16-May-2023

ବଲାଙ୍ଗୀର(ଦେବାଶିଷ ବହିଦାର): ବଲାଙ୍ଗୀର ଜ଼ିଲ୍ଲା ଭାରତୀୟ ଜନତା ପାର୍ଟି ର ଅନୁସୂଚିତ ଜାତି (ଏସ୍ .ସି ) ମୋର୍ଚ୍ଚlର ପ୍ରଥମ ଜ଼ିଲ୍ଲା କାର୍ଯ୍ୟକାରିଣୀ ବୈଠକ ବଲାଙ୍ଗୀର  ସାମ୍ବାଦିକ ଭବନ ଠାରେ ଅନୁଷ୍ଠିତ ହୋଇ ଯାଇଛି I

 ଭାରତୀୟ ଜନତା ପାର୍ଟି ଅନୁସୂଚିତ ଜାତି (ଏସ୍ .ସି) ମୋର୍ଚ୍ଚlର ଜ଼ିଲ୍ଲା ସଭାପତି ଦଶମୁ ସୁନାକରଙ୍କ ସଭାପତିତ୍ୱରେ ଅନୁଷ୍ଠିତ କାର୍ଯ୍ୟକାରିଣୀ ବୈଠକରେ ବଲାଙ୍ଗୀର ସାଂସଦ ସଂଗୀତା କୁମାରୀ ସିଂଦେଓ ମୁଖ୍ୟ ଅତିଥି ରୂପେ ଯୋଗ ଦେଇ କାର୍ଯ୍ୟକାରିଣୀ ବୈଠକକୁ ଉଦଘାଟନ କରିବା ସହ କେନ୍ଦ୍ର ସରକାର ଦଳିତ ମାନଙ୍କ ପାଇଁ କିପରି ବିଭିନ୍ନ ଯୋଜନା କରା ଯିବ ସହ ବିକାଶ ଦିଗରେ ମୋଦି ସରକାରରେ ୯ ଜଣ ଦଳିତଙ୍କୁ  ମନ୍ତ୍ରୀ ରୂପେ ଦାୟିତ୍ୱ ଦିଆଯାଇଛି,  ସେ ଉପରେ ଉଦବୋଧନ ଦେଇଥିଲେ  l
 ଅନ୍ୟତମ ଅତିଥି ଭାବରେ ମହିଳା ମୋର୍ଚ୍ଚାର ଜ଼ିଲ୍ଲା ସଭାପତି  ପଙ୍କଜିନୀ ପଣ୍ଡା, କୃଷକ ମୋର୍ଚ୍ଚାର ଜ଼ିଲ୍ଲା ସଭାପତି ମାଧବ ସାଏ, ଜ଼ିଲ୍ଲା ପାରିଷଦ ସଭ୍ୟ ଶିବଦତ୍ତ ମିଶ୍ର, ମହିଳା ନେତ୍ରୀ ଆରତୀ ଗୁରୁ, ଧୂବଲେଶ୍ଵର ଲୁହା, ପ୍ରମୁଖ ଉପସ୍ଥିତ ରହି କାର୍ଯ୍ୟକାରିଣୀ ଉଦେଶ୍ୟ, ଦଳିତ ବିକାଶ, ୨୪ ବର୍ଷ ବିଜୁ ଜନତା ଦଳ ସରକାରରେ ହରିଜନ ଓ ଆଦିବାସୀ ପ୍ରତି ଅବହେଲା ସହ ଜ଼ିଲ୍ଲାରେ ଦାଦନ ସମସ୍ୟା ଉପରେ ଆଲୋକପାତ  କରିଥିଲେ I
      ଏହି କାର୍ଯ୍ୟକ୍ରରେ ବଲାଙ୍ଗୀର ଜ଼ିଲ୍ଲାର ୧୪ ଗୋଟି ବ୍ଲକ ଓ ପୌରପାଳିକାର  କର୍ମକର୍ତ୍ତା ମାନେ ଉପସ୍ଥିତ ରହି ଥିଲେ I ଉକ୍ତ କାର୍ଯ୍ୟକାରିଣୀରେ ଆଗାମୀ ଦିନରେ କେନ୍ଦ୍ର ସରକାରଙ୍କ ଜନହିତକର ଯୋଜନା ଗୁଡିକ ପ୍ରତେକ ପରିବାର ପାଖକୁ ପହଁଚିଵା ଉପରେ ନିଷ୍ପତି ଗ୍ରହଣ କରା ଯାଇଥିଲା l ବଲାଙ୍ଗୀର ଜ଼ିଲ୍ଲା ସାଧାରଣ ସମ୍ପାଦକ ଶ୍ରୀବତ୍ସ ବେହେରାଙ୍କ ସଂଯୋଜନା ରେ ଦୀନେଶ ଶର୍ମା, ସଂଜୁ ନାୟକ, ସୌଦାମିନୀ ମିଶ୍ର ଗୁଳାପି ତରିଆ, ରାଜକୁମାର କଲେତ, ଘନଶ୍ୟାମ ନନ୍ଦ. ନବୀନ ନନ୍ଦ, ରଶ୍ମି ରେଖା ଦାନୀ ପ୍ରମୁଖ ସହଯୋଗ କରିଥିଲେ l ଏସ, ସି ମୋର୍ଚାର ର ଜ଼ିଲ୍ଲା ସାଧାରଣ ସମ୍ପାଦକ ପ୍ରେମାନନ୍ଦ ବାଗ ଧନ୍ୟବାଦ ଅର୍ପଣ କରିଥିଲେ