25-Aug-2024

ବୌଦ୍ଧ(ପ୍ରେରଣା ଖବର): ବୌଦ୍ଧ ଜିଲ୍ଲା ସଦର ବୁଟୁପାଳି ସ୍ଥିତ ଶ୍ରୀ ଶ୍ରୀ ରାଧା ମାଧବ ସେବା ଶ୍ରମ ଠାରେ  ଡମ୍ବରୁଗଡ଼ ମଠରେ ହେବାକୁ ଥିବା ଆସନ୍ତା କାର୍ତ୍ତିକ ମାସ ପଞ୍ଚକ ପାଞ୍ଚ ଦିନ ଧରି ବିଶ୍ୱ ଶାନ୍ତି ବିଷ୍ଣୁ ମହା ଯଜ୍ଞ ଆୟୋଜନ ନିମନ୍ତେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି l ଡମ୍ବରୁଗଡ଼ ମଠର ମହନ୍ତ ସର୍ବେଶ୍ୱର ଦାସ ମୁଖ୍ୟ ଅତିଥି ଭାବେ ଯୋଗଦାନ କରି ବିଶ୍ୱ ଶାନ୍ତି ଯଜ୍ଞରେ ସମସ୍ତେ ସହଯୋଗ କରିବା ନିମନ୍ତେ ପରାମର୍ଶ ଦେଇଥିଲେ l ଯଜ୍ଞ କମିଟି ସଭାପତି ଗୌରୀ ପ୍ରସାଦ ସାହୁ ସଭାପତିତ୍ଵ କରିଥିଲେ, ରାଧା ମାଧବ ସେବା ଶ୍ରମର ମୁଖ୍ୟ ତଥା ଯଜ୍ଞ କମିଟି ଆବାହକ ଶ୍ରୀମାନ ଆଦିତ୍ୟ ବ୍ରହ୍ମଚାରୀ, ଯଜ୍ଞ କମିଟି ସମ୍ପାଦକ କୃତ୍ତିବାସ ପଲିଆ, ଅର୍ଥ କମିଟି ସଦସ୍ୟ ଶିବ କର୍ମୀ, ମାହେଶ୍ୱରୀ ଗୋଶାଳାର ଅଧକ୍ଷ ନିର୍ଗୁଣ ମହାକୁଡ଼, ରାଧା ମାଧବ ସେବା ଶ୍ରମର ସମସ୍ତ କର୍ମକର୍ତ୍ତା ଯୋଗଦେଇ ଯଜ୍ଞ ଆୟୋଜନ ନିମନ୍ତେ ବିଭିନ୍ନ ଆଲୋଚନା କରାଯାଇଥିଲା l ଶେଷରେ ଯଜ୍ଞ କମିଟି ସହ ସମ୍ପାଦକ ଆକାଶ ଜେନା ଧନ୍ୟବାଦ ଅର୍ପଣ କରିଥିଲେ l
ଦ୍ୱିତୀୟ ପର୍ଯ୍ୟାୟରେ ବୁଟୁପାଳି ର ରାଧାକୃଷ୍ଣ ମନ୍ଦିର କମିଟି, ଭାଗବତ ମନ୍ଦିର କମିଟି ଉପର ସାହି, ମଝିସାହି  ଭାଗବତ ମନ୍ଦିର କମିଟି,ଜଗନ୍ନାଥ ମନ୍ଦିର କମିଟି କର୍ମକର୍ତ୍ତାଙ୍କୁ ନେଇ ବୈଠକ ଅନୁଷ୍ଠିତ ହୋଇ ଯଜ୍ଞ ନିମନ୍ତେ ସୂଚନା ପ୍ରଦାନ ସହିତ କର୍ମକର୍ତ୍ତା ମାନଙ୍କୁ ଯଜ୍ଞରେ ଅଂଶ ଗ୍ରହଣ ନିମନ୍ତେ ଅନୁରୋଧ କରାଯାଇଥିଲା l