06-Jul-2023

ଡୁଙ୍ଗୁରିପାଲି(ଅରବିନ୍ଦ ମିଶ୍ର ): ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ବ୍ଲକ ମାୟାବାର୍ହା କ୍ଲଷ୍ଟର ଅନ୍ତର୍ଗତ ଏଫଏଲଏନ ମଡେଲ ସ୍କୁଲରେ ବନ ମହୋତ୍ସବ ପାଳିତ ହୋଇ ଯାଇଛି।ପ୍ରଧାନ ଶିକ୍ଷକ ଶ୍ରୀଯୁକ୍ତ ହେମସାଗର ଵାଘ ଙ୍କର ସଭାପତିତ୍ୱ ରେ ପରିବେଶ ସଚେତନତା ସଭା ଅନୁଷ୍ଠିତ ହୋଇଥିଲା।ପ୍ରକୃତି ପ୍ରେମୀ   ସରକାରୀ ଉଛ ବିଦ୍ୟାଳୟ ବାଙ୍କୀପାଲି ର ସହକାରୀ

ଶିକ୍ଷକ ଶ୍ରୀଯୁକ୍ତ ଦୁଷ୍ମନ୍ତ ପଧାନ ମୁଖ୍ୟ ଅତିଥି ରୂପେ ଯୋଗ ଦାନ କରିଥିଲେ।ସହକାରୀ ଶିକ୍ଷୟିତ୍ରୀ ସୁଶ୍ରୀ ତପସ୍ୱିନୀ ଦାଶ ବୃକ୍ଷ ରୋପଣ ର ମହତ୍ତ୍ୱ,ଗୁରୁତ୍ୱ ବୃକ୍ଷ ର ଉପାଦେୟତା ବିଷୟରେ ପ୍ରାଞ୍ଜଳ ଭାବରେ ବୁଝାଇଥିଲେ।କ୍ରମ ବର୍ଦ୍ଧିଷ୍ଣୁ ଜନସଂଖ୍ୟା ଯୋଗୁ ଅରଣ୍ୟ ହ୍ରାସ ପାଉଅଛି।ଜଙ୍ଗଲ ନଷ୍ଟ ହେବା ଫଳରେ ବିଭିନ୍ନ ପ୍ରାକୃତିକ ଦୁର୍ବିପାକ ଯଥା ବିଶ୍ୱ ତାପାୟନ, ଅନାବୃଷ୍ଟି ମରୁଡି ଆଦି ଘଟୁଅଛି।ବୃକ୍ଷ ରୋପଣ ଦ୍ବାରା ପ୍ରକୃତି ସନ୍ତୁଳିତ ହୋଇ ପାରିବ ବଲି ମୁଖ୍ୟ ଅତିଥି ମତବ୍ୟକ୍ତ କରିଥିଲେ।

ପରିବେଶ ସଚେତନତା କାର୍ଯ୍ୟକ୍ରମ ମାଧ୍ୟମରେ ଶିଶୁ ମାନେ ସଚେତନ ହୋଇ ଭବିଷ୍ୟତରେ  ପରିବେଶ ସୁରକ୍ଷା ପ୍ରତି ଯତ୍ନବାନ ହୁଅନ୍ତୁ ବଲି ସେ ଛାତ୍ରଛାତ୍ରୀ ମାନେ ଙ୍କୁ ପରାମର୍ଶ ଦେଇଥିଲେ।ସହକାରୀ ଶିକ୍ଷୟିତ୍ରୀ ଶ୍ରୀମତୀ ଜାହ୍ନବୀ ଭୋଇ ଧନ୍ୟବାଦ ଅର୍ପଣ କରିଥିଲେ।ବିଦ୍ୟାଳୟ ପରିସରରେ ବୃକ୍ଷ ରୋପଣ କରା ଯାଇଥିଲା। ବିଦ୍ୟାଳୟ ର ସମସ୍ତ ଶିକ୍ଷକ ଶିକ୍ଷୟିତ୍ରୀ, ଗାୟତ୍ରୀ ନର୍ସରି ର ସଂଚାଳକ ବଳିଷ୍ଠ ସାହୁ,ଦୀପକ ଵାଘ ଲିଜା ପଧାନ ଗୁନାରୁ ଵାଘ ଉପସ୍ଥିତ ଥିଲେ।