04-Jul-2023

 ଗଞ୍ଜାମ ଜିଲ୍ଲା କବିସୂର୍ଯ୍ୟନଗର  ବିଜ୍ଞାପିତ ଅଞ୍ଚଳ ପରିଷଦ ଅଧିନ ଜଗନ୍ନାଥ ମନ୍ଦିର ସାହି କଲ୍ୟାଣ ମଣ୍ଡପ ଠାରେ ମିଶନ ଶକ୍ତି ଗୋଷ୍ଠୀ ଓ ପୌରସଂସ୍ଥା ଅଧିକାରୀଙ୍କ ପାଇଁ ମୁଖ୍ୟମନ୍ତ୍ରୀ କର୍ମ ତତ୍ପର ଅଭିଯାନ ର ଦକ୍ଷତା ବିକାଶ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ଏହି କାର୍ଯ୍ୟକ୍ରମରେ କବିସୂର୍ଯ୍ୟନଗର ବିଧାୟିକା ଲତିକା ପ୍ରଧାନ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ଏନଏସି ଅଧକ୍ଷା ଏସ. ଲକ୍ଷ୍ମୀ ସେଠୀ , ଉପାଧକ୍ଷ ବିକ୍ରାନ୍ତ କୁମାର ସାହୁ ଙ୍କ ସମେତ କାର୍ଯ୍ୟନିର୍ବାହୀ

ଅଧିକାରୀ ପ୍ରମୋଦ କୁମାର ପାଢ଼ୀ, ବିଜ୍ଞାପିତ ଅଞ୍ଚଳ ପରିଷଦର ବହୁ କାଉଁସିଲର ଓ ସମସ୍ତ କର୍ମକର୍ତା ଉପସ୍ଥିତ ରହିଥିଲେ l ମୁକ୍ତା ଯୋଜନା ମାଧ୍ୟମରେ ମୁଖ୍ୟମନ୍ତ୍ରୀ ମଞ୍ଜୁରୀ ଦେଇଥିବା 2 କୋଟି ୨୯ ଲକ୍ଷ ଟଙ୍କା ରେ ୪୨ ଟି ପ୍ରକଳ୍ପ କିଭଳି ଆସନ୍ତା ନଭେମ୍ବର ମାସ ସୁଧା ସମାପ୍ତ କରାଯିବ ଓ ସ୍ୱୟଂ ସହାୟିକା ଗୋଷ୍ଠୀ ର ମହିଳା ମାନେ କିପରି ଏହି କାର୍ଯ୍ୟ ସୁଚାରୁ ରୂପେ ସମ୍ପାଦନ କେରିବେ ସେନେଇ ଏହି କର୍ମଶାଳାରେ ପ୍ରଶିଖକ ଙ୍କ ଦ୍ୱାରା ପ୍ରଶିକ୍ଷଣ ଦିଆଯାଇଥିଲା l ଏହି କାର୍ଯ୍ୟକ୍ରମ ରେ ଏନଏସି  ଅଧୀନରେ ଥିବା ବହୁ ଏସ୍ ଏଚ୍ ଜି ମହିଳା ଗୋଷ୍ଠୀର ସଦସ୍ୟ ଉପସ୍ଥିତ ରହିଥିଲେ l

( ଭଗବାନ ପାଢ଼ୀଙ୍କ ରିପୋର୍ଟ )