06-Jul-2023

ଲୋଇସିଂହା(ବିନୋଦ କୁମାର ଦୀପ)- ବଲାଙ୍ଗୀର ଜିଲ୍ଲା ଲୋଇସିଂହାର ନବୀନ କୁମାର ଅଗ୍ରୱାଲ ଚିକିତ୍ସା ପାଇଁ ଟଙ୍କା ଆବଶ୍ୟକ ଥିବାରୁ ନିଜର ଏକ ଜମି ରେଜିଷ୍ଟ୍ରି କରିବା ପାଇଁ ଲୋଇସିଂହା ତହସିଲକୁ ଧାଇଁ ଧାଇଁ ନୟାନ୍ତ ହୋଇଗଲେଣି । ଜମି ବିକ୍ରି ପାଇଁ ନବୀନଙ୍କୁ ଅନୁମତି ମିଳୁନଥିବାରୁ ସେ ଚିକିତ୍ସାରୁ ବଂଚିତ ହୋଇଛନ୍ତି ।  ଚିକିତ୍ସା ପାଇଁ ଟଙ୍କା ଆବଶ୍ୟକ ହେଉଥିବାରୁ ନିଜର ଖଣ୍ଡିଏ ଜମି ବିକ୍ରି ପାଇଁ ତିନି ମାସ ପୂର୍ବରୁ ଲୋଇସିଂହା ଉପନିବନ୍ଧକଙ୍କ କାର୍ଯ୍ୟାଳୟରେ ଆବେଦନ କରିଥିଲେ ସୁଦ୍ଧା ତାଙ୍କୁ ଜମି ବିକ୍ରିର ଅନୁମତି ମିଳିପାରି ନାହିଁ ।  ଗତ କିଛିଦିନ ତଳେ  ଟ୍ରାକ୍ଟର ଦୁର୍ଘଟଣାର ଶୀକାର ହୋଇ ନବୀନ ଡାକ୍ତରଖାନାରେ ଚିକିତ୍ସିତ ହେଉଛନ୍ତି । ଡାକ୍ତର ତାଙ୍କୁ ଅସ୍ତ୍ରୋପଚାର ପାଇଁ କହୁଥିଲେ ସୁଦ୍ଧା ଟଙ୍କା ଅଭାବରୁ ତାହା ହୋଇ ପରୁ ନାହିଁ । ତେବେ ଲୋଇସିଂହା ଉପନିବନ୍ଧକଙ୍କ କାର୍ଯ୍ୟାଳୟରେ ନିଜର ୩୫ ଡିସିମିଲରୁ ମାତ୍ର ୫ ଡିସିମିଲ ଜମି ବିକ୍ରି ପାଇଁ କାହିିଁକି ଅନୁମତି ମିଳୁ ନାହିଁ ତାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ନବୀନଙ୍କ ଚିକିତ୍ସା ଖର୍ଚ୍ଚ ଭରଣ କରିବା ପାଇଁ ତାଙ୍କୁ ଜମି ବିକ୍ରିର ଅନୁମତି ପ୍ରଦାନ କରିବାକୁ ଜିଲ୍ଲାପ୍ରଶାସନ ତଥା ଲୋଇସିଂହା ଉପନିବନ୍ଧକ ଙ୍କ କାର୍ଯ୍ୟାଳୟ ଠାରେ ନିବେଦନ କରାଯାଇଛି ।