07-Jul-2023

କଳାହାଣ୍ଡି,କୋକସରା(ତ୍ରିନାଥ ବେଶ୍ରା )
ଆତ୍ମଶକ୍ତି ଟ୍ରଷ୍ଟ ଆନୁକୁଲ୍ୟରେ ରାଜ୍ୟ ସ୍ତରୀୟ ସଂଗଠନ ଓଡ଼ିଶା ଶ୍ରମଜିବି ମଞ୍ଚ ଓ ମହିଳା ଶ୍ରମଜିବିମଞ୍ଚ ଓଡିଶାର ୧୭ ଗୋଟି ଜିଲ୍ଲା ମଧ୍ୟରୁ ସଦସ୍ୟ ଲୋକ ସଂଗଠନ ନାଗରିକ ବିକାଶ ସଂଗଠନ,କଳାହାଣ୍ଡି ତରଫରୁ କୃଷକ ମାନଙ୍କ ପ୍ରଗତିକୁ ଦୃଷ୍ଟିରେ ରଖି ''କୃଷି କ୍ରାନ୍ତି'' ଅଭିଯାନର ଶୁଭାରମ୍ଭ କରାଯାଇଛି। ଗତ ବର୍ଷ ନମୁନା ଭାବରେ ଓଡ଼ିଶାର ୪ ଗୋଟି ଜିଲ୍ଲା ର ୪୦୦୩ ଟି ଚାଷୀଙ୍କର ସର୍ଭେ କରାଯାଇଥିଲା ସର୍ଭେର
ଫାଇଣ୍ଡିଂ ରେପୋର୍ଟ  ଅନୁଯାୟୀ ଯେଉଁ ଚାଷୀ ମାନେ ୧୫ ଅକ୍ଟୋବର ୧୫ ତାରିଖ ମଧ୍ୟରେ ବିହନ ପାଇ ଚାଷ କଲେ ସେମାନେ ଏକର ପ୍ରତି ୨୦୦୦୦ ଟଙ୍କାର ସଫଳତା ପୂର୍ବକ ଲାଭବାନ ହୋଇପାରିଥିଲେ। ତେଣୁ ରାଜ୍ଯ ସ୍ତରୀୟ ସଂଗଠନ ମହିଳା ଶ୍ରମଜିବି ମଞ୍ଚ ଓ ଓଡିଶା ଶ୍ରମଜିବି ମଞ୍ଚ କୃଷି କ୍ରାନ୍ତି ଅଭିଯାନ କରିବା ନିମନ୍ତେ ପଦକ୍ଷେପ ନିଆଯାଇ ଥିଲା। ଉକ୍ତ କାର୍ଯ୍ୟକ୍ରମରେ ଜିଲ୍ଲା କାର୍ଯ୍ୟକାରିଣୀ କମିଟିର ସଦସ୍ୟ ଉପେନ୍ଦ୍ର ସୁନାନୀ ସଂଗଠନ ର ପରିଚୟ ଦେବା ସହିତ ଅଭିଯାନର ଲକ୍ଷ୍ୟ ଓ ଉଦ୍ଦେଶ୍ୟ ର ବିସ୍ତୃତ ବିବରଣୀ ପ୍ରଦାନ କରିଥିଲେ। 
ଏହି ଅଭିଯାନର ପ୍ରକ୍ରିୟା ମୁଖ୍ୟତଃ କେତେଗୁଡ଼ିଏ କାର୍ଯ୍ୟକଳାପ ମାଧ୍ୟମରେ କରାଯିବା ନିମନ୍ତେ ସଂକଳ୍ପବଦ୍ଧ ଯେପରି ପ୍ରତି ଗାଆଁ ଗୁଡିକ ରେ ଯାଇ ବୈଠକ କରିବା ଏବଂ ଶୀତ ଋତୁରେ ଯେଉଁ ଚାଷୀମାନେ ଚାଷକରିବାକୁ ଇଛୁକ ସେମାନଙ୍କୁ ଚିହ୍ନଟକରି ତାହାର ଲିଷ୍ଟ ପ୍ରସ୍ତୁତ କରିବା, ପୋଷ୍ଟକାର୍ଡ଼ ମାଧ୍ୟମରେ ମାନ୍ୟବର ମୁଖ୍ୟମନ୍ତ୍ରୀଙ୍କୁ ଚିଠି ଲେଖିବା। କାନ୍ଥ ଲିଖନ କରିବା, ଚାଷୀମାନଙ୍କର ଛୋଟ ଛୋଟ ଭିଡିଓ ବାର୍ତ୍ତା ସଂଗ୍ରହ ଇତ୍ୟାଦି। 
ଉକ୍ତ ଉଦଘାଟନୀ କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବରେ ମୂଷାପାଲି ସରପଞ୍ଚ ଶ୍ରୀଯୁକ୍ତ ଅକ୍ଷୟ କୁମାର ନାଏକ ସମିତି ସଭ୍ଯା ଶ୍ରୀମତୀ ଅଞ୍ଜନା ଦୁର୍ଗା କୃଷକ ସାଥୀ ଶ୍ରୀଯୁକ୍ତ କ୍ଷିରସିନ୍ଧୁ ନାଏକ  ତଥା ଗ୍ରାମର ୱାର୍ଡ ମେମ୍ବର ଓ  ମମତା ପାଣ୍ଡେ, ବୈଦେହି ସୁନାନୀ , ଧନେ ଶ୍ୱରି ରାଉତ, ସଇଲେନ୍ଦ୍ରି ନା ଏକ ସ୍ଵେଚ୍ଛାସେବୀ, ସମସ୍ତେ ଯୋଗ ଦେଇ ସଂଗଠନର ଏହି ଭଳି ପଦକ୍ଷେପ ପାଇଁ ପୂର୍ଣ୍ଣ ସହମତି ପ୍ରକାଶ କରି ସହଯୋଗ କରିବା ନିମନ୍ତେ ମତ ଦେଇଥିଲେ ଏବଂ ସଂଗଠନ କୁ ପ୍ରସଂଶା ଓ ଧନ୍ଯବାଦ ଜଣାଇଥିଲେ। ଉକ୍ତ କାର୍ଯ୍ୟକ୍ରମକୁ ଜନ ସାଥୀ ତ୍ରିନାଥ ବେଶ୍ରା ପରିଚାଳନା କରିଥିଲେ ଓ ଜନସାଥୀ ଝସକେତନ ହରିଜନ, ପବିତ୍ର ବେଶ୍ରା,ସୀମାଦ୍ରି ବାରିକ, ମୁକ୍ତା ଠାକୁର, ଯୋଗେଶ୍ୱର ନାଏକ ଉର୍ମି ଲିଡର ପ୍ରେମଶିଳା ପାଣିଗ୍ରାହୀ, କମିଟି ମେମ୍ବର ଉମା ଦୁର୍ଗା, ପ୍ରେମଶିଳା ମହାନନ୍ଦ ସମସ୍ତେ ମିଶି ସହଯୋଗ କରିଥିଲେ।