28-Dec-2022

ବିନିକା(ହିମାଂଶୁ ଶେଖର ପୁଟେଲ)ବିନିକା ସିଦ୍ଧାର୍ଥ ଡିଗ୍ରୀ କଲେଜ ଜାତୀୟ ସେବା ଯୋଜନା ତରଫରୁ ସ୍ଥାନୀୟ ଜବଦା ଗ୍ରାମରେ ସପ୍ତାହ ବ୍ୟାପୀ ଚାଲିଥିବା ଶୀତକାଳୀନ ସେବା ଶିବିର ବୁଧବାର ଉଦଯାପିତ ହୋଇଯାଇଛି ।ପ୍ରୋଗ୍ରାମ ଅଧିକାରୀ ତଥା ଅଧ୍ୟାପକ ହରିଶ୍ଚନ୍ଦ୍ର ହୋତାଙ୍କ ପ୍ରତେକ୍ଷ୍ୟ ତତ୍ତ୍ଵାବଧାନରେ ଅନୁଷ୍ଟିତ ଏହି ଶିବିରରେ ୫୦ଜଣ ସ୍ବେଚ୍ଛାସେବୀ ଯୋଗଦେଇ ବିଭିନ୍ନ ଦିବସରେ ସ୍ୱଚ୍ଛ ଭାରତ,ବେଟି ପଡ଼ାଅ ବେଟି ବଚାଅ,ତମାଖୁ ବର୍ଜନ ଆଦି କାର୍ଯ୍ୟକ୍ରମ କରାଯାଇ ଲୋକଙ୍କୁ ସଚେତନ କରାଯାଇଥିଲା ।କଲେଜ ଅଧ୍ୟକ୍ଷ ଡ଼.ଧୀରେନ୍ଦ୍ର କୁମାର ନାୟକଙ୍କ ସଭାପତିତ୍ବରେ ଅନୁଷ୍ଠିତ ଉଦଯାପନୀ ସମାରୋହରେ ବିନିକା ବିଡ଼ିଓ ବ୍ୟାସଦେବ ବେହେରା ମୁଖ୍ୟଅତିଥି,ସଂସ୍କୃତ ଗବେଷକ ଡଃ ଅନିରୁଦ୍ଧ କୁରକୁରିଆ ମୁଖ୍ୟବକ୍ତା ଭାବେ ଯୋଗଦେଇ ସ୍ବେଚ୍ଛାସେବୀ ମାନଙ୍କୁ ପ୍ରମାଣପତ୍ର ବଣ୍ଟନ କରି ଉତ୍ସାହିତ କରିଥିଲେ ।ଏହି ଅବସରରେ କଲେଜ ତରଫରୁ ଡ଼ଃ କୁରକୁରିଆଙ୍କୁ ମାନପତ୍ର ଓ ଉପଢ଼ୌକନ ଦେଇ ସମ୍ବର୍ଦ୍ଧିତ କରାଯାଇଥିଲା । ସଭାମଞ୍ଚକୁ ଅଧ୍ୟାପକ ଭଗବାନ ସାହୁ ପରିଚାଳନା କରିଥିବା ବେଳେ ଶେଷରେ ଇତିହାସ ବିଭାଗ ଅଧ୍ୟାପକ ଗୋପାଳ କୃଷ୍ଣ ଦାଶ ଧନ୍ୟବାଦ ଅର୍ପଣ କରିଥିଲେ ।