04-Jul-2023

ଲୋଇସିଂହା, (ବିନୋଦ କୁମାର ଦୀପ) ଆଜି ବଲାଙ୍ଗୀର ଜିଲ୍ଲା ଲୋଇସିଂହା ବ୍ଲକ ଅନ୍ତର୍ଗତ ଯୋଗିସର୍ଡl ଶିବ ମନ୍ଦିର ପ୍ରାଙ୍ଗଣରେ ଏକ ଜରୁରୀକାଳୀନ ବୈଠକ ଅନୁଷ୍ଠିତ ହୋଇଥିଲା l ଉକ୍ତ ବୈଠକରେ ଲୋଇସିଂହା ଠାରେ ଯେଉଁ ଲୋୟର ସୁକତେଲ ଜଳସେଚନ ପ୍ରକଳ୍ପ ହେଉଛି ଲୋଇସିଂହା ବ୍ଲକର ୫ ଟି ପଞ୍ଚାୟତର ଲୋକମାନେ ସେଥିରୁ ବଞ୍ଚିତ ହେଉଥିବାରୁ ଲୋକେ ଅସନ୍ତୋଷ ପ୍ରକାଶ କରି ଏକ ବୈଠକ ଆୟୋଜନ କରାଯାଇଥିଲା l ଏହି ସଭାରେ ଲୋଇସିଂହା ବ୍ଲକ ବିଜେଡି ସଭାପତି ହୃଦାନନ୍ଦ ବେହେରାଙ୍କ ସଭାପତିତ୍ବରେ ସଭା ଅନୁଷ୍ଠିତ ହୋଇଥିଲା l ଉକ୍ତ ବୈଠକରେ ଅତିଥି ଭାବେ ଲୋଇସିଂହା ବ୍ଲକ ଅଧ୍ୟକ୍ଷ ଯତୀନ୍ଦ୍ର ପଟେଲ ଉପସ୍ଥିତ ରହିବା ସହ ଲୋଇସିଂହା, ବୁଢ଼ୀପଦର, ଯୋଗିସର୍ଡା, ବାଦିବାହାଲ, ବୁରଡା,ହୀରାପୁର, ପଂଚାୟତ ର ସମସ୍ତ ସରପଞ୍ଚ ଓ ସମିତି ସଭ୍ୟ ଉପସ୍ଥିତ ଥିଲେ l

ତା ସହ ଉକ୍ତ ୫ ଟି ପଂଚାୟତ ର ଅନେକ ଚାଷୀ ଯୋଗ ଏହି କାର୍ଯ୍ୟକ୍ରମରେ ଯୋଗ ଦେଇଥିଲେ l ଲୋୟର ସୁକତେଲ ପ୍ରକଳ୍ପ ରେ ବଞ୍ଚିତ ହେଉଥିବା ପାଞ୍ଚଟି ପଂଚାୟତ ଅଧିବାସୀ ମାନେ ଉଦବେଗ ପ୍ରକାଶ କରିଥିଲେ l ଲୋଇସିଂହା ବ୍ଲକର  କିଛି ଅଞ୍ଚଳ କୁ ପ୍ରକଳ୍ପରେ ସାମିଲ୍ କରିଥିବା ବେଳେ ବାକି 5 ଟି ପଞ୍ଚାୟତ କୁ ବାଦ୍ ଦିଆ ଯାଇଛି। ବାଦ୍ ପଡିବା ଯୋଗୁଁ ଏହି ପଂଚାୟତ ର ଚାଷୀମାନେ ତୀବ୍ର ଅସନ୍ତୋଷ ପ୍ରକାଶ କରି ଏକ ଜରୁରୀ ବୈଠକ ଡାକିଥିଲେ l ଚାଷୀ ମାନଙ୍କ ଅଭିଯୋଗ ହେଉଛି ଯେ ଲୋୟର ସୁକତେଲ ର ପାଣି ଯଦି ଅନ୍ୟ ଜିଲ୍ଲାକୁ ଯାଉଛି ତା ହେଲେ ବଲାଙ୍ଗିର ବାସୀଙ୍କୁ ମିଳିବନି କାହିଁକି l ଏ ବିଷୟରେ ଆଲୋଚନା କରି ଆଗାମୀ ଦିନରେ ଆନ୍ଦୋଳନ କରିବାକୁ ଚେତାବନୀ ଦେଇଛନ୍ତି l ତା ସଙ୍ଗେ ସଙ୍ଗେ ଗୋଷ୍ଠୀ ଉନ୍ନୟନ ଅଧିକାରୀ, ଜିଲ୍ଲାପାଳ, ପ୍ରକଳ୍ପର ମୁଖ୍ୟ ଯନ୍ତ୍ରୀ ଙ୍କୁ ଭେଟିବା ସହ ଲିଖିତ ଆକାରରେ ଜଣାଇବାକୁ ସଭାରେ ସ୍ଥିରୀକୃତ କରାଗଲା l