08-Jul-2023

ଡୁଙ୍ଗୁରିପାଲି(ଅରବିନ୍ଦ ମିଶ୍ର ): - ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଲକ ଅନ୍ତର୍ଗତ ପଞ୍ଚାୟତ ହାଇସ୍କୁଲ ମାୟାବର୍ହା ରେ ପ୍ରଧାନଶିକ୍ଷକ ରବିଚନ୍ଦ୍ର ପଶୟତଙ୍କ ଅଧ୍ୟକ୍ଷତାରେ ତମାଖୁ ମୁକ୍ତ ଜାତୀୟ ଅଭିଯାନ ଆୟୋଜିତ ହୋଇଯାଇଛି । ଜିଲ୍ଲା ସ୍ବାସ୍ଥ୍ୟ ମିଶନଙ୍କ ଆହ୍ବାନ କ୍ରମେ ସ୍କୁଲ ଛାତ୍ରଛାତ୍ରୀ ମାନେ ମାୟାବର୍ହା ଗ୍ରାମକୁ ଏକ ସଚେତନତା ରାଲି ରେ ଯାଇ ଜନସାଧାରଣ କିଭଳି ତମାଖୁ କୁ ବର୍ଜନ କରିବେ ସେ ସମ୍ପର୍କିତ ବିଭିନ୍ନ ସ୍ଲୋଗାନ ଦେଇଥିଲେ । ବରିଷ୍ଠ ଶିକ୍ଷକ ତଥା ସ୍ବାସ୍ଥ୍ୟ ସମ୍ପର୍କିତ ତାଲିମ ପ୍ରାପ୍ତ ଶିକ୍ଷକ ଦୀନବନ୍ଧୁ ପ୍ରଧାନ କାର୍ଯ୍ୟକ୍ରମକୁ ପରିଚାଳନା କରିଥିଲେ ଓ ତମାଖୁ ସେବନ ଜଣେ ବ୍ୟକ୍ତିର

ଦୁରାରୋଗ୍ୟ କ୍ୟାନ୍ସର ର କାରଣ ହୋଇପାରେ ଏବଂ ଆମେ ଏ ବିଷୟରେ ଯେତେ ଶୀଘ୍ର ସଚେତନ ଓ ସତର୍କ ରହିବା ଆମର ସ୍ୱାସ୍ଥ୍ୟବସ୍ଥା ସେତେ ଭଲ ରହିବ ବୋଲି ମତବ୍ୟକ୍ତ

କରିଥିଲେ । ପ୍ରାରମ୍ଭରେ ସମସ୍ତ ଛାତ୍ରଛାତ୍ରୀ ଏବଂ ଶିକ୍ଷକ ମାନେ ତମାଖୁ ବର୍ଜନ ଉଦ୍ଦେଶ୍ୟରେ ଶପଥ ପାଠ କରିଥିଲେ। ଅନ୍ୟ ମାନଙ୍କ ମଧ୍ୟରେ ଶିକ୍ଷକ ନନ୍ଦିଘୋଷ ବାରିକ, ପ୍ରହଲ୍ଲାଦ ଦାଶ, ସଞ୍ଜୀବ ପୂଜାରୀ, ମିନକେତନ ଦାସ, ବିଭୀଷଣ ଖମାରୀ, କିରଣ ପଟେଲ, ସ୍ନିଗଧା ପ୍ରଧାନ ପ୍ରମୁଖ କାର୍ଯ୍ୟକ୍ରମରେ ସହଯୋଗ କରିଥିଲେ। ପ୍ରଧାନଶିକ୍ଷକ ଶ୍ରୀ ପଶାୟତ ଆଗାମୀ ଦିନରେ ଜିଲ୍ଲା ସ୍ବାସ୍ଥ୍ୟ ବିଭାଗ ର ମାର୍ଗଦର୍ଶିକା ଅନୁସରଣ କରି ତମାଖୁ ମୁକ୍ତ ସ୍କୁଲ ଅଭିଯାନ କୁ ତ୍ୱରାନ୍ୱିତ କରାଯିବ ସେ ବିଷୟରେ ମତବ୍ୟକ୍ତ କରିଥିଲେ।