖ୍ୟ ଅତିଥି ଭାବରେ ଯୋଗଦେଇ ଓଡିଶା ସାହିତ୍ୟ ଏକାଡେମୀ ର ପୂର୍ବତନ ସଦସ୍ୟ ତଥା ନୀଳଚକ୍ର ସାହିତ୍ୟ ସଂସଦ ବୌଦ୍ଧର ସଭାପତି ଡ଼ଃ ସଞ୍ଜୟ କୁମାର୍ ପଣ୍ଡା ମତ ପ୍ରକାଶ କରିଛନ୍ତି l ଏହା ସହିତ ଗଙ୍ଗାଧର ମେହେରଙ୍କ ରଚିତ ତପସ୍ୱିନୀ କାବ୍ୟର ମୌଳିକତା ସମ୍ପର୍କରେ ଆଲୋକପାତ କରିଥିଲେ | ମଧୁବନ ସାହିତ୍ୟ ସଂସ୍କୃତି ସଂସଦ ର ସଭାପତି ରଘୁନାଥ ପ୍ରଧାନ ଙ୍କ ସଭାପତିତ୍ବରେ ଆୟୋଜିତ ସମାରୋହ ରେ ମୁଖ୍ୟ ବକ୍ତା ଭାବରେ ପଞ୍ଚାୟତ ଆଞ୍ଚଳିକ ମହାବିଦ୍ୟାଳୟ,କୁମ୍ଭାରବନ୍ଧ ଝାରସୁଗୁଡାର ଓଡିଆ ବିଭାଗ ର ପ୍ରାଧ୍ୟାପିକା ଡ଼ଃ ସଂଯୁକ୍ତା ହୋତା ଯୋଗ ଦେଇ ସ୍ବଭାବ କବି ଗଙ୍ଗାଧର ମେହର ଙ୍କ ବ୍ୟକ୍ତିତ୍ବ, କାବ୍ୟ କୃତୀ ଓ ବୈଶିଷ୍ଠତା ସମ୍ପର୍କ ରେ ଆଲୋକପାତ କରିଥିଲେ | ନାକଟିଦେଉଳ ସ୍ନାତକ ମହାବିଦ୍ୟାଳୟର ଅଧ୍ୟକ୍ଷ ସୁଧୀର କୁମାର ସାହୁ ଙ୍କ ପରିଚାଳନାରେ ଅନୁଷ୍ଠିତ ସଭାରେ ସଂସଦ ର ଉପସଭାପତି ଡ ସରସୀରାଣୀ ନାୟକ ଅତିଥି ପରିଚୟ ପ୍ରଦାନ କରିଥିବାବେଳେ ସମ୍ପାଦକ ସୁଶାନ୍ତ କୁମାର ସାହୁ ବିବରଣୀ ପାଠ କରିଥିଲେ | ମୁଖ୍ୟ ଅତିଥି ଓ ମୁଖ୍ୟ ବକ୍ତା ଙ୍କୁ ମାନପତ୍ର ଓ ଉପଢୌକନ ଦେଇ ସମ୍ମାନୀତ କାଯାଇଥିଲା l ପୂର୍ଵତନ ଶିକ୍ଷକ ତଥା କବି ଶ୍ରୀ ହରିହର ସାହୁ ଙ୍କ ରଚିତ ପୁସ୍ତକ ସାହିତ୍ୟ ସୌରଭ ଅତିଥି ମାନଙ୍କ ଦ୍ୱାରା ଲୋକାର୍ପିତ ହୋଇଥିଲା l ସରସ୍ବତୀ ଶିଶୁବିଦ୍ୟା ମନ୍ଦିର ନାକଟିଦେଉଳ ଓ ନାକଟିଦେଉଳ ସ୍ନାତକ ମହାବିଦ୍ୟାଳୟ ର ଛାତ୍ର ଛାତ୍ରୀ ମାନଙ୍କ ଦ୍ବାରା ସାଂସ୍କୁତିକ କାର୍ଯ୍ୟକ୍ରମ ପରିବେଷିତ ହୋଇଥିଲା | ଅଧ୍ୟାପକ ଶେଷଦେବ ବିଶ୍ବାଳ ଓ ଗୀତାରାଣୀ ସାହୁ ଙ୍କ ସଂଯୋଜନା ରେ କବିତା ପାଠୋତ୍ସବ ଅନୁଷ୍ଠିତ ହୋଇଥିଲା |