26-Dec-2022

ବଲାଙ୍ଗିର(ପ୍ରେରଣା ଖବର) ସ୍ଥାନୀୟ ମିନା ଟେଣ୍ଟ ହାଉସ, ପେଲେସଲାଇନ ଠାରେ ମିନା ଟେଣ୍ଟ ଙ୍କ ସହଯୋଗ କ୍ରମେ ଜିଲ୍ଲା ସହରାଞ୍ଚଳ ପ୍ରାଥମିକ କେନ୍ଦ୍ର ତଥା ଓଡିଶା ସରକାରଙ୍କ ପରିବାର କଲ୍ୟାଣ ଓ ଜାତୀୟ ସ୍ୱାସ୍ଥ୍ୟ ମିଶନ- ସ୍ୱାସ୍ଥ୍ୟ ଆରୋଗ୍ୟ କେନ୍ଦ୍ର ତରଫରୁ ଏକ ଅଣସଂକ୍ରମଣ ସ୍ୱାସ୍ଥ୍ୟ ଶିବିରର ଆୟୋଜନ କରାଯାଇଥିଲା ଯେଉଁଠି ସହର ମଧ୍ୟରେ ଥିବା ବିଭିନ୍ନ ବର୍ଗର ବ୍ୟକ୍ତିବିଶେଷ ଏଠି ତାଙ୍କ ସାଧାରଣ ସ୍ୱାସ୍ଥ୍ୟ ପରୀକ୍ଷା ମାନ ଯଥା, ଉଚ୍ଚ ଓ ନିମ୍ନ ରକ୍ତଚାପ, ମଧୁମେହ, ସଠିକ ଉଚ୍ଚତା, ଓଜନ ଓ ବିଶେଷ ଭାବରେ କ୍ୟାନ୍ସର, ଭଳି ମାରାତ୍ମକ ବ୍ୟାଧି କୁ ଚିହ୍ନଟ କରି ତାଙ୍କ ପାଇଁ ଉଚିତ ପରାମର୍ଶ ଓ ଉପଯୁକ୍ତ ନିର୍ଦ୍ଧାରିତ ସ୍ଥାନ କୁ ପ୍ରେରଣ କରାଇବାକୁ ପରାମର୍ଶ ଦିଆଯାଇଥିଲା l ଉପରୋକ୍ତ ଶିବିରରେ ସର୍ବମୋଟ  ୧୭୦ ରୁ ଊର୍ଧ୍ଵ ଜନସାଧାରଣ ଆସି ନିଜର ସ୍ୱାସ୍ଥ୍ୟ ପରୀକ୍ଷା କରାଇ ଥିଲେ ଓ ସଠିକ ଔଷଧ ଗ୍ରହଣ କରିଥିଲେ l
ଉପରୋକ୍ତ ଶିବିର ଏକ  ଉପଯୋଗୀ ଶିବିର ଯେଉଁଠି ଆମ  ଅଂଚଳର ବ୍ୟକ୍ତିବିଶେଷ ସ୍ୱାସ୍ଥ୍ୟ ପ୍ରତି ସାମାନ୍ୟ ସତର୍କତା ଅବଲମ୍ବନ କଲେ ଅନେକ ଗୁରୁତର ବ୍ୟାଧି ରୁ ମୁକୁଳି ଯାଇ ପାରିବେ ବୋଲି ସ୍ୱାସ୍ଥ୍ୟ ଶିବିର ରେ ଡା. ଦିବ୍ୟ କିଶୋର ପତି ( ADMO PH) ଓ  ଶ୍ରୀ ରାମାନୁଜ ପଣ୍ଡା APM(NHM) ଜଣାଇ ଥିଲେ l ପେଲେସଲାଇନ ଦୁର୍ଗା ମଣ୍ଡପ ର ଅନେକ ସଦସ୍ୟ ତାଙ୍କ ନିଜ ସ୍ୱାସ୍ଥ୍ୟ କୁ ପରୀକ୍ଷା କରିବାରେ ସଫଳ ହୋଇ ପାରିଥିବା ହେତୁ ଓ ଆସନ୍ତା ଦିନରେ ଏଭଳି ସ୍ୱାସ୍ଥ୍ୟ

ଚିକିତ୍ସାକୁ ଆହୁରି ବ୍ୟାପକ କରାଯିବା ଆବଶ୍ୟକ ବୋଲି ସଂଘ ତରଫରୁ ମତ ପ୍ରକାଶ ପାଇଥିଲା l ଉକ୍ତ ଶିବିରରେ ସତ୍ୟ ରଞ୍ଜନ ମିଶ୍ର ଓ ରବି ରଞ୍ଜନ ପୂଜାରୀ( ନିର୍ଦ୍ଦେଶକ, ଚେୟାରମେନ ପିସ ୟୁନିସନ ) ଯୋଗଦାନ କରି ଏହିଭଳି ଅନେକ ଶିବିର ଆୟୋଜନ ପାଇଁ ନିଜ ମତ ପ୍ରକାଶ କରିଥିବା ବେଳେ, ସ୍ୱାସ୍ଥ୍ୟ କେନ୍ଦ୍ର ର ମେଡିକାଲ ଅଫିସର ଡା. ଆଶିଷ ବିଶ୍ୱାସ,ଜାତୀୟ ସ୍ୱାସ୍ଥ୍ୟ ମିଶନର ସହଯୋଗୀ ମେନେଜର ରାମାନୁଜ ପଣ୍ଡା ଯୋଗଦାନ କରି ଏହି ସ୍ୱାସ୍ଥ୍ୟ ପରୀକ୍ଷାର ବିଶେଷତ୍ୱ ସମ୍ପର୍କରେ ସଭିଙ୍କୁ ସୂଚନା ଦେଇଥିଲେ l
ଉପରୋକ୍ତ ଶିବିରରେ ଡା. ସଂଧ୍ୟା ରାଣୀ ବିଶ୍ୱାସ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ର, ଶାସ୍ତ୍ରୀ ନଗର ର ସୁଶ୍ରୀ ରେଖା ଅଗ୍ରୱାଲ ଡାଟା ମ୍ୟାନେଜର ସୁଶ୍ରୀ ରୋନି ବଗର୍ତି (ଫାର୍ମାସିଷ୍ଟ ), ଶ୍ରୀମତୀ ମାମି ସିଂଦେଓ, ଶ୍ରୀମତୀ ରୋଜାଲିନା ହୋତା (ନର୍ସିଂ), ଶ୍ରୀମାନ ସତ୍ୟବ୍ରତ ପଧାନ (ଏଲ୍ ଟି), ମଣିଭଦ୍ର ସାହୁ , ଅଞ୍ଜଳୀ ନାଗ, ବିପିନ ବିହାରୀ ସେଟ,ଦାଶରଥି ପଧାନ ଇତ୍ୟାଦି ଙ୍କ ସହ ମିନା ଟେଣ୍ଟ ହାଉସ ର ସଭ୍ୟ ଗଣ ଏହି ଅଣସଂକ୍ରମଣ ସ୍ୱାସ୍ଥ୍ୟ ଶିବିରକୁ ସଫଳ କରାଇବାରେ ସହାୟକ ହୋଇଥିଲେ l