02-Jul-2023

ବଲାଙ୍ଗିର,(ପ୍ରେରଣା ଖବର ): ବଲାଙ୍ଗିର ର ଅନ୍ୟତମ ସାଂସ୍କୃତିକ ଅନୁଷ୍ଠାନ  ଖୁସି କଲଚରାଲ ଓ ରିସର୍ଚ ଏକାଡେମୀ ର ବାର୍ଷିକୋତ୍ସବ  ସ୍ଥାନୀୟ ଟାଉନ ବାଳିକା ଉଚ୍ଚ ବିଦ୍ୟାଳୟ ପରିସରରେ ଅନୁଷ୍ଠିତ ହୋଇଯାଇଛି।ଅନୁଷ୍ଠାନ ର ସଭାପତି ପୂର୍ଣ୍ଣଚନ୍ଦ୍ର ତ୍ରିପାଠୀଙ୍କ ସଭାପତିତ୍ବ ରେ ଅନୁଷ୍ଠିତ ସାଂସ୍କୃତିକ ସଭାରେ ପୂର୍ବତନ ସାଂସଦ ତଥା ରାଜ୍ୟ ଗୃହ ନିର୍ମାଣ ନିଗମ ର  ଅଧ୍ୟକ୍ଷ କଳିକେଶ ନାରାୟଣ ସିଂହଦେଓ, ବଲାଙ୍ଗୀର ପୌର ପରିଷଦ ଅଧ୍ୟକ୍ଷା ଶ୍ରୀମତୀ ଲିକା ସାହୁ ଓ ନାଟ୍ୟଭୂଷଣ ଜଗଦାନନ୍ଦ ଛୁରିଆ  ବରେଣ୍ଯ ଅତିଥି ମର୍ଯ୍ୟାଦାରେ ଯୋଗଦେଇଥିଲେ।ସାମ୍ବାଦିକ ସନ୍ଦୀପ କୁମାର କୁଅଁର ଙ୍କ ମଂଚ ସଂଯୋଜନାର ଏହି କାର୍ଯ୍ୟକ୍ରମ ରେ ମଂଚ ଅଭିନେତା  ରାମ ପ୍ରସାଦ ଦାଶଙ୍କୁ ମାନପତ୍ର ଉପାୟନ ଦେଇ  ସମ୍ବର୍ଦ୍ଧିତ କରାଯାଇଥିବା ବେଳେ ଓଡିଶୀ ନୃତ୍ୟ ଶିଳ୍ପୀ ଅଭୀପସା  ସାହୁ,ପ୍ରୀତି ପଲ୍ଲବୀ ପଟନାୟକଙ୍କୁ ନୃତ୍ୟଜ୍ୟୋତି ସମ୍ମାନ ପ୍ରଦାନ କରାଯାଇଥିଲା।ଏହା ସହ ପ୍ରାରମ୍ଭିକ ସଂଗୀତର ଗୀତିକାର  କପିଳେଶ୍ଵର ଖମାରୀ , ନୃତ୍ୟ ଗୁରୁ ସୁଶ୍ରୀ ଜ୍ୟୋତିରେଖା ତ୍ରିପାଠୀ ଓ ଟାଉନ ବାଳିକା ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ନରେନ୍ଦ୍ରନାଥ ମିଶ୍ର ଙ୍କୁ ସମ୍ମାନିତ କରାଯାଇଥିଲା। ଶେଷରେ ଦେବାଶୀଷ ବାବୁ  ଧନ୍ୟବାଦ ଅର୍ପଣ କରିଥିଲେ। ପ୍ରାରମ୍ଭ ରେ ସ୍ବାଗତ ସଂଗୀତ ଗାନ କରିଥିଲେ ଜ୍ୟୋତିରେଖା,ଶର୍ମିଷ୍ଠା,ଅଲିଭା ଓ ଚିନ୍ମୟୀ। କାର୍ଯ୍ୟକ୍ରମ ରେ ଅତିଥିମାନଙ୍କ ସମେତ ସମସ୍ତ ଛାତ୍ରୀ ଓ ସମ୍ବର୍ଦ୍ଦିତ ପ୍ରତିଭାଙ୍କୁ ଗଛ ଉପହାର ଦେଇ ପରିବେଶ ପ୍ରତି ସଚେତନ ହେବାକୁ ଆହ୍ବାନ ଦିଆଯାଇଥିଲା।ପରେ ପରେ ଶ୍ରୀମତୀ ଶର୍ମିଷ୍ଠା ହୋତାଙ୍କ ମଂଚ ସଂଯୋଜନାରେ ଗୁରୁ ସୁଶ୍ରୀ ଜ୍ୟୋତିରେଖା ତ୍ରିପାଠୀଙ୍କ ନିର୍ଦେଶନାରେ  ଅନୁଷ୍ଠାନ ର ଛାତ୍ରୀମାନଙ୍କ ଦ୍ବାରା ଓଡିଶୀ ମଙ୍ଗଳାଚରଣ,ଓଡିଶୀ ଫ୍ୟୁଜନ,ଲୋକନୃତ୍ଯ ଓ ଅନ୍ଯାନ୍ଯ ନୃତ୍ୟ ପରିବେଷଣ କରାଯାଇଥିଲା।