05-May-2024

ଆଗଲପୁର,, ବିନୋଦ କୁମାର ଦୀପ) ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ଆଗଲପୁର ହାଇସ୍କୁଲ ପଡ଼ିଆରେ ବିଜେପି ର ପରିବର୍ତ୍ତନ ସମାବେଶ ଅନୁଷ୍ଠିତ ହୋଇଯାଇଛି l ମୁଖ୍ୟ ଅତିଥି ଭାବେ କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପଧାନ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଲେ ବିଜେପି  ସାଂସଦ ପ୍ରାର୍ଥୀ ସଙ୍ଗୀତା କୁମାରୀ ସିଂହଦେଓ ଓ ଲୋଇସିଂହା ବିଧାନ ସଭା ନିର୍ବାଚନ ମଣ୍ଡଳୀ ର ବିଜେପି  ପ୍ରାର୍ଥୀ ଡ. ମୁକେଶ  ମହାଲିଙ୍ଗ ଙ୍କୁ ଆଗାମୀ 2024 ନିର୍ବାଚନ ରେ ବିପୁଳ ପରିମାଣ ରେ ଭୋଟ ଦେବାକୁ ମାନ୍ୟବର କେନ୍ଦ୍ର ମନ୍ତ୍ରୀ ଶ୍ରୀ ଧର୍ମେନ୍ଦ୍ର ପଧାନ ଲୋକଙ୍କୁ କହିଥିଲେ l ଏହି ଅବସର ରେ କେନ୍ଦ୍ର ସରକାରଙ୍କ ଲୋକାଭିମୁଖୀ କାର୍ଯ୍ୟକ୍ରମ କୁ ଘରେ ପହଞ୍ଚାଇ ଭୋଟ ପ୍ରଚାର କରିବା ପାଇଁ କର୍ମୀ ମାନଙ୍କୁ ମଧ୍ୟ ଆହ୍ଵାନ କରିଥିଲେ l ଏହାପରେ ଚାଷୀ ସମସ୍ୟା ,ଭତ୍ତା ସମସ୍ୟା , ବେରୋଜଗାରି କୁ ରୋଜଗାର କରିବା , ଜଳସେଚନ୍ ବ୍ୟବସ୍ଥା , ଏହିପରି ବିଭିନ୍ନ ମୁଦ୍ଦା ନେଇ ଭୋଟ ମଇଦାନ ରେ ପ୍ରାର୍ଥୀ ମାନେ ନିର୍ବାଚନ କରିବେ ବୋଲି ସୂଚନା ଦେଇଛନ୍ତି l ଏହି ସଭାକୁ ପିତାମ୍ବର କଣ୍ଟା ସଭାପତିତ୍ବ କରିଥିଲେ ଓ ଲୋଇସିଂହା , ଆଗଲପୁର , ପୁଇଁତଳା ବ୍ଲକ ର ସମସ୍ତ ମଣ୍ଡଳ ସଭାପତି ଉପସ୍ଥିତ ଥିଲେ l କଂଗ୍ରେସ ଓ ବିଜେଡି ଦଳର ଅନନ୍ତ ମେହେର , ସହଦେବ ସାହୁ , ଲଛ ଧରୁଆ , ଗୋପାଳ ମେହେର , ଜିରୁ ଧରୁଆ , ରଜନୀକାନ୍ତ ପାତ୍ର , ଚମ୍ପେଶ୍ଵର ଦୋରା , ରାଜୀବ ଲୋଚନ ଭୋଇ ,  କ୍ଷମା ନିଧି ଦଳପତି , ମନୋଜ ବେହେରା ପ୍ରମୁଖ ବିଜେପି ର ରୀତି ନୀତି ରେ ଅନୁପ୍ରାଣିତ ହୋଇ ଦଳରେ ସାମିଲ ହୋଇଥିଲେ l