02-Jul-2023

ବରଗଡ଼:-ବରଗଡ ଜିଲ୍ଲା ବିଜେପୁର ଗୋଷ୍ଠୀ ଶିକ୍ଷା କାର୍ଯ୍ଯାଳୟ ଅନ୍ତର୍ଗତ ବାରଗୋଡା ପ୍ରାଥମିକ ବିଦ୍ୟାଳୟରୁ ବରିଷ୍ଠ ଶିକ୍ଷକ ସପ୍ନେଶ୍ୱର ରଥ ଅବସର ଗ୍ରହଣ କରିଛନ୍ତି। ଏହି କ୍ରମରେ ଗ୍ରାମବାସୀଙ୍କ ପକ୍ଷରୁ ଏକ ସ୍ବତନ୍ତ୍ର କାର୍ଯ୍ୟକ୍ରମ ଆୟୋଜିତ ହୋଇଥିଲା।  ସହକାରୀ ଗୋଷ୍ଠୀ ଶିକ୍ଷା ଅଧିକାରୀ ଦିବାକର ବରିହା ମୁଖ୍ଯ ଅତିଥି ଭାବେ ଯୋଗଦେଇ ବରିଷ୍ଠ ଶିକ୍ଷକ ସପ୍ନେଶ୍ୱର ରଥଙ୍କୁ ପ୍ରୋଭିଜିନାଲ ପେନସନ କାଗଜପତ୍ର ଦେଇ ସମ୍ବର୍ଦ୍ଧିତ କରିଥିଲେ। ପରେ ଗ୍ରାମବାସୀଙ୍କ ପକ୍ଷରୁ ମାନପତ୍ର ଓ ଉପାୟନ ଦେଇ ଅବସରପ୍ରାପ୍ତ ଶିକ୍ଷକ ରଥଙ୍କୁ ସମ୍ବର୍ଦ୍ଧିତ କରିଥିଲେ। ସାନବାଉଁଶେନ ପଞ୍ଚାୟତର ସରପଞ୍ଚ ସୁଦାମ ଚନ୍ଦ୍ର ବାରିକଙ୍କ ଅଧ୍ଯକ୍ଷତାରେ ସହକାରୀ ଗୋଷ୍ଠୀ ଶିକ୍ଷା ଅଧିକାରୀ ପୂର୍ଣ୍ଣ ଚନ୍ଦ୍ର ପଧାନ ସମ୍ମାନୀତ ଅତିଥି ଭାବେ ଯୋଗଦେଇ ଥିଲେ। ଦୀର୍ଘ ୩୯ବର୍ଷ ଧରି ଶିକ୍ଷକତା କରିଥିବା ବରିଷ୍ଠ ଶିକ୍ଷକ ସପ୍ନେଶ୍ୱର ରଥଙ୍କ ଛାତ୍ରବତ୍ସଳତା, କର୍ତ୍ତବ୍ୟ ପରାୟଣତା, ଦାୟିତ୍ୱ ସଂପାଦନାରେ ଅଦମ୍ୟ ସାହସିକତା ତଥା ମେଳାପୀ ଗୁଣ ସଂପର୍କରେ ଉପସ୍ଥିତ ଶିକ୍ଷକ ଶିକ୍ଷୟିତ୍ରୀ ଆଲୋକପାତ କରିଥିଲେ। ତାଳପଦର ସି.ଆର.ସି.ସି ବାସୁଦେବ ପଧାନ ଉଦ୍ଦେଶ୍ଯ ଜ୍ଞାପନ କରିଥିଲେ। ସ୍ଥାନୀୟ ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ସୁଶିଲ କୁମାର ବାରିକ ଅତିଥି ପରିଚୟ ପ୍ରଦାନ କରିଥିଲେ। ସମାରୋହକୁ ଖୁବ୍ ଭାବପୂର୍ଣ୍ଣ ଭାବରେ ସଂଯୋଜନା କରିଥିଲେ ବଡବାଉଁଶେନ କ୍ଲଷ୍ଟର ସି ଆର.ସି.ସି ଦୁର୍ବାଦଳ ବଡଗୋଛିଆ। ଗୋଷ୍ଠୀ ଶିକ୍ଷା କାର୍ଯ୍ଯାଳୟର କିରାଣୀ   ବୁଦ୍ଧଦେବ ଦାଶ ଯୋଗଦେଇ ବରିଷ୍ଠ

ଶିକ୍ଷକ ରଥଙ୍କ ଉଦାର ବ୍ୟକ୍ତିତ୍ୱ ସଂପର୍କରେ ଆଲୋଚନା କରିଥିଲେ। ଶିକ୍ଷୟିତ୍ରୀ ରୀତା ଭୋଇ,ଶିକ୍ଷକ ବାଳକୃଷ୍ଣ ବାରିକ, କ୍ଷେତ୍ରମୋହନ ସାହୁଙ୍କ ସମେତ ସୀତାରାମ ଦୀପ, ରାଜେଶ୍ବର ବେହେରା, ନବୀନ କୁମାର ସାହୁ, ପ୍ରଭାତ ରଞ୍ଜନ ସାହୁ, ସୁଧାଂଶୁ ଶେଖର ଜାଲ, ଡୋଳାମଣି କୁମ୍ଭାର,ପ୍ରମୁଖ ସି.ଆର.ସି.ସି, ରୋସ୍ତମ ସାହୁ, ଆନନ୍ଦ ସାହା, ବାସୁଦେବ ପଧାନ, ରମେଶ ସାହୁ, ମୁରଲୀଧର ସାହୁ, ମୋହନ ବାରିକ, ଯୁଧିଷ୍ଠିର ସାହା, ନବୀନ ସାହୁ, କୁଳମଣି ବରିହା ପ୍ରମୁଖ ସ୍କୁଲ ପରିଚାଳନା କମିଟିର ସଦସ୍ଯଗଣ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ। ଶିକ୍ଷକ ସନ୍ତୋଷ ବାଗ ଧନ୍ଯବାଦ ଅର୍ପଣ କରିଥିଲେ। ପରେ ଗ୍ରାମବାସୀଗଣ ଭବ୍ୟ ଶୋଭାଯାତ୍ରାରେ ଅବସର ଗ୍ରହଣ କରିଥିବା ବରିଷ୍ଠ ଶିକ୍ଷକ ସପ୍ନେଶ୍ୱର ରଥଙ୍କୁ ତାଙ୍କ ବାସଭବନ ଯାଏ ପାଛୋଟି ନେଇ ତାଙ୍କର ସୁସ୍ଥ, ନୀରାମୟ ଜୀବନ କାମନା କରିଥିଲେ।