07-Jun-2023

ଉଲୁଣ୍ଡା (ପ୍ରେରଣା ଖବର ): ବିଶ୍ବ ପରିବେଶ ଦିବସ ଅବସର ରେ ପ୍ରେରଣା ଇଣ୍ଟରନେସନାଲ ଗ୍ରୀନ ଆର୍ମି ପକ୍ଷରୁ ଆୟୋଜିତ ରାଜ୍ୟସ୍ତରୀୟ ବୃକ୍ଷପ୍ରେମୀ ସମାବେଶ ଓ ସମ୍ୱର୍ଦ୍ଧନା ଉତ୍ସବ ଜୟଦେବ ଭବନ ଭୁବନେଶ୍ୱର ଠାରେ ଅନୁଷ୍ଠିତ  ହୋଇଯାଇଅଛି। ଏହି ଅବସରରେ ଉଲୁଣ୍ଡା ବ୍ଲକ୍ ଅନ୍ତର୍ଗତ ମାଁ ଉମାଦେବୀ ଆଞ୍ଚଳିକ କଲେଜର  ଯୁବ ରେଡକ୍ରସ୍

କାଉନସିଲର ତଥା ଅଧ୍ୟାପକ ଉଦ୍ଧବ ପଧାନଙ୍କୁ ବୃକ୍ଷ ରୋପଣ ଓ ପରିବେଶ ସଚେତନତା କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ ମୁଖ୍ୟ ଅତିଥି ତଥା ପୂର୍ବତନ ମୁଖ୍ୟମନ୍ତ୍ରୀ ଦାମୋଦର ରାଉତ ମାନପତ୍ର ପ୍ରଦାନ କରି ସମ୍ମାନିତ

କରିଥିଲେ।ଏହି ସମାବେଶରେ ଅନୁଷ୍ଠାନର କମାଣ୍ଡାଣ୍ଟ ଇନ୍ ଚିଫ ଡ଼ଃ ଦିଲ୍ଲୀପ ଶ୍ରୀଚନ୍ଦନଙ୍କ ସଭାପତିତ୍ବରେ ଅନୁଷ୍ଠିତ ସଭାରେ , ସମ୍ମାନିତ ଅତିଥି ଭାବେ ବିଶ୍ବବ୍ୟାଙ୍କର ପରାମର୍ଶଦାତା କୁମରବର ଦାସ, ମେଜର କଳ୍ପନା ଦାଶ, ଡ଼ଃ ପ୍ରକାଶ ଶ୍ରୀଚନ୍ଦନ, କିଶୋର ଦ୍ଵିବେଦୀ,ରୋଟାରିଆନ୍ ବିଶ୍ଵ ମୋହନ ପଟ୍ଟନାୟକ, ଅଧ୍ୟାପିକା ଅନୁପମା ଚମ୍ପତିରାୟ, ଜୟଶ୍ରୀ ମଲ୍ଲିକ‌ ପ୍ରମୁଖ ଉପସ୍ଥିତ ଥିଲେ।