20-Apr-2023

ବେଲପଡା(ପୂର୍ଣ ଶଶୀ ଶେଖର ରାଓ ): ଓଡ଼ିଶା ସରକାରଙ୍କ ପ୍ରମୁଖ ଶାସନ ସଚିବ ସଞ୍ଜୀବ କୁମାର ଚଢ଼ା ବଲାଙ୍ଗିର ଜିଲ୍ଲା ବେଲପଡ଼ା ବ୍ଲକର ଧୂମାଭଟ୍ଟା ଓ କାନୁଟ ଗ୍ରାମର ଚାଷ କ୍ଷେତ୍ର ପରିଦର୍ଶନ କରିଛନ୍ତି l ତାଙ୍କର ଏହି ଗସ୍ତ ସମୟରେ ଧୂମାଭଟl ରେ ସର୍ବାଧିକ ଆୟ ହଉଥିବା ତରଭୁଜ ଚାଷ ଜମିକୁ ଯାଇବୁଲି ଦେଖି ଚାଷୀ ମାନଙ୍କ ସହ ଆଲୋଚନା କରିଥିଲେ l ଗତ ଅଦିନିଆ ବର୍ଷାରେ କୁଆପଥର ମାଡରେ ତରଭୁଜ ଚାଷ ନଷ୍ଟ ହୋଇଥିବା ତଥା ବଜାର ସୁବିଧା ନଥିବାରୁ ଚାଷୀ କ୍ଷତି ସହୁଥିବା ଚାଷୀ ମାନଙ୍କ ଠାରୁ ଶୁଣି ଥିଲେ l ଚାଷୀ ମାନେ ସଚିବଙ୍କୁ କ୍ଷୟକ୍ଷତି ମିଲିବ ପାଇଁ ଅନୁରୋଧ କରିଥିଲେ l ବେଳପଡ଼ାରେ ତରଭୁଜ ସଂରକ୍ଷଣ ପାଇଁ ଗୋଦାମ ଗୃହ ଓ ଶୀତଳ ଭଣ୍ଡାର ନିର୍ମାଣ କରାଯିବ ବୋଲି ଚାଷୀ ମାନଙ୍କୁ ଆଶ୍ୱାସନା ଦେଇଥିଲେ l ପରେ ସଚିବ କlନୁଟ ଗ୍ରାମର ମୋଡେଲ ସଫଳ ଚାଷୀ ରଙ୍ଗାଧର ପଧାନଙ୍କ ଫାର୍ମ ହାଉସକୁ ଯାଇଥିଲେ । ସେଠାରେ ସଚିବଙ୍କୁ ଭବ୍ୟ ସମ୍ବର୍ଦ୍ଧନା ଦିଆଯାଇଥିଲା l ୧୭ ଏକର ପରିମିତ ଉଦ୍ୟାନ ମଧ୍ୟରେ ମାଛ; କୁକୁଡ଼ା(କଡକ ନାଥ) ପିଆଜ ସଂରକ୍ଷଣ,  ପରିବା ଚାଷ ସହ ବିଭିନ୍ନ ପ୍ରଜାତି ର ଆମ୍ବ ବଗିଚା ଦେଖି ସଚିବ ଖୁସି ହୋଇ ସଫଳ ମୋଡେଲ ଚାଷୀ ଭାବରେ ନିଆଯିବ ବୋଲି କହିଥିଲେ l ଚାଷୀ ମାନଙ୍କ ସହ ଆଲୋଚନା କରି  ଅଞ୍ଚଳରେ କପା ଚାଷ ବହୁ ପରିମାଣରରେ ହେଉଥିବା ଜାଣି ଭବିଷ୍ୟତରେ ଏକ ଜିନିଂ ମିଲ୍ କରିବା ପାଇଁ ପ୍ରସ୍ତାବ ରହିଛି ବୋଲି କହିଥିଲେ l ସଚିବଙ୍କ ଗସ୍ତ ସମୟ ରେ  ବି ଡି ସି ସି ବ୍ୟାଙ୍କ୍ ସଭାପତି ସ୍ମାରକ ମିଶ୍ର, ସମ୍ପାଦକ  ବି ଡି ସି ସି  ହରିଶ୍ ଚନ୍ଦ୍ର ଦାସ, ଡିଆ ସିଏସ ଦମୟନ୍ତୀ ସିଂ, ଟଙ୍କଧର ନାଏକ (ଏ ଆର୍ ସି ଏସ୍ ପାଟଣାଗଡ) ସୌମ୍ୟରଞ୍ଜନ ପଟ୍ଟନାୟକ ଉଦ୍ୟାନବିଡ ଵେଲପଡ଼l ପ୍ରମୁଖ ଉପସ୍ଥିତ ରହିଥିଲେ l