09-Jun-2023

କଳାହାଣ୍ଡି(ତ୍ରିନାଥ ବେଶ୍ରା )

 ନାଗରିକ ବିକାଶ ସଂଗଠନ, କଳାହାଣ୍ଡି ଦୀର୍ଘ ୮ ବର୍ଷ ଧରି ଜିଲ୍ଲାରେ ବିଭିନ୍ନ ସରକାରୀ ଯୋଜନାର ସଫଳ ରୂପାୟନ ନିମନ୍ତେ ଜନ ସଚେତନତା ମୂଳକ କାର୍ଯ୍ୟକ୍ରମ ମାନ କରିଆସୁଅଛୁ । ରାଜ୍ୟସ୍ତରୀୟ ଲୋକସଙ୍ଗଠନ ଓଡ଼ିଶା ଶ୍ରମଜୀବୀ ମଞ୍ଚ ଓ ମହିଳା ଶ୍ରମଜୀବୀ ମଞ୍ଚ ଓଡ଼ିଶା ପକ୍ଷରୁ ନିକଟରେ କରାଯାଇଥିବା ଫସଲ ସର୍ବେକ୍ଷଣ ଅନୁଯାୟୀ ଓଡ଼ିଶା ସରକାରଙ୍କ ରାଷ୍ଟ୍ରୀୟ କୃଷି ବିକାଶ ଯୋଜନା, ଅନ୍ତର୍ଗତ ରବି ଫସଲ ଚାଷୀଙ୍କ ଉପରେ ସକାରାତ୍ମକ ପ୍ରଭାବ ପକାଇଛି । ଓଡ଼ିଶାର ଗଜପତି,ବୌଦ୍ଧ,ନବରଙ୍ଗପୁର ଓ ଦେବଗଡ଼ ଜିଲ୍ଲାର ୧୩ ବ୍ଲକରେ ୪୦୦୩ ଜଣ ଚାଷୀଙ୍କୁ ନେଇ କରାଯାଇଥିବା ଏହି ସର୍ବେକ୍ଷଣରୁ ଜଣାପଡିଛି ଯେ, ରାଷ୍ଟ୍ରୀୟ କୃଷି ବିକାଶ ଯୋଜନା , କେବଳ ସ୍ଥାୟୀ କୃଷି ପଦ୍ଧତିକୁ ପ୍ରୋତ୍ସାହିତ କରିନାହି ବରଂ ଚାଷୀଙ୍କ ଆୟ ବୃଦ୍ଧି ସହିତ ମାଟିର ଉର୍ବରତାକୁ ବଜାୟ ରଖୁଛି ଏବଂ ସେମାନଙ୍କୁ ପୁଷ୍ଟିକର ଖାଦ୍ୟ ଯୋଗାଇବାରେ ମଧ୍ୟ ସାହାଯ୍ୟ କରୁଛି ।

ତେଣୁ ନାଗରିକ ବିକାଶ ସଂଗଠନ କଳାହାଣ୍ଡି ଜିଲ୍ଲାରେ ୧୧ ଗୋଟି ବ୍ଲକରେ ଯେଉଁ ଚାଷୀ ମାନେ ଖରିଫ ଚାଷ କଲାପରେ ୨ୟ ଫସଲ କରୁ ନାହାନ୍ତି ସେହି ଭଳି ଚାଷୀ ମାନଙ୍କୁ ଚିହ୍ନଟ କରି ସେମାନେ କିପରି ରବି ଫସଲ କରିବେ ସେଥିପାଇଁ ସଂଗଠନର କର୍ମକର୍ତ୍ତା ମାନେ,ସଂଗଠନ ନେତା ମାନେ, ଜିଲ୍ଲାସ୍ତରୀୟ Advocacy କମିଟିର ସଦସ୍ୟ ସଦସ୍ୟା ମାନେ ଏବଂ ଚାଷୀ ମାନେ  ସମସ୍ତେ ୫ଦିନ ଧରି ଜିଲ୍ଲାସ୍ତରରେ ଥିବା ବିଭିନ୍ନ ବିଭାଗୀୟ ଅଧିକାରୀ ମାନଙ୍କ ସହିତ ମିଟିଂ ମାଧ୍ୟମରେ ଆଲୋଚନା କରି ରବି ଫସଲ କରିବା ନିମନ୍ତେ  ଚାଷୀମାନେ ଠିକ ସମୟରେ ବିହନ ନ ପାଇବାର ସମସ୍ୟାର ସମାଧାନ ଏବଂ  ଚାଷ ପୋଖରୀ, ଖୋଲା କୂଅ ,ବଡ ବଡ ବନ୍ଧଗୁଡିକର ପୁନରୁଦ୍ଧାର, କେନାଲ ଗୁଡିକର ମରାମତି , ଉଠା ଜଳସେଚନ ପ୍ରକଳ୍ପ ଗୁଡିକୁ ମରାମତି ଓ ଚାଲୁ କରିବା , ନୂତନ ଚେକ ଡ୍ୟାମ ନିର୍ମାଣ, ଉଠା ଜଳସେଚନ ନିର୍ମାଣ ଓ ବ୍ୟକ୍ତିଗତ ବୋରୋୱେଲ ଗୁଡିକ ତୁରନ୍ତ ଯୋଗାଇ ଦେବା ନିମନ୍ତେ ବିଭାଗୀୟ ଅଧିକାରୀ ମାନଙ୍କ ସହିତ ଯେପରି.  DDA, DHA ,PD DRDA PA ITDA ,DPM  EXECUTIVE ENGINEER of Irrigation ଅଧିକାରୀ ମାନଙ୍କ ସହିତ ଆଲୋଚନା କରଯାଇଥିଲା ।  ତେଣୁ ଆଜି ସଂଗଠନର ସଦସ୍ୟ ସଦସ୍ୟା ମାନେ ଜିଲ୍ଲାପାଳ ମହୋଦୟାଙ୍କୁ ଏକ ଦାବିପତ୍ର ପ୍ରଦାନ କରଯାଇଥିଲା ।