26-Dec-2022

ବିନିକା(ହିମାଂଶୁ ଶେଖର ପୁଟେଲ)ବିନିକା ବ୍ଳକ ଅନ୍ତର୍ଗତ ସିନ୍ଦୂରପୁର-ବିଶାଲପାଲି ମାଇନର କେନାଲ ଆଡ଼ିରେ ପୋତା ଯାଇଥିବା ୨୫ଗୋଟି ଖମ୍ବରୁ ୧୧କେଭି ବିଦ୍ୟୁତ ତାର ଚୋରି ହୋଇଥିବା ଜଣାପଡିଛି । ଖବର ନେବାରୁ ଜଣାପଡିଛି ଯେ ଲିଫ୍ଟ ଇରିଗେସନ ପାଇଁ ବ୍ୟବହୃତ ହେଉଥିବା ୨୫ଗୋଟି ଇଲେକ୍ଟ୍ରି ପୋଲ ଭାଙ୍ଗି ସେଥିରେ ଟଣା ଯାଇଥିବା ୧୧କେଭି ବିଦ୍ୟୁତ ତାର ଗୁଡିକ ଗତକାଲି ରାତିରେ ଦୁର୍ବୃତ୍ତ ମାନେ ଚୋରିକରି ନେଇ ଯାଇଛନ୍ତି।ପ୍ରକାଶ ଯୋଗ୍ୟ ବର୍ତମାନ ରବି ଚାଷ ପାଇଁ ଚାଷୀ  ଜମିକୁ କାଦୁଅ ସରସର କରି ବିହନ ଧାନ(ତଳି) ପକାଇ ସାରିଥିବା ବେଳେ ଆଗକୁ ପାଣି ପାଇଁ ନିତ୍ୟାନ୍ତ ଦରକାର ହେଉଥିବାରୁ  ଚାଷୀ ମୁଣ୍ଡରେ ଚଡକ ପଡିଛି ।କାରଣ ବିନା ପାଣିରେ ଧାନ ତଳି ନଷ୍ଟ ହେବାର ଆଶଙ୍କା ରହିଛି। ଏହି ୧୧କେଭି ବିଦ୍ୟୁତ ଲାଇନ ଦ୍ୱାରା ସିନ୍ଦୁରପୁର,ଚେରୁପାଲି,ମଣିଗାଁ, ଗଣେଶପୁର,ଅରିଗାଁ ଓ ଆଖିଦାଦର ଆଦି ଗ୍ରାମର ସମୁଦାୟ ୬୦ ରୁ ୭୦ଗୋଟି ଲିଫ୍ଟ ଇରିଗେଶନ ପଏଣ୍ଟ ଚାଲୁଛି।ଯାହାକି ୫ହଜାରରୁ ୬ହଜାର ଏକର ରବି ଧାନ ଚାଷ ହେଉଛି। ଚୋରୀ ସମ୍ପର୍କରେ ଅଞ୍ଚଳର ଚାଷୀମାନେ ବିନିକା ଯାଇ ବିଦ୍ୟୁତ ବିଭାଗ ଏସଡ଼ିଓ ଙ୍କୁ ଉକ୍ତ ବିଷୟରେ ଜଣାଇବାରୁ ଏସଡ଼ିଓ ମହାଶୟ ଉପରିସ୍ଥ ଅଫିସରଙ୍କୁ ଜଣାଇ ଶୀଘ୍ର ଚାଷୀ ମାନକୁ ବିଦ୍ୟତ ସଂଯୋଗ କରାଯିବ ବୋଲି ପ୍ରତିଶ୍ରୁତି ଦେଇଛନ୍ତି ।ତେବେ ଦେଖିବାକୁ ବାକି ରହିଲା ଚାଷୀଙ୍କ ଦୁଃଖ  ସମାଧାନ ହେବ ନା ଚାଷୀ କ୍ଷତିଗ୍ରସ୍ତ ହେବେ ତାହା ସମୟ ହିଁ କହିବ ।