05-Jul-2023

ବରଗଡ଼:-ବରଗଡ଼ ଜିଲ୍ଲା ବିଜେପୁର ପଞ୍ଚାୟତ ସମିତି କାର୍ଯ୍ୟାଳୟ ପରିସରରେ ମିଶନ ଶକ୍ତି କାଫେ  ର ଶୁଭାରମ୍ଭ ହୋଇଯାଇଛି ।ଏହି କ୍ୟାଫେ କୁ ଓଡିଶାର ହସ୍ତତନ୍ତ, ବୟନ ଓ ହସ୍ତଶିଳ୍ପ ମନ୍ତ୍ରୀ ଶ୍ରୀମତୀ ରିତା ସାହୁ ମୁଖ୍ୟ ଅତିଥି ଭାବେ ଯୋଗଦେଇ ଶୁଭ ଉଦଘାଟନ କରିଛନ୍ତି ।ମହିଳା ସ୍ୱୟଂ ସହାୟକ ଗୋଷ୍ଠୀର ମହିଳା ମାନଙ୍କୁ ସ୍ବାବଲମ୍ବୀ କରିବା ପାଇଁ ମିଶନ ଶକ୍ତି ମାଧ୍ୟମରେ ପ୍ରୋତ୍ସାହନ ଦେବା ସହିତ ଆର୍ଥିକ ସହାୟତା ଯୋଗାଇ ଦେଉଛନ୍ତି ରାଜ୍ୟ ସରକାର । ରାଜ୍ୟର ସମସ୍ତ ଜିଲ୍ଲା ଏବଂ ବ୍ଲକ ମାନଙ୍କରେ "ମିଶନ ଶକ୍ତି କାଫେ" ଖୋଲା ଯାଉଥିବା ବେଲେ ବିଜେପୁର ପଞ୍ଚାୟତ ସମିତି କାର୍ଯ୍ୟାଳୟ ପରିସରରେ ଆଜି "ମିଶନ ଶକ୍ତି କାଫେ" ର ଶୁଭାରମ୍ଭ ହୋଇଯାଇଛି।ଏହି କାଫେ କୁ ବିଜେପୁର ବ୍ଲକ

ସଂଜୀବନୀ ମହାସଂଘ ର ମହିଳା ମାନେ ପରିଚାଳନା କରୁଥିବା ଜଣାପଡିଛି । ପ୍ରତ୍ୟହ ବ୍ଲକ କାର୍ଯ୍ୟାଳୟ କୁ ଆସୁଥିବା କର୍ମଚାରୀଙ୍କ ଠାରୁ ଅଫିସ କାମରେ ଆସୁଥିବା ସାଧାରଣ ଲୋକ ମାନେ ଜଳଖିଆ ଏବଂ ଉନ୍ନତ ମାନର ଖାଇବା ପାଇ ପାରିବେ। ତା ସହ ସ୍ଵୟଂ ସହାୟକ ଗୋଷ୍ଠୀର ମାଁ ମାନେମଧ୍ୟ ଭଲ ଦୁଇ ପଇସା ରୋଜଗାର କରି ପାରିବେ ବୋଲି ଆଶା କରିଛନ୍ତି।ଏହି ଶୁଭାରମ୍ଭ କାର୍ଯକ୍ରମ ରେ ବିଜେପୁର ବ୍ଲକ ଅଧ୍ୟକ୍ଷ ମୋତିରାମ ସାହୁ , ଗୋଷ୍ଠି ଉନ୍ନୟନ ଅଧିକାରୀ ସରୋଜ ବିଶ୍ଵାଳ , ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ବିଜେପୁର ଡାକ୍ତର ସୁଶାନ୍ତ ମେହେର,ତହସିଲଦାର ଆର୍ତ୍ତତ୍ରାଣ ଥାଟୀ ପ୍ରମୁଖ ସମ୍ମାନୀତ ଅତିଥି ଭାବେ ଯୋଗ ଦେଇଥିଲେ ।