22-Mar-2023

ବଲାଙ୍ଗିର (ପ୍ରେରଣା ଖବର ): ଜିଲ୍ଲାସ୍ତରୀୟ ଲୋକ ସଂଗଠନ ବଲାଙ୍ଗିର ଶାଖା ପକ୍ଷରୁ ବଲାଲଙ୍ଗିର ବ୍ଲକର ୧୩ ଗୋଟି  ଗ୍ରାମପଞ୍ଚାୟତ ର ୬୦ଗୋଟି ଗାଁ ରେ ସୁରକ୍ଷିତ ପାନୀୟ ଜଳ ର ଉପଲବ୍ଦତା, ବାସ୍ତବତା, ଏବଂ ଜଳର ଗୁଣବତ୍ତା  ଊପରେ ଆକଳନ କରି ଏକ ତଥ୍ୟ ସଂଗ୍ରହ କରାଯାଇଥିଲା l ଅଙ୍ଗନବାଡି କେନ୍ଦ୍ର ର ଭିତ୍ତିଭୂମି,  ସିସି ରାସ୍ତା ଏବଂ ଡ୍ରେନ  ସମସ୍ୟା ଅତି ଦୟନୀୟ ଅବସ୍ଥାରେ ଅଛି, ପୁଣି ଆଗକୁ ଗ୍ରୀଷ୍ମ ୠତୁ ଆସୁଛି l
     ତେଣୁ ସଂଗଠନ ଏହାର ଆଶୁ ସମାଧାନ ନିମନ୍ତେ ଓଡିଶା ମୁଖ୍ୟମନ୍ତ୍ରୀଙ୍କୁ ବଲାଙ୍ଗିର ବ୍ଲକ ଗୋଷ୍ଟୀ ଉନ୍ନୟନ ଅଧିକାରୀଙ୍କ ଜରିଆରେ ଶାନ୍ତିପୂର୍ଣ୍ଣ ଶୋଭାଯାତ୍ରା ଯାତ୍ରା ମାଧ୍ୟମରେ ଏକ ଦାବୀ ପତ୍ର ପ୍ରଦାନ କରାଯାଇଥିଲା l
  ବଲାଙ୍ଗିର ସଦର ପଂଚାୟତ ସମିତି କାର୍ଯାଳୟ ରେ ପହଂଚି, ମାନ୍ୟବର ମୁଖ୍ୟମନ୍ତ୍ରୀ ଙ୍କ ଉଦ୍ଦେଶ୍ଯରେ  ଦାବୀପତ୍ର ପ୍ରଦାନ କରାଯାଇଥିଲା l ପ୍ରତି ଘରେ ସ୍ଵଚ୍ଛ ପିଇବା ପାଣି ବ୍ୟବସ୍ଥା , କିଶୋରୀ ବାଳିକା ମାନଙ୍କ ପାଇଁ ପୋଷଣ ଯୋଜନା ,ପ୍ରତ୍ୟେକ ଅଙ୍ଗନୱାଡି କେନ୍ଦ୍ର ରେ  ଆବଶ୍ୟକ ଭିତ୍ତିଭୂମି ନିର୍ମାଣ ,ବାର୍ଦ୍ଧକ୍ୟ ଓ ବିଧବା ଭତ୍ତା ବୃଦ୍ଧି ଆଦି ଦାବିରେ  ଲୋକ ସଂଗଠନ ପକ୍ଷରୁ ଏକ ଶୋଭାଯାତ୍ରା ବଲାଙ୍ଗିର ସଦର ବ୍ଲକ ରେ ପହଞ୍ଚି ଥିଲା l ଏହି ଶୋଭାଯାତ୍ରା ରେ ଲୋକ ସଂଗଠନ ର ବହୁ ସଭ୍ଯ ସଭ୍ୟା ଓ କର୍ମକର୍ତ୍ତା ସାମିଲ ହୋଇଥିଲେ l