23-Aug-2024

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)
ଦକ୍ଷତା ବୃଦ୍ଧି ଓ ନିଯୁକ୍ତି, ଦୀର୍ଘକାଳୀନ ଓ ସ୍ବଳ୍ପକାଳୀନ ବୈଷୟିକ ଶିକ୍ଷା ପ୍ରଶିକ୍ଷଣ ଉପରେ ସଚେତନ‌ତା ସୃଷ୍ଟି ଲକ୍ଷ୍ୟରେ ଜିଲାର ବିଭିନ୍ନ ବିଦ୍ୟାଳୟ, ମହାବିଦ୍ୟାଳୟ ଓ ବୈଷୟିକ ଅନୁଷ୍ଠାନକୁ ଗଡ଼ିବ କୌଶଳ ରଥ । ଏହି କୌଶଳ ରଥର ସୁ ବ୍ୟବସ୍ଥିତ ଜିଲା ପରିକ୍ରମା ନିମନ୍ତେ ଜିଲ୍ଲା ଦକ୍ଷତା ବିକାଶ ଓ ନିୟୋଜନ ବିଭାଗ ତରଫରୁ ଆବଶ୍ୟକ ପରିକ୍ରମା ମାର୍ଗର ସୁ ନିଶ୍ଚିତ କରାଯାଇଛି । ଆସନ୍ତା ୨୪ ରୁ ୨୮ ପର୍ଯ୍ୟନ୍ତ ଜିଲ୍ଲା ରେ  ପରିକ୍ରମା କରିବାକୁ ଥିବା ଏହି କୌଶଳ ରଥ ଆସନ୍ତା କାଲି ୨୪ ତାରିଖ ସରକାରୀ ପୋଲିଟେକନିକ ପରିସରରୁ  ସକାଳ ୦୯ ଘଂଟାରେ ଶୁଭାରମ୍ଭ କରାଯିବ । ଏହି ରଥ ସମସ୍ତ ୬ଟି ବ୍ଲକର ବିଭିନ୍ନ ବିଦ୍ୟାଳୟ, ମହାବିଦ୍ୟାଳୟ ଓ ବୈଷୟିକ ଅନୁଷ୍ଠାନ ପରିକ୍ରମା କରି ଛାତ୍ରଛାତ୍ରୀ, ଅଭିଭାବକ ଏବଂ ପରିଦର୍ଶକଙ୍କ ମଧ୍ୟରେ ବକ୍ଷତା ବୃଦ୍ଧି ସହ ନିଯୁକ୍ତି, ଦୀର୍ଘକାଳୀନ ଓ ସ୍ବଳ୍ପକାଳୀନ ବୈଷୟିକ ଶିକ୍ଷା ପ୍ରଶିକ୍ଷଣ ଉପରେ ସଚେତନ‌ତାର ବାର୍ତ୍ତା ବାଣ୍ଟିବାର ଲକ୍ଷ୍ୟ ଓ ଉଦେଶ୍ୟ ରହିଥିବା ଜିଲ୍ଲା ଦକ୍ଷତା ବିକାଶ ତଥା ନିୟୋଜନ ଅଧିକାରୀ ସୁବର୍ଣ୍ଣପୁର ସୂଚନା ପ୍ରଦାନ କରିଛନ୍ତି । ଆଜି ସନ୍ଧ୍ୟା ରେ କୌଶଳ ରଥ କୁ ବଇଁରାସର ଠାରେ ସ୍ୱାଗତ କରାଯିବାକୁ ଥିବାବେଳେ ଆଜି ଏହି ରଥ ସରକାରୀ ପୋଲିଟେକନିକ ପରିସରରେ ରାତ୍ରୀ ରହଣି କରିବ।