09-Jul-2023

ବିନିକା(ହିମାଂଶୁ ଶେଖର ପୁଟେଲ)ଚାକିରୀରୁ ଅବସର ନେବାପରେ ଅନ୍ତିମ କାଳ ଶେଷ ପର୍ଯ୍ୟନ୍ତ ଆଧ୍ୟାତ୍ମିକ ତତ୍ତ୍ୱ ଓ ଶାରୀରିକ ଶିକ୍ଷା ପ୍ରଦାନ ପାଇଁ ଇଚ୍ଛା ଥିଲେ ମଧ୍ୟ ସିକୃତି ମିଳିବାରେ ବିଳମ୍ବ ହେଉଥିବାରୁ ଜଣେ ଶିକ୍ଷାବିତଙ୍କ ମନରେ ନୈରାଶ୍ୟଭାବ ସୃଷ୍ଟି କରିଛି ।ଘଟଣାଟି ହେଉଛି ବିନିକା ବ୍ଲକ ଅନ୍ତର୍ଗତ ମେଘେଳା ପଞ୍ଚାୟତ ଯଶପୁର-ତେଲିପାଲି ଗ୍ରାମର ।ଏହି ଗ୍ରାମର ଇନ୍ଦ୍ରଜିତ ପଧାନ ଜଣେ ଆଦର୍ଶ ଶିକ୍ଷକ ଭାବେ କାର୍ଯ୍ୟ ତୁଲାଇ ଗତ ୨୦୦୭ମସିହାରୁ ଅବସର ନେଇ ସାରିଛନ୍ତି ।ତାଙ୍କର ଅନ୍ତିମ ଇଚ୍ଛା ଆଜିର ଯୁବପିଡି ଓ ସ୍କୁଲରେ ଅଧ୍ୟୟନରତ ଛାତ୍ରଛାତ୍ରୀ ମାନଙ୍କୁ ଆଧ୍ୟାତ୍ମିକ ତତ୍ତ୍ୱ ଓ ଶାରୀରିକ ସମନ୍ଧୀୟ ଶିକ୍ଷା ପ୍ରଦାନ । ମନରେ ଥିବା ଏହି ଭାବନାକୁ ସଫଳ କରିବା ପାଇଁ ଆଜିର ଯୁବପିଢି ଓ ଛାତ୍ରଛାତ୍ରୀଙ୍କୁ ଆଧ୍ୟାତ୍ମିକ ମାର୍ଗର ଶିକ୍ଷା ପ୍ରଦାନ କଲେ ସେମାନେ ସଚେତନ ହେବାସହ ଉଚିତ ମାର୍ଗରେ ଯାଇ ପାରିବେ । ତେଣୁ ଏହି ମହତ କାର୍ଯ୍ୟ ତୁଲାଇବା ପାଇଁ ପ୍ରଥମେ ସ୍ଥାନୀୟ ପ୍ରଶାସନ ଠାରେ ଅଭିଯୋଗ ପତ୍ର ଦାଖଲ କରିଥିଲେ।ପରେ ପରେ ଗତ ୨୦୨୨ ଅଗଷ୍ଟରେ ବିନିକା ଗୋଷ୍ଟି ଶିକ୍ଷା ଅଧିକାରୀଙ୍କ ଜରିଆରେ ମାନ୍ୟବର ମୁଖ୍ୟମନ୍ତ୍ରୀ ଓ ଶିକ୍ଷାମନ୍ତ୍ରୀ,ଡିସେମ୍ବରରେ ସୁବର୍ଣ୍ଣପୁର ଜିଲ୍ଲାପାଳ,୨୦୨୩ ମେ ମାସରେ ମହାମହିମ ଭାରତର ରାଷ୍ଟ୍ରପତିଙ୍କ ନିକଟକୁ ଦରଖାସ୍ତ ଦେଇଥିଲେ ମଧ୍ୟ କୌଣସି ଉତ୍ତର ନ ଆସିବାରୁ ଶେଷରେ ବିନିକା ଗସ୍ତରେ ଆସିଥିବା ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବ୍ୟକ୍ତିଗତ ସହାୟକ ତଥା ୫ଟି ସଚିବ ଭି.କେ.ପାଣ୍ଡିଆନଙ୍କୁ ଭେଟି ଗୁହାରୀ କରିବା ସହିତ ଦାବିପତ୍ର ପ୍ରଦାନ କରିଛନ୍ତି।ତେବେ ଶିକ୍ଷା ପ୍ରଦାନ ପ୍ରତି ଆଗଭର ଥିବା ଅବସରପ୍ରାପ୍ତ କର୍ମଚାରୀ ଇନ୍ଦ୍ରଜିତଙ୍କ ଗୁହାରୀ ଫଳପ୍ରଦ ହେବ ନା ତାଙ୍କର ଭାବନା ଭାବନାରେ ରହିଯିବ ତାହା ଦେଖିବାକୁ ବାକି ରହିଲା।