31-May-2023

ଲୋଇସିଂହା/ଆଗଲପୁର, (ବିନୋଦ କୁମାର ଦୀପ) ଲୋଇସିଂହା ନିର୍ବାଚନୀ ମଣ୍ଡଳୀ ଆଗଲପୁର ବ୍ଲକ ଅନ୍ତର୍ଗତ ବୁଦୁଲା କୃଷି ସେବା ସମବାୟ ସମିତି ରେ ନୂତନ କାର୍ଯ୍ୟାଳୟ ଉଦ୍ଘାଟିତ ହୋଇଯାଇଛି l ଏହି ଉଦ୍ଘାଟନୀ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ବଲାଙ୍ଗିର ଜିଲ୍ଲା କେନ୍ଦ୍ର ସମବାୟ ବ୍ୟାଙ୍କ ସଭାପତି ଶ୍ରୀଯୁକ୍ତ ସ୍ମାରକ ରଞ୍ଜନ ମିଶ୍ର ଯୋଗ ଦେଇଥିଲେ l ଶ୍ରୀ ସ୍ମାରକ ରଞ୍ଜନ ମିଶ୍ର ନଡିଆ ବାଡେଇ ଶୁଭ ଉଦ୍ଘାଟନ କରିଥିଲେ l ସମ୍ମାନନୀୟ ଅତିଥି ଭାବରେ ଜିଲ୍ଲା ଡିଆରସିଏସ ଶ୍ରୀମତୀ ଦମୟନ୍ତୀ ସିଂ, ସମବାୟ ବ୍ୟାଙ୍କ ନିର୍ଦ୍ଦେଶକ  ଭୁବନେଶ୍ୱର ଓଡ଼ିଶା ଶ୍ରୀଯୁକ୍ତ ଅକ୍ଷୟ କୁମାର ରାଉତ ଏବଂ ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ବଲାଙ୍ଗିର ଜିଲ୍ଲା କେନ୍ଦ୍ର ସମବାୟ ବ୍ୟାଙ୍କ୍ ଶ୍ରୀଯୁକ୍ତ ହରିଶ୍ଚନ୍ଦ୍ର ଦାସ୍ ଉପସ୍ଥିତ ଥିଲେ। ତା ସଙ୍ଗେ ସଙ୍ଗେ ସମିତିର ସଭାପତି ଶ୍ରୀଯୁକ୍ତ ଚିନ୍ତାମଣି ଭୋଇ,ଉପ ସଭାପତି ଶ୍ରୀମତୀ ରିନା ଦାସ ମଧ୍ୟ ଉପସ୍ଥିତ ଥିଲେ l ସମିତିର ସମସ୍ତ ନିର୍ଦ୍ଦେଶିକା ନିର୍ଦ୍ଦେଶକ ଯୋଗ ଦେଇଥିଲ, ସେମାନେ ହେଲେ ଶ୍ରୀମତୀ ପୁଷ୍ପଲତା ଭୋଇ, ଭାରତୀ ମହିଶାଲ, ସୁନୀତା ପାଧାନ୍,ଦାଫେ ବିଶ୍ଵାଳ, ଅସ୍ଵସ୍ଥମା ପଧାନ ଜୟଦେବ ସ୍ୱାଇଁ, ମଧୁ ପଧାନ, ନକୁଳ ସାହୁ, ଘଷିଆ କୁମ୍ଭାର,କୁଶ ସା, ପାଣୁ ସାହୁ ଓ ସମିତିର ସମ୍ପାଦକ ଶ୍ରୀଯୁକ୍ତ ଅଶ୍ଵିନୀ କୁମାର୍ ଗଡ଼ତୀଆ ଉପସ୍ଥିତ ରହି କାର୍ଯ୍ୟକ୍ରମରେ ପୂର୍ଣ୍ଣ ସହଯୋଗ କରିଥିଲେ l

ଡୁଡ଼ୁକା କୋ ଅପରେଟିଭ୍ ବ୍ୟାଙ୍କ୍ ର ନୂତନ ବ୍ୟାଙ୍କ୍ ମ୍ୟାନେଜର ଶ୍ରୀ ପ୍ରଶାନ୍ତ କୁମାର୍ ପଣ୍ଡା ସମ୍ବାନନୀୟ ଅତିଥି ଭାବରେ ଯୋଗଦେଇ ଥିଲେ l ସର୍ବ ପ୍ରଥମେ ସମସ୍ତ ଅତିଥି ମାନଙ୍କୁ ବାଜା ବଜେଇ ଫୁଲମାଳ ଦେଇ ସ୍ବାଗତ କରି ପାଛୋଟି ଅଣା ଯାଇଥିଲା l ସଭା ଆରମ୍ଭରେ ସମସ୍ତ ଅତିଥିଙ୍କୁ  ଉପ ଢଉକନ ଦେଇ ସମ୍ମାନିତ କରାଯାଇଥିଲା l ଏହି ଉଦ୍ଘାଟନୀ ସଭାକୁ ସମିତି ର ସଭାପତି ଶ୍ରୀ ଚିନ୍ତାମଣି ଭୋଇ ସଭାପତିତ୍ବ କରିଥିଲେ l ଉକ୍ତ ସଭାରେ ଶହ ଶହ ସଂଖ୍ୟାରେ ଗ୍ରାମବାସୀ ଓ ଚାଷୀମାନେ ଉପସ୍ଥିତ ରହି କାର୍ଯ୍ୟକ୍ରମ ରେ ସାମିଲ ହୋଇଥିଲେ l ସମସ୍ତ ଅତିଥିମାନେ ସମିତି ର ସଭାପତି ଶ୍ରୀ ଚିନ୍ତାମଣି ଭୋଇଙ୍କୁ ଖୁଵ ପ୍ରଶଂସା କରିଥିଲେ l ତାଙ୍କର ପ୍ରଚେଷ୍ଟା ରେ ଏକ ସୁନ୍ଦର ପରିବେଶ ଭରା କାର୍ଯ୍ୟାଳୟ ହୋଇଥିବାରୁ ସବୁ ଅତିଥି ତାଙ୍କୁ ଧନ୍ୟବାଦ୍ ଦେଇଥିଲେ l ସଭା ଶେଷରେ ସମିତି ରେ ଏକ ବୃକ୍ଷ ରୋପଣ କାର୍ଯକ୍ରମ ଅତିଥି ଙ୍କ ଦ୍ୱାରା କରା ଯାଇଥିଲା l ସଭାପତିଙ୍କ ଏପରି କାର୍ଯ୍ୟକୁ ଦେଖି ଅଞ୍ଚଳବାସୀ ସାଧୁବାଦ୍ ଜଣାଇଛନ୍ତି l