06-Jul-2023

ବଲାଙ୍ଗୀର, ବଲାଙ୍ଗୀରରେ ବୃକ୍ଷରୋପଣ କାର୍ଯ୍ୟକ୍ରମ ତଥା ସହରକୁ ସବୁଜ ସୁନ୍ଦର କରିବା ପାଇଁ ନାଗରିକ କମିଟି ତରଫରୁ ଏକ ପ୍ରତିନିଧି ଦଳ ବଲାଙ୍ଗୀର ଡିଏଫ୍‌ଓ ନିତିଶ କୁମାରଙ୍କ ସହ ଆଲୋଚନା ହୋଇଛି । ବଲାଙ୍ଗୀରର ବିଭିନ୍ନ ସ୍ଥାନ ଯଥା ସଦେଇପାଲି, ଖୁଜେନପାଲି, ଆଦର୍ଶ ବିଦ୍ୟାଳୟ, ଆର୍‌ଟିଓ ଛକ, ପାଟଣାଗଡ଼ ରୋଡ ତଥା ସମସ୍ତ ରାସ୍ତା ମଝିରେ ଥିବା ଡିଭାଇଡର୍ ଉପରେ ନୂତନ ପଦ୍ଧତିରେ ବୃକ୍ଷରୋପଣ କରାଯିବ ବୋଲି ଆଲୋଚନା ହେ।।ଇଥିଲା, ଯାହାକି ସରକାରଙ୍କ ତରଫରୁ ୪ବର୍ଷ ପର୍ଯ୍ୟନ୍ତ ତାରବାଡ ଓ ପାଣି ଦିଆଯାଇ ରକ୍ଷଣାବେକ୍ଷଣ କରାଯିବ । ଏଥିରେ ଜନସାଧାରଣଙ୍କ ସହଯୋଗ ମଧ୍ୟ ଆବଶ୍ୟକ ବୋଲି ଡିଏଫ୍‌ଓ ନିତିଶ କୁମାର କହିଥିଲେ । ଆହୁରି ବଲାଙ୍ଗୀରର ରାସ୍ତା ସର୍ବପୂରାତନ ହୋଇଥିବାରୁ ଡିଭଇଡର୍ ମଝିରେ ମେସିନ୍ ଦ୍ୱାରା ଗାତ ଖୋଲିଲେ ମଧ୍ୟ ୭/୮ ଫୁଟ୍ ପର୍ଯ୍ୟନ୍ତ ପଥର ବାହାରୁଥିବା ଫଳରେ ବୃକ୍ଷରୋପଣରେ ବିଶେଷ ଅସୁବିଧା ହେଉଛି । ତା ସତ୍ତ୍ୱେ ଏଠାରେ ୧୫ଶହ ବୃକ୍ଷରୋପଣ କରାଯିବ ବୋଲି ସୂଚନା ପ୍ରଦାନ କରିଥିଲେ । ସେହିପରି ଟିଟିଲାଗଡ଼ର କୁମୁଡା ପାହାଡ ଓ ଭୀମ ଡୁଙ୍ଗୁରୀରେ ମଧ୍ୟ ସବୁଜୀକରଣ କରାଯିବ ବୋଲି ଦୃଢ଼ ପ୍ରତିଶୃତି ଦେଇଥିଲେ । ଆଲୋଚନାରେ ନାଗରିକ କମିଟି ତରଫରୁ ସଭାପତି ଇଂ ବେଲାରସିଂ ଭୋଇ, ସାଧାରଣ ସଂପାଦକ ମନୋରଂଜନ ସାହୁ, ଉପସଭାପତି ନିତ୍ୟାନନ୍ଦ ମିଶ୍ର, ପର୍ଶୁରାମ ନାୟକ, ସରୋଜ ଚୋପଦାର ଓ ପ୍ରଶାନ୍ତ ପଟ୍ଟନାୟକ ପ୍ରତିନିଧି ଭାବବରେ ଯୋଗ ଦେଇଥିଲେ । ପରେ ପରେ ରେଂଜର କେଶବ କୁମାର ନାୟକଙ୍କ ସହ ମଧ୍ୟ ଆଲୋଚନା କରି ସହରରେ ୫ହଜାରରୁ ଉର୍ଦ୍ଧ୍ୱ ବୃକ୍ଷରୋପଣ କରାଯିବ ବୋଲି କହିଥିଲେ । ସେହିପରି ଆଜି ସ୍ଥାନୀୟ ଆୟୁର୍ବେଦ କଲେଜ ଠାରେ ବନବିଭାଗ ଓ  ନାଗରିକ ମିଟି ର ମିଳିତ ସହଯୋଗରେ ଏକ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହେବ ବୋଲି କଲେଜର ଅଧ୍ୟକ୍ଷ ଡ. ଅରୁଣ କୁମାର ଦାଶ ସୂଚନା ଦେଇଛନ୍ତି ।