27-May-2023

ମୁରିବାହଲ (ସୁଦାମ ଚରଣ ବଘାର): ବଲାଙ୍ଗିର ଜିଲ୍ଲା ମୁରିବାହାଲ ବ୍ଲକ ର ଦଳିତ ମାନେ ନିର୍ଯାତିତ ହେଉଛନ୍ତି। ଏଭଳି ଅଭିଯୋଗ ନେଇ ଶୁକ୍ରବାର ଭିମ ଆର୍ମି, ଲକ୍ଷେଘଗିଆ ଗଣ୍ଡା ସମାଜ ଓ ଏଲଡିଏ ପରି ଦଳିତ ସଂଗଠନ ଗୁଡ଼ିକ ପକ୍ଷରୁ ମୁରିବାହାଲ  ଥାନା ଘେରାଉ କରାଯାଇଥିଲା। ଅନୁଷ୍ଠିତ ପ୍ରତି ବାଦ ସଭାରେ ଭୀମ ଆର୍ମି ମୁରିବାହାଲ ବ୍ଲକ ସଭାପତି ସୁରେନ୍ଦ୍ର ଛୁରା ସଭାପତିତ୍ୱ କରିଥିଲେ। ଏଲଡିଏ ପ୍ରତିଷ୍ଠାତା ଲବ ସୁନା, ମୁକେଶ ସୁନା, ବିରଭଦ୍ର ଛୁରା, ଚନ୍ଦ୍ରଧ୍ବଜ ଛୁରା, ହଳଦୀ ସମିତି ସଭ୍ଯ ଟୁନା ମଣି ମହାନନ୍ଦ ମୁରିବାହାଲ ପୁଲିସ ର କାର୍ଯ କଲାପ ଉପରେ ଅସନ୍ତୋଷ ପ୍ରକାଶ କରିଥିଲେ। ତେନ୍ତୁଳିଖୁଣ୍ଟି ର ଦଳିତ ମହିଳା ଭାନୁମତୀ ବାଗଙ୍କୁ ଗତ ୧୨ ତାରିଖରେ ଉକ୍ତ ଗ୍ରାମର ତିନି ଜଣ ଯୁବକ ଆକ୍ରମଣ କରି ଥିଲେ ମଧ୍ଯ ସେମାନଙ୍କୁ ଗିରଫ କରାଯାଇ ନାହିଁ, ସେହିପରି ରାଧାକୃଷ୍ଣ ମନ୍ଦିର  ନିକଟ ମୁରଲୀ ବାଗଙ୍କ ଘରୁ ଡକାୟତି ଘଟଣା, ସାଲେପଡା ର ସ୍ନେହଲତା ଦୀପକୁ ମାଡ ମାରିଥିବା ଅଭିୟୁକ୍ତ ଙ୍କ ବିରୁଦ୍ଦରେ ପୁଲିସ କାର୍ଯ୍ୟନୁଷ୍ଠାନ 

କରାନଯିବା ଘଟଣାକୁ  ସଭାରେ ନିନ୍ଦା କରାଯାଇଥିଲା। ପରେ ଏସପିଙ୍କ ଉଦ୍ଦେଶ୍ଯରେ ଏକ ଦାବୀ ପତ୍ର ଥାନା ଅଧୀକାରୀ କମଳ ଲୋଚନ ବେହେରାଙ୍କୁ ପ୍ରଦାନ କରାଯାଇଥିଲା। ତେନ୍ତୁଳିଖୁଣ୍ଟି ଘଟଣାରେ ମାମଳା ରୁଜୁ କରାଯାଇଛି ଏବଂ ଖୁବ ଶୀଘ୍ର କାର୍ଯ୍ୟ ନୁଷ୍ଠାନ ନିଆଯିବ ବୋଲି ଥାନାଧିକାରୀ ପ୍ରତିଶ୍ରୁତି ଦେଇଥିଲେ ସଭାରେ ରାଧାକାନ୍ତ ବାଗ, ଜଶୋବନ୍ତ ମହାନନ୍ଦ, ବଚନ ହରପାଲ ସହ ବହୁ ସଂଖ୍ଯା ରେ ଲୋକେ ସାମିଲ ଥିଲେ।