22-Mar-2023

ବୀରମହାରାଜପୁର,( ବିନୋଦ ପାଣ୍ଡେ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ହିଲୁଙ୍ଗ ସେବା ସମବାୟ ସମିତି ପରିସରରେ କୃଷି ଋଣ ସଚେତନ ମେଳା ଅନୁଷ୍ଠିତ ହୋଇଯାଇଛି l କୃଷି ସମବାୟ ସମିତି ସଭାପତି ଯୋଗୀନ୍ଦ୍ର ମିର୍ଦ୍ଧା ଙ୍କ ସଭାପତିତ୍ବ ରେ ଆୟୋଜିତ ସଭାରେ ବୀରମହାରାଜପୁର ବ୍ଲକ ଅଧ୍ୟକ୍ଷା ଶାନ୍ତି ଲୁହା ଯୋଗ ଦେଇ ପ୍ରଦୀପ ପ୍ରଜ୍ବ୍ୟୋଳନ କରିଥିଲେ l ଏଠାରେ ଆୟୋଜିତ ସଭାରେ ବ୍ଲକ ଉପାଧ୍ୟକ୍ଷ ନାରାୟଣ ଲୁହା, ପୂର୍ବତନ ବ୍ଲକ ଅଧ୍ୟକ୍ଷ ସନ୍ତୋଷ ଭୋଇ,ବି. ଡ଼ି ସି ସି ବ୍ୟଙ୍କ ମେନେଜର ରଞ୍ଜନ ମିଶ୍ର , ଏ ଆର ସି ଏସ ଗଜେନ୍ଦ୍ର ପଣ୍ଡା ଯୋଗ ଦେଇ ଏକ ଲକ୍ଷ ଟଙ୍କା ପର୍ଯ୍ୟନ୍ତ ବିନା ସୁଧ ରେ ଋଣ ରାଜ୍ୟ ସରକାର ଯୋଗାଇ ଦେଉଥିବାର ପ୍ରକାଶ କରିଥିଲେ , ବରିଷ୍ଠ ଚାଷୀ ପ୍ରକାଶ ହୋତା, ହିଲୁଙ୍ଗ ସରପଞ୍ଚ ବନିତା ସେଠି ସମିତି ସଭ୍ୟ ଶୈଳ ରଞ୍ଜନ ବାଦୀ, ଚାଷୀ କିଶୋର ହୋତା, ରତ୍ନ ଗୋପାଳ ସିଂ, କୋମଲ ଲୋଚନ ସିଂ,ଖାନାପୁରୀ ଗାଈଗାରିଆ,ସୁରେଶ କଳତା,ସମସ୍ତ ପେକ୍ସ ଡାଇରେକ୍ଟର ମଞ୍ଚାସୀନ ଥିଲେ l ଉକ୍ତ କାର୍ଯ୍ୟକ୍ରମ ରେ ଋଣ ପରିଶୋଧ କରିଥିବା ଚାଷୀ ମାନଙ୍କୁ ପୁଷ୍ପମାଲ୍ୟ ଓ ଉପଢୌକନ ଦେଇ ସମର୍ଦ୍ଧନା ଦିଆଯାଇଥିଲା l ହିଲୁଙ୍ଗ ସେବାସମବାୟ ସମିତି ସମ୍ପାଦକ ହାରଧନ ବେହେରା, ସହ ସମ୍ପାଦକ ବୁଲୁ ସାହୁ, ଅବନୀ ମହାକୁର ପ୍ରମୁଖ ସହଯୋଗ କରିଥିଲେ l ସ୍ୱୟଂ ସହାୟକ ଗୋଷ୍ଠୀ ର ମହିଳାଙ୍କ ସମେତ ବହୁ ଚାଷୀ ଯୋଗଦେଇଥିଲେ l