06-Jul-2023

ଲୋଇସିଂହା, (ବିନୋଦ କୁମାର ଦୀପ) ବଲାଙ୍ଗୀର ଜିଲ୍ଲା ଲୋଇସିଂହାର ନବୀନ କୁମାର ଅଗ୍ରୱାଲ ଚିକିତ୍ସା ପାଇଁ ଟଙ୍କା ଆବଶ୍ୟକ ଥିବାରୁ ନିଜର ଏକ ଜମି ରେଜିଷ୍ଟ୍ରି କରିବା ପାଇଁ ଲୋଇସିଂହା ତହସିଲକୁ ଧାଇଁ ଧାଇଁ ନୟାନ୍ତ ହୋଇଗଲେଣି । ଜମି ବିକ୍ରି ପାଇଁ ନବୀନଙ୍କୁ ଅନୁମତି ମିଳୁନଥିବାରୁ ସେ ଚିକିତ୍ସାରୁ ବଂଚିତ ହୋଇଛନ୍ତି ।  ଏକ ଘରୋଇ ହସ୍ପିଟାଲ ରେ ଚିକିତ୍ସିତ ହେଉଥିବାରୁ ଚିକିତ୍ସା ପାଇଁ ଟଙ୍କା ଆବଶ୍ୟକ ଏଣୁ ନିଜର ଖଣ୍ଡିଏ ଜମି ବିକ୍ରି ପାଇଁ ଦେଢ଼ ମାସ ପୂର୍ବରୁ ଲୋଇସିଂହା ଉପନିବନ୍ଧକଙ୍କ କାର୍ଯ୍ୟାଳୟରେ ଆବେଦନ କରିଥିଲେ ସୁଦ୍ଧା ତାଙ୍କୁ ଜମି ବିକ୍ରିର ଅନୁମତି ମିଳିପାରି ନାହିଁ ।  ଗତ 6 ମାସ ତଳେ  ଟ୍ରାକ୍ଟର ଦୁର୍ଘଟଣାର ଶୀକାର ହୋଇ ନବୀନ ଡାକ୍ତରଖାନାରେ ଚିକିତ୍ସିତ ହେଉଛନ୍ତି । ଡାକ୍ତର ତାଙ୍କୁ ଅସ୍ତ୍ରୋପଚାର ପାଇଁ କହୁଥିଲେ ସୁଦ୍ଧା ଟଙ୍କା ଅଭାବରୁ ତାହା ହୋଇପାରୁ ନାହିଁ । ତେବେ ଲୋଇସିଂହା ଉପନିବନ୍ଧକଙ୍କ କାର୍ଯ୍ୟାଳୟରେ ନିଜର ଲୋଇସିଂହା ମୌଜା 713/595 ଖାତାର ପ୍ଲଟ ନଂ 347 ର   35  ଡିସିମିଲରୁ ମାତ୍ର 4 ଡିସିମିଲ ଜମି ବିକ୍ରି ପାଇଁ କାହିିଁକି ଅନୁମତି ମିଳୁ ନାହିଁ ତାହା ଆଶ୍ଚର୍ଯ୍ୟ ବିଷୟ l ନବୀନଙ୍କ ଚିକିତ୍ସା ଖର୍ଚ୍ଚ ଭରଣ କରିବା ପାଇଁ ତାଙ୍କୁ ଜମି ବିକ୍ରିର ଅନୁମତି ପ୍ରଦାନ କରିବାକୁ ଜିଲ୍ଲା ପ୍ରଶାସନ ତଥା ଲୋଇସିଂହା ଉପନିବନ୍ଧକ ଙ୍କ କାର୍ଯ୍ୟାଳୟ ଠାରେ ନିବେଦନ କରାଯାଇଛି l ହେଲେ ପ୍ରଶ୍ନ ଉଠୁଛି ଯେ ଗତକାଲି ଲୋଇସିଂହା ତହସିଲଦାର ଏ ବିଷୟରେ ମୁଁ ଜାଣିନାହିଁ ଏଣୁ ଏପ୍ଲିକେସନ ଟିଏ ଲିଖିକି ଦିଅନ୍ତୁ କଣ ହୋଇଛି ଦେଖିବା ବୋଲି ନବୀନ ଙ୍କୁ କହିଲେ l